Fréttir

Bæjarstjórn Stykkishólmsbæjar auglýsir hér með tillögu að breytingu á Aðalskipulagi Stykkishólmsbæjar 2002-2022 skv. 31. gr. skipulagslaga. Í tillögunni er skilgreint hvaða gististaðir geta talist minniháttar atvinnustarfsemi sem samrýmst getur búsetu á íbúðarsvæðum, sbr. gr. 4.3.1 og gr. 6.2 í skipulagsreglugerð.

Helgina 13.-14. nóvember veður farandmatarmarkaður á ferðinni um Vesturland. Bílar hlaðnir vestlenskum matvörum fara um landshlutann og selja beint úr bíl. Markaðurinn verður á planinu við íþróttamiðstöðina í Stykkishólmi laugardaginn 13. nóvember kl. 15:00 - 16:00.

Líkt og síðustu ár verður margt í boði á Snæfellsnesi fyrir jólin og eins og í fyrra mun Svæðisgarðurinn gefa út aðventudagatal sem borið verður í hvert hús á Snæfellsnesi, dagatalið verður einnig aðgengilegt rafrænt

Framkvæmdir standa nú yfir á bílplani við íþróttamiðstöð Stykkishólms en þar mun rísa rafhleðslustöð fyrir bíla. Stykkishólmsbær hefur samið við Ísorku um að reisa 150kw hraðhleðslustöð á umræddu svæði.

Bólusett verður gegn árlegri influensuá Heilsugæslunni í Stykkishólmi í dag, þriðjudaginn 2. nóv. kl. 13:00-14:30. Öllum er velkomið að mæta í bólusetningu en hvorki þarf að boða komu né bóka tíma.

Framkvæmdir við nýjan körfuboltavöll á lóð Grunnskólans í Stykkishólmi hafa staðið yfir undanfarið og fjöldi fólks lagt hönd á plóg. Stór áfangi náðist nú í þessari viku þegar undirlag vallarins var lagt niður. Við blasir nú fagurblár körfuboltavöllur með rauðum teigum.

Íbúum Stykkishólmsbæjar er nú gefin kostur á að skila inn ábendingum og tillögum vegna fjárhagsáætlunargerðar bæjarins fyrir árið 2022 og hafa með því móti tækifæri til að hafa áhrif á aðgerðir bæjarstjórnar. Um getur verið að ræða ný verkefni, nýjar fjárfestingar, áhersluverkefni í starfsemi bæjarins eða tillögur til hagræðingar í starfsemi Stykkishólmsbæjar. Áhugasamir einstaklingar og aðilar í Stykkishólmi sem vilja koma fram tillögum eða ábendingum varðandi fjárhagsáætlun 2022, eru hvattir til að koma þeim til skila í síðasta lagi 10. nóvember 2021 á netfangið samrad@stykkisholmur.is, eða skriflega í Ráðhúsið í Stykkishólmi.

Íþrótta- og Ólympíusamband Íslands (ÍSÍ) í samstarfi við Sundsamband Íslands stendur fyrir landsátaki í sundi frá 1. til 28. nóvember 2021. Syndum er heilsu- og hvatningarátak sem höfðar til allra landsmanna. Markmiðið með Syndum er að hvetja almenning til þess að hreyfa sig oftar og meira í sínu daglega lífi og nota meðal annars sund til þess.

Foreldrafélag Grunnskólans í Stykkishólmi stendur fyrir hrekkjavökugöngu og böllum fyrir nemendur grunnskólans fimmtudaginn 28. október. Gangan fer frá Grunnskólanum kl. 18:00 og verður gengið í hús á milli 18 og 19 þar sem börn safna sér nammi, eins og þekkt er. Gengið verður út frá þeirri reglu að banka megi uppá þar sem hús hafa verið skreytt í tilefni Hrekkjavökunnar.

Komandi helgi, 29.-31. október, verður mikið um að vera í Stykkishólmi en þá bjóða Hólmarar til veislu fyrir öll skilningarvit; hugleiðsla, kakóseremónía, sjósund, tónheilun, flot, náttúruhlaup, kundalini activation, dásamleg náttúra, gómsætur matur er meðal þess sem yfirgripsmikil dagskrá býður upp á.