Bæjarstjórn

Lögð fram 35. fundargerð bæjarráðs.

Lögð fram 32. fundargerð skipulagsnefndar.

Lagðar fram forsendur fjárhagsáætlana sveitarfélaga 2026 og 2027-2029. Forsendurnar taka mið af nýútgefni þjóðhagsspá Hagstofu Íslands.

Lagðar fram endurskoðaðar reglur Félags- og skólaþjónustu Snæfellinga um sérstakan húsnæðistuðning og drög að reglum um fjárhagsaðstoð.



Bæjarráð samþykkti reglurnar á 34. fundi sínum, og vísaði þeim til fyrri umræðu í bæjarstjórn. Á 38. fundi sínum, vísaði bæjarstjórn reglunum til síðari umræðu.

Bæjarráð samþykkti reglurnar á 35. fundi sínum og lagði til við bæjarstjórn að samþykkja reglur Félags- og skólaþjónustu Snæfellinga um sérstakan húsnæðistuðning og reglur um fjárhagsaðstoð.

Bæjarráð samþykkti á 35. fundi sínum að auglýsa eftir aðilum til samstarfs um áframhaldandi uppbyggingu íbúðahverfis í Víkurhverfi í Stykkishólmi í samræmi við fyrirliggjandi auglýsingu. Auglýsingin var birt 11. ágúst og var veittur tveggja vikna umsóknarfrestur. Einn umsókn barst sveitarfélaginu frá Skipavík ehf.



Lögð er fram umsókn Skipavíkur ehf. um samstarf um skipulag og uppbyggingu íbúðarhúsnæðis vestan Borgarbrautar í Víkurhverfi.

Á 34. fundi bæjarráðs var lagt til að lóðin R1 í Víkurhverfi verði auglýst laus til umsóknar með það að markmiði að umsækjandi sæki til sveitarfélagsins um heimild til uppbyggingar á lóðinni á grunni gr. 4.2. í lóðarreglum sveitarfélagsins með þeirri forsendu að miðað verði við 600 fm2 byggingarmagn, bílastæði snúi að Borgarbraut og íbúðir verði allt að fjórar með bílskúrsheimild. Forgangsröðun úthlutunnar til áhugasamra aðila skuli byggja á gr. 4.2.2. í lóðarreglum sveitarfélagsins.



Bæjarstjórn samþykkti, á 38. fundi sínum, að auglýsa eftir áhugasömum aðilum á framangreindum forsendum til samtals um uppbyggingu á lóð R1 í Víkurhverfi sem gæti orðið grundvöllur að lóðarúthlutun í framhaldinu.



Auglýst var eftir áhugasömum til samtals um uppbyggingu á lóðinni 27. júní sl. Einn aðili, Skipavík ehf., sóttist eftir samtali við sveitarfélagið um uppbyggingu á lóðinni. Á fundinum var lagt fram minnisblað bæjarstjóra ásamt tillögu að afgreiðslu málsins.



Bæjarráð vísaði, á 35. fundi sínum, tillögunni til afgreiðslu í bæjarstjórn.

Lögð fram drög að fundaáætlun bæjarráðs og bæjarstjórnar seinni huta árs 2025.

Lögð fram beiðni Íslenska gámafélagsins þar sem óskað er eftir stækkun á lóð við Flugvallaveg 20. Bæjarráð tók erindið fyrir á 35. fundi sínum og óskaði umsagnar skipulagsnefndar.



Á 32. fundi skipulagsnefndar lagði nefndin til við bæjarstjórn að gerður verði afnotasamningur við Íslenska gámafélagið, sbr. tillögu skipulagsfulltrúa dags. 25. ágúst 2025. Afnotasamningur verði í gildi þar til deiliskipulag hefur verið unnið af öllu svæðinu.

Á 32. fundi skipulagsnefndar var lögð fram að nýju tillaga að óverulegri breytingu á deiliskipulagi miðbæjar austan Aðalgötu.



Tillagan hefur verið grenndarkynnt skv. 2. mgr. 43. gr. skipulagslaga og var hún kynnt lóðarhöfum Austurgötu 1, 2, 3, 4a og 6 og Smiðjustíg 2 og 2a.



Athugasemdir bárust frá eigendum Smiðjustígs 2 og Austurgötu 4a.



Skipulagsfulltrúi lagði fram, til samþykktar, athugasemdir og bókun að svari við athugasemdirnar.



Skipulagsnefnd samþykkti svör við athugasemdum og framlagða deiliskipulagsbreytingu að lokinni grenndarkynningu. Nefndin lagði til við bæjarstjórn að breytingin verði samþykkt og deiliskipulagið taki gildi með birtingu í B-deild Stjórnartíðinda og verði send Skipulagsstofnun til varðveislu í samræmi við 2. mgr. 43. gr. skipulagslaga nr. 123/2012.

Lagður fram viðauki 2 við fjárhagsáætlun 2025-2028.

Bæjarráð samþykkti, á 35. fundi sínum, tilfærslur á fjárfestingarliðum og vísaði þeim til vinnslu við viðauka 2.

Lagðir fram minnispunktar bæjarstjóra.