Bæjarráð

Lögð fram fundargerð 38. fundar skipulagsnefndar.

Lögð fram fundargerð 9. fundar ungmennaráðs.

Lagt fram bréf frá skólameistara Fjölbrautaskóla Snæfellinga varðandi útboð á skólaakstri.

Lagt fram bréf frá Veitum vegna umfjöllunnar um gjaldskrárhækkun hitaveitunnar.

Lögð fram skýrsla um orkumál á rafkynntum svæðum á Vesturlandi ásamt glærukynningu.

Lagðar fram nýjustu fundargerðir Breiðafjarðanefndar.

Lögð fram tilkynning um úthlutun byggðakvóta fyrir fiskveiðiárið 2025/2026.

Lagður fram hlutafjármiði Sorpurðunar Vesturlands 2026.

Lagt fram milliuppgjör fyrir fyrstu 11 mánuði ársins 2025.

Lögð fram drög að afnotasamningi við Íslenska Gámafélagið ehf. um tímabundin afnot af landsvæði við Flugvallaveg 20. Málið hefur áður verið tekið til umfjöllunar og afgreiðslu á fundum bæjarráðs, skipulagsnefndar og bæjarstjórnar þar sem samþykkt var að gerður yrði afnotasamningur við félagið.

Lögð fram umsagnarbeiðni og rafræn umsókn Eddu Baldursdóttur um tækifærisleyfi til áfengisveitinga vegna þorrablóts sem halda á í Íþróttahúsinu Borgarbraut 4, Stykkishólmi þann 7. febrúar 2026.

Lögð fram gögn varðandi framtíðarform og þróun Vatnasafns. Jafnframt er lagt fram minnisblað bæjarstjóra, unnið að beiðni formanns nefndarinnar, um fund bæjarstjóra og forsætisráðherra vegna málsins, ásamt öðrum minnisblöðum og gögnum sem tengjast málinu.



Safna- og menningarmálanefnd lýsti, á 4. fundi sínum, skýrum vilja til að ná samningi um framtíð Vatnasafns í Stykkishólmi. Í því samhengi lagði nefndin ríka áherslu á mikilvægi þess að sveitarfélagið fái viðeigandi stuðning til uppbyggingar menningarinnviða í samræmi við fyrirliggjandi gögn, enda sé slíkur stuðningur lykilatriði í ljósi umfangsmikilla og langtímasamninga sem nú liggja fyrir um rekstur safnsins.



Nefndin tók jafnframt undir efni minnisblaðs bæjarstjóra, minnisblað verkefnastjóra menningarmála á Vesturlandi og fundargerð vinnuhóps um framtíðarfyrirkomulag safnsins.



Bæjarráð samþykkti á 24. fundi sínum afgreiðslu nefndarinnar og vísaði málinu áfram til frekari vinnu í vinnuhópi um framtíð Vatnasafns.



Safna- og menningarmálanefnd þakkaði, á 6. fundi sínum, fyrir framlagðar upplýsingar, þar á meðal minnisblað bæjarstjóra, drög að nýjum samningi um Vatnasafnið og minnisblað verkefnastjóra menningarmála á Vesturlandi. Nefndin taldi að framangreind gögn varpi skýru ljósi á bæði menningarlegt gildi Vatnasafnsins og þau umfangsmiklu fjárhagslegu og rekstrarlegu verkefni sem tengjast framtíð safnsins.



Nefndin ítrekaði fyrri afstöðu sína, líkt og fram kom á 4. fundi nefndarinnar, um að mikilvægt sé að ná samningi um framtíð Vatnasafnsins í Stykkishólmi. Í því samhengi lagði nefndin þunga áherslu á að sveitarfélagið fái viðeigandi stuðning til uppbyggingar menningarinnviða og til að mæta þeim langtímasamningsskuldbindingum sem fram koma í nýjum samningsdrögum.



Nefndin tók undir þau sjónarmið sem fram koma í minnisblaði bæjarstjóra um að utanaðkomandi fjármögnun sé nauðsynleg forsenda þess að unnt sé að gera bindandi samning til lengri tíma. Nefndin tók jafnframt undir að tækifæri til að efla menningartengda ferðaþjónustu og samfélagslega virkni safnsins séu veruleg og vægi þess innan samtímalistar er ómetanlegt, en að viðhaldsþörf húseignarinnar og listaverksins kalli á aðkomu ríkisins, líkt og rakið er í framlögðum gögnum.



Safna- og menningarmálanefnd hvatti til þess að vinnuhópur um framtíð Vatnasafns fundi með annars vegar fulltrúum ríkisins og hins vegar fulltrúum listamannsins til að fara yfir stöðu málsins. Með vísan til framangreinds samþykkir nefndin að vísa málinu áfram til frekari vinnu í vinnuhópi um framtíð Vatnasafns og óskaði eftir að næstu skref í samningsgerð verði lögð fyrir nefndina þegar þau liggja fyrir.



