Ósk Íslenska Gámafélagsins um landsvæði til afnota

Lögð fram beiðni Íslenska Gámafélagsins ehf. um landsvæði til afnota við atvinnustarfsemi félagsins.

Lögð til umsagnar beiðni Íslenska gámafélagsins þar sem óskað er eftir stækkun á lóð við Flugvallaveg 20. Bæjarráð tók erindið fyrir á 35. fundi sínum og óskar umsagnar skipulagsnefndar.

Lögð fram beiðni Íslenska gámafélagsins þar sem óskað er eftir stækkun á lóð við Flugvallaveg 20. Bæjarráð tók erindið fyrir á 35. fundi sínum og óskaði umsagnar skipulagsnefndar.



Á 32. fundi skipulagsnefndar lagði nefndin til við bæjarstjórn að gerður verði afnotasamningur við Íslenska gámafélagið, sbr. tillögu skipulagsfulltrúa dags. 25. ágúst 2025. Afnotasamningur verði í gildi þar til deiliskipulag hefur verið unnið af öllu svæðinu.

Lögð fram drög að afnotasamningi við Íslenska Gámafélagið ehf. um tímabundin afnot af landsvæði við Flugvallaveg 20. Málið hefur áður verið tekið til umfjöllunar og afgreiðslu á fundum bæjarráðs, skipulagsnefndar og bæjarstjórnar þar sem samþykkt var að gerður yrði afnotasamningur við félagið.