Fréttir

Ný reglugerð um takmörkun á skólastarfi vegna farsóttar tók gildi nú í morgun og gildir til og með 17. nóvember nk., með fyrirvara um breytingar. Markmiðið með reglugerðinni er að tryggja að sem minnst röskun verði á skólastarfi vegna COVID-19 sjúkdómsins með ýtrustu sóttvarnarsjónarmið að leiðarljósi.

Við vonum að allir hafi haft það gott í haustfríinu :-) Þar sem sóttvarnarreglur hafa verið hertar að nýju munum við kynna nýtt skipulag í tölvupósti til foreldra seinna í dag. Skólastarf mun hefjast kl. 10 í fyrramálið.

Haustfrí er í Grunnskólanum í Stykkishólmi í dag og á morgun, 2. og 3. nóvember. Þriðjdaginn 3. nóvember tekur gildi ný reglugerð heilbrigðisráðherra um takmörkun á skólastarfi vegna hertra sóttvarnaraðgerða.

Í Stykkishólmi er nú einn skráður í einangrun vegna COVID-19. Tekið skal fram að ekki er um að ræða nýtt smit heldur leiðrétta skráningu. Á morgun, 31. október, taka gildi nýjar og hertar sóttvarnarráðstafanir. Sömu reglur verða í gildi um allt land. Samkomutakmarkanir verða hertar þannig að leyfilegur fjöldi sem saman má koma fer niður í tíu manns, en var áður tuttugu.

Samband íslenskra sveitarfélaga og Akureyrarbær fