Fréttasafn

Lóðirnar Sæmundarreitur 1 og 2 eru auglýstar til úthlutunar í samræmi við reglur Stykkishólmsbæjar um úthlutun á lóðum fyrir íbúðar- og atvinnuhúsnæði og bætast þar með á úthlutunarlista yfir lausar lóðir í Stykkishólmi. Umsóknarfrestur er til 15. febrúar 2021.

Nú um áramótin gekk sú breyting í gildi að aðild að Amtsbókasafninu í Stykkishólmi var gerð ókeypis. Nú geta því allir nýtt sér allan safnkost Amtsbókasafnsins án þess að draga upp veskið. Á bókasafninu er veitt fjölbreytt þjónusta. Auk þess að lána út bækur og tímarit eru til útláns DVD diskar, kvikmyndir og sjónvarpsþáttaraðir. Nýverið var auk þess tekið upp á því að lána út borðspil. Amtsbókasafnið er auk þess aðili að Rafbókasafninu.

Grunnskólinn í Stykkishólmi auglýsir 50% tímabundna stöðu forfallakennara frá 1. febrúar nk.

Vert er að minna bæjarbúa á að í samráði við lögreglu hefur verið tekin ákvörðun um að aflýsa áramóta- og þrettándabrennum í ár í samræmi við sóttvarnareglur. Veðrið leikur hinsvegar við okkur þessa dagana og eru áframhaldandi horfur á heppilegu veðri til útivistar næstu daga. Því er um að gera að njóta veðursins og bregða sér í göngu eða út að leika með börnunum. Á gamlársdag er svo útlit fyrir hægan vind og bjart veður víða á landinu, en þó eru líkur á lítilsháttar skúrum eða éljum um landið vestanvert.

Gleðilega jólahátíð. Litlu jólin og helgileikurinn tókust mjög vel og sem betur fer gátum við streymt beint til forelda elstu barnanna helgileiknum. Við fengum einn jólasvein í heimsókn og gættum ýtrustu sóttvarna og var sveinki með grímu undir öllu skegginu :) Vík og Bakki héldu sín litlu jól alveg sér og fengu líka jólasvein í heimsókn en sá sveinn kom innan úr húsi.

Byggðasafn Snæfellinga og Hnappdæla auglýsir eftir starfsmanni í skráningu safnmuna.

Í kvöld, 22. desember kl. 20:30, er boðið til jólatónleika heima í stofu. Tónleikarnir fara fram í Stykkishólmskirkju en verða aðgengilegir á YouTube rás Stykkishólmsbæjar. Fyrir tónleikunum stendur Gerður Silja Kristjánsdóttir með aðstoð þeirra sem fram koma á tónleikunum, en fram koma Hólmarar úr ýmsum áttum.

Stykkishólmsbær óskar Hólmurum og Snæfellingum öllum gleðilegra jóla og farsældar á komandi ári.

Líkt og hefð hefur skapast fyrir eru veitt verðlaun fyrir best skreytta húsið í Stykkishólmi fyrir jólin. Níundi bekkur grunnskólans sá um valið og var það fjölskyldan að Hjallatanga 26 sem hlaut viðurkenninguna þetta árið. Við óskum þeim innilega til hamingju.

Lóðin Áskinn 6 er auglýst til úthlutunar í samræmi við reglur Stykkishólmsbæjar um úthlutun á lóðum fyrir íbúðar- og atvinnuhúsnæði og bætist þar með á úthlutunarlista yfir lausar lóðir í Stykkishólmi. Umsóknarfrestur er 10 dagar. Á lóðinni er heimilt að byggja einbýlishús, parhús eða þríbýli á einni hæð. Þar sem ekki er til gildandi deiliskipulag af svæðinu ber að grenndarkynna byggingarleyfisumsókn samkvæmt 44.gr. skipulagslaga nr. 123/2010.