Fréttir

Í gær var sagt frá því á vef Stykkishólmsbæjar að dráttarskipið Grettir Sterki væri á leið til Stykkishólms. Skipið er nú komið á leiðarenda og liggur við Stykkishólmshöfn. Bæjarstjórn Stykkishólmsbæjar og Helgafellssveitar hefur ítrekað lagt þunga áherslu á að annað skip hefji siglingar yfir Breiðafjörð sem allra fyrst þar sem núverandi ferja standist ekki nútímakröfur. Að öðrum kosti hefur bæjarstjórn lagt til að dráttarbátur verði staðsettur í Stykkishólmshöfn til að tryggja betur öryggi sjófarenda á Breiðafirði.

Danssýning Grunnskólans í Stykkishólmi fer fram í íþróttamiðstöðinni kl. 12.30 í dag, þriðjudaginn 4. október. Sýningin er opin öllum. Undanfarin misseri hefur dansskóli Jóns Péturs og Köru sinnt danskennslu við grunnskólann og leikskólann í Stykkishólmi. Danssýningin er á mörgum heimilum mikið tilhlökkunarefni, en hún er einskonar uppskeruhátíð danskennslunar og markar jafnframt lok hennar þetta árið.

Bæjarstjórn Stykkishólmsbæjar og Helgafellssveitar hefur ítrekað lagt þunga áherslu á að annað skip hefji siglingar yfir Breiðafjörð sem allra fyrst þar sem núverandi ferja standist ekki nútímakröfur. Að öðrum kosti hefur bæjarstjórn lagt til að dráttarbátur verði staðsettur í Stykkishólmshöfn til að tryggja betur öryggi sjófarenda á Breiðafirði.

Bólusett verður gegn inflúensu á Heilsugæslunni í Stykkishólmi dagana 3.- 4. október og 10.- 11. október kl. 12:30 - 14:00. Ekki þarf að panta tíma fyrir bólusetninguna. Þá býður Heilsugæslan fyrirtækjum einnig að hafa samband og fá hjúkrunarfræðing á sinn vinnustað til að bólusetja starfsfólk.

Málþing á vegum Vitafélagsins - íslenskrar strandmenningar í samstarfi við heimamenn og menningar- og viðskiptaráðuneytið verður haldið laugardaginn 1. október í Vatnasafninu Stykkishólmi, Bókhlöðustíg 19 kl. 13:30 - 16:00. Málþingið ber yfirskriftina Verkþekking við sjávarsíðuna - arfur til auðs. Aðgangur er ókeypis og allir velkomnir.

Í tilefni af Íþróttaviku Evrópu hefur verið sett saman stútfull dagskrá af íþrótta- og heilsutengdum viðburðum í Stykkishólmi dagana 23. - 30. september 2022. Markmið Íþróttaviku Evrópu er að kynna íþróttir og almenna hreyfingu um alla Evrópu og sporna þannig við auknu hreyfingarleysi meðal almennings. Íþróttavikan er ætluð öllum óháð aldri, bakgrunni eða líkamlegu ástandi. Íbúar hvattir til að taka þátt og finna sína hreyfingu til framtíðar.

Landsmót Samfés fer fram í Stykkishólmi dagana 7. - .9 október næstkomandi. Á mótinu koma saman ungmenni á aldrinum 13-16 ára frá félagsmiðstöðvum um allt land. Hver félagsmiðstöð getur skrá fjóra þátttakendur til leiks og er búist við að um 300-350 ungmenni sæki mótið í Stykkishólmi. Mótshaldara hverju sinni gefst tækifæri til að kynna sitt sveitarfélag fyrir ungmennum og þá þjónustu og afþreyingu sem þar er í boði. 

Fjórði fundur bæjarstjórnar Stykkishólmsbæjar og Helgafellssveitar fer fram fimmtudaginn 22. september kl. 17:00 í bæjarstjórnarsal.

Nú þegar haustið er gengið í garð er kominn tími á göngur og réttir hjá sauðfjárbænum landsins. Réttað verður í Arnarhólsrétt í Helgafellssveit sunnudaginn 18. september 2022 

Með sameiningu Stykkishólmsbæjar og Helgafellssveitar bættist fjöldi nýrra verkefna á starfsmenn sveitarfélagsins. Unnið er nú að einu slíku en þessar dagana standa starfsmenn Þjónustumiðstöðvar í ströngu við að tæma allar rotþrær í Helgafellssveit. Gert er ráð fyrir að því verkefni verði lokið  fyrir næstu helgi.