Fréttasafn

Í tilefni af Strandmenningarhátíð á Snæfellsnesi 2019 heimsækir Dr. Margaret E. Willson Amtsbókasafnið í Stykkishólmi, laugardaginn 19. október kl. 17:00-19:00.

Hátt í hundrað manns mættu á íbúafund um fyrirhugaða rannsóknar-, vinnslu- og afurðamiðstöð þangs í Stykkishólmi á vegum kanadíska fyrirtækisins Acadian Seaplants í gærkvöldi. Stykkishólmsbær á nú í viðræðum við fyrirtækið varðandi frekari framvindu í þeim málum, líkt og ráðgjafarnefnd vegna málsins lagði til í skýrslu sinni.

Í tilkynningu frá Rarik kemur fram að vegna undirbúninga fyrir vinnu Landsnets í þessari viku gæti komið til rafmagnstruflana á Snæfellsnesi, Kolbeinsstaðahreppi, Eyja og Miklaholtshreppi, Skógarströnd og Suður Dölum í dag milli kl: 17.00 og 18.00. Nánari upplýsingar veitir Svæðisvakt RARIK Vesturlandi í síma 528 9390.

Áður auglýstur viðverutími atvinnuráðgjafa Samtaka sveitarfélaga á Vesturlandi fellur niður í dag, mánudag. En verður þess í stað á morgun, þriðjudaginn 8. okt. Kl. 13:00-15:00.

Aðalfundur Foreldrafélags Leikskólans í Stykkishólmi var haldinn í gærkvöldi í sal skólans, Mostraskeggi. Kosin var ný stjórn fyrir skólaárið 2019-2020 og í henni sitja: Klaudia Sylwia Gunnarsdóttir, formaður Ingunn Alexandersdóttir, gjaldkeri Anna Margrét Ólafsdóttir, ritari Elva Rún Óðinsdóttir, meðstjórnandi Ósk Hjartardóttir, meðstjórnandi Fundurinn samþykkti að félagsgjaldið yrði kr. 450,- fyrir hvert barn á mánuði frá 1. nóvember. Enn vantar tvo fulltrúa í foreldraráð leikskólans og eru áhugasamir hvattir til að hafa samband við leikskólastjóra.

Boðið verður upp á hópleit fyrir legháls og brjóstakrabbameinum á heilsugæslustöðinni í Stykkishólmi dagana 16.-18. október 2019. Allar konur sem hafa fengið bréf eru hvattar til að panta sér tíma í síma: 4321200

Næstkomandi þriðjudag, 8. október, verður haldin íbúafundur um fyrirhugaða rannsóknar-, vinnslu- og afurðamiðstöð þangs í Stykkishólmi. Stykkishólmsbær á nú í viðræðum við kanadíska fyrirtækið Acadian Seaplants varðandi frekari framvindu mála, líkt og ráðgjafarnefnd vegna málsins lagði til í skýrslu sinni.

Laugardaginn 5. október n.k. verður landsæfing björgunarsveita Slysavarnafélagsins Landsbjargar haldin í Snæfellsbæ. Svæðisstjórn á svæði 5 og fulltrúar björgunarsveitanna á Snæfellsnesi og í Dölum bera hitann og þungan af undirbúningi og framkvæmd æfingarinnar. Leitað hefur verið eftir aðstoð slysavarnadeildanna á svæðinu, líkt og gerist þegar útköll verða.

Bæjarstjórn Stykkishólmsbæjar samþykkti 18. júní 2019 tillögu að óverulegri breytingu á Aðalskipulagi Stykkishólms 2002-2022 samkvæmt 2. mgr.36.gr. skipulagslaga nr. 123/2010.

Sunnudaginn 6. október munu þær Ingibjörg Fríða Helgadóttir og Ingibjörg Ýr Skarphéðinsdóttir halda tónleika í Stykkishólmskirkju sem ber yfirskriftina konan í speglinum.