Bæjarráð þakkaði, á 39. fundi sínum, fyrir framlagðar upplýsingar og ítarlega umfjöllun safna- og menningarmálanefndar um framtíðaráform Vatnasafnsins. Bæjarráð tók undir afstöðu nefndarinnar um að utanaðkomandi fjármögnun sé lykilforsenda þess að unnt sé að gera langtímasamning um rekstur safnsins. Bæjarráð staðfesti að öðru leyti afgreiðslu nefndarinnar.



Bæjarráð samþykki að vísa málinu áfram til áframhaldandi vinnu starfshóps um framtíð Vatnasafnsins og fól bæjarstjóra jafnframt að fylgja málinu eftir gagnvart ríkinu. Bæjarráð óskaði einnig eftir að starfshópurinn leggi fram tillögur um næstu skref í samningsgerð og aðkomu ríkisins þegar þær liggja fyrir.



Afgreiðslu málsins er vísað til staðfestingar í bæjarstjórn.



Bæjarstjórn staðfesti á 43. fundi sínum afgreiðslu bæjarráðs og safna- og menningarmálanefndar.



Málið er tekið upp á vettvangi bæjarráðs í kjölfar samskipta milli sveitarfélagsins og fulltrúa listamannsins varðandi næstu skref málsins með áherslu farsæla lausn á húsnæðisþætti málsins. Fulltrúi Roni Horn mætir til fundar við bæjarráð.

Lagðar fram tillögur að frágang á skólalóð umhverfis ný húsakynni Regnbogalands. Lagt er til að aðskilja bílaplan frá leiksvæði við Regnbogaland með grindverki eða hleðslu með það að markmiði að bægja börnum frá bílaumferð.

Lagður fram viðauki við samning um rekstur Náttúrustofu Vesturlands.

Lagður fram undanþágulisti fyrir Sveitarfélagið Stykkishólm vegna verkfalla.

Umhverfis- og samgöngunefnd Alþingis sendir til umsagnar 322. mál - Samgönguáætlun fyrir árin 2026-2040 ásamt fimm ára aðgerðaráætlun fyrir árin 2026-2030. Frestur til að senda inn umsögn er til og með 9. febrúar nk.

Á 9. fundi ungmennaráðs fór fram umræða um bæjarstjórn unga fólksins. Ungmennaráð lagði til við bæjarstjórn að næsti bæjarstjórnarfundur unga fólksins færi fram 7. maí 2026.

Óskað er eftir því að vinna óverulega breytingu á deiliskipulagi Birkilundar í landi Saura er varðar Birkilund 19, 20 og 21.



Skipulagsnefnd samþykkti, á 38. fundi sínum, að unnin verði óveruleg breyting á deiliskipulagi Birkilundar skv. 2. mgr. 43. gr. skipulagslaga nr. 123/2012.

Óskað eftir að gera breytingu á aðalskipulagi vegna breytingu á landnotkun, ásamt því að vinna nýtt deiliskipulag þannig að unnt sé að byggja atvinnuhúsnæði og starfrækja ferðaþjónustu á svæðinu.



Málinu var frestað á 35. fundi skipulagsnefndar þann 12. nóvember 2025 og var skipulagsfulltrúa falið að óska eftir frekari gögnum.



Skipulagsnefnd samþykkti, á 38. fundi sínum, að landeigandi láti vinna tillögu að breytingu á aðalskipulagi Helgafellssveitar í samráði við skipulagsfulltrúa þar sem landnotkunin verði breytt úr landbúnaðarsvæði yfir í verslun og þjónustusvæði. Enn fremur samþykkti nefndin að unnið verði deiliskipulag af svæðinu á sömu forsendum.

Óskað er eftir að fá að byggja ibúðarhús í landi Kársstaða. Um er að ræða 103 m2 íbúðarhús sem væri staðsett um 45 m frá núverandi íbúðarhúsnæði.



Skipulagsnefnd heimilaði, á 38. fundi sínum, byggingu nýs íbúðarhús þar sem heimild er fyrir því í Aðalskipulagi Helgafellssveitar 2012-2022, en heimilt er að byggja fjögur stök íbúðarhús á jörðinni.

Borist hafa óskir frá Instavolt og ON um staðsetningu fyrir hraðhleðslustöðvar í Stykkishólmi.



Skipulagsfulltrúi kynnti á 38. fundi skipulagsnefndar, áform ON og Instavolt sem hafa sótt um svæði fyrir hraðhleðslustöðvar og lagði fram minnisblað.



Skipulagsnefnd lagði til að lóð samsíða Atlantsolíu verði skipulögð undir hraðhleðslustöðvar og vísaði málinu að öðru leyti til bæjarráðs.

Lagt fram erindi til bæjarráðs varðandi afnot af rými í Íþróttamiðstöð Stykkishólms og samstarf um uppbyggingu meðferðarherbergis.

Lögð fram drög að samningi sveitarfélagsins og Aftanskin, félags eldri borgara í Stykkishólmi, um afnot af Samkomuhúsinu við Aðalgötu 6. Samningurinn er í samræmi við áherslur fjárhagsáætlunar sveitarfélagsins og miðar að því að koma húsnæðinu í nothæft ástand og í samfélagslega notkun í samstarfi við Aftanskin.

Nýjar félagslegar íbúðir, í eigu Brák íbúðafélags, hafa risið í Stykkishólmi. Bæjarstjóri gerir grein fyrir framvindu mála.

Bæjarstjórn samþykkti, á 39. fundi sínum, að hefja viðræður við Skipavík ehf. um samstarf um skipulag og uppbyggingu íbúðarhúsnæðis vestan Borgarbrautar í Víkurhverfi á grunni fyrirliggjandi gagna.



Bæjarstjórn vísaði samningaviðræðum við Skipavík ehf. til vinnslu í bæjarráði og lagði til samráð við skipulagsnefnd um skipulagshluta samningsins. Þá óskaði bæjarstjórn þess að fulltrúar Skipavíkur ehf. fengju sem fyrst tækifæri til þess að kynna áform sín og hugmyndir nánar á sameiginlegum fundi bæjarráðs og skipulagsnefndar. Á 36. fundi bæjarráðs mættu fulltrúar Skipavíkur ehf. til fundar við bæjarráð og gerðu grein fyrir áætlunum sínum. Bæjarráð fól bæjarstjóra að leggja grunn að drögum að samkomulagi í samræmi við umræður á fundinum og leggja fyrir bæjarráð.



Í samræmi við ofangreint eru lögð fram drög að samkomulagi milli sveitarfélagsins og Skipavíkur ehf.



Bæjarráð samþykkti að haldinn yrði sameiginlegur vinnufundur með fulltrúum skipulagsnefndar og bæjarstjórnar þar sem línur sveitarfélagsins yrðu lagðar og í framhaldi af þeim fundi muni bæjarráð funda ásamt formanni skipulagsnefndar með fulltrúum Skipavíkur ehf.

Lögð er fram tillaga um heimild fyrir rekstraraðila á hafnarsvæðinu til að veita viðskiptavinum sínum gjaldfrjáls bílastæði á P1 út árið 2025 í gegnum útfærslu Parka ehf. Meginmarkmiðið er að styðja ferðaþjónustu á hafnarsvæðinu, efla þjónustu og bæta aðgengi gestum og viðskiptavinum.



Bæjarráð samþykkti, á 35. fundi sínum, að styðja við ferðaþjónustu á hafnarsvæðinu með því að veita ferðaþjónustuaðilum í veitingarekstri og hafsækinni upplifunarþjónustu heimild til þess að veita viðskiptavinum sínum gjaldfrjáls bílastæði á P1 út árið 2025 með útfærslu sem er í boði í gegnum Parka Lausnir ehf. Bæjarráð vísaði að öðru leyti áframhaldandi gjaldtöku og fyrirkomulagi hennar til umfjöllunar hjá atvinnu- og nýsköpunarnefnd. Í framhaldi af þeim fundi yrði haldinn sameiginlegum fundur fulltrúa sveitarfélagsins með ferðaþjónustuaðilum, FAS og öðrum hagsmunaraðilum varðandi útfærslu á gjaldtöku.



Atvinnu- og nýsköpunarnefnd tók, á 6. fundi sínum, framlagða tillögu til umræðu. Nefndin tók undir að gjaldtakan á hafnarsvæðinu sé mikilvægur þáttur í uppbyggingu og viðhaldi þeirra innviða sem þjónusta ferðamenn. Nefndin samþykkti fyrirliggjandi tillögu um að styðja við heimild rekstraraðila til að veita viðskiptavinum sínum gjaldfrjáls bílastæði, enda sé slíkt úrræði skynsamleg leið til að styðja við ferðaþjónustu á hafnarsvæðinu í ljósi gjaldtökunnar.



Atvinnu- og nýsköpunarnefnd tók jafnframt undir mikilvægi sameiginlegs fundar með ferðaþjónustuaðilum, FAS og öðrum hagsmunaaðilum til að móta framtíðarfyrirkomulag gjaldtöku á hafnarsvæðinu.



Rekstraraðilar á hafnarsvæði og aðrir hagsmunaaðilar voru boðaðir til fundar í Ráðhúsinu í Stykkishólmi í desember sl.



Bæjarstjóri gerir grein fyrir málinu.

Fyrir liggur að skipa þarf fulltrúa sveitarfélagsins í farsældarráð.

Bæjarstjóri gerir grein fyrir málinu.

Lögð fram gögn vegna fyrirhugaðrar lántöku hjá Lánasjóði sveitarfélaga.

Lögð fram fundaáætlun bæjarráðs og bæjarstjórnar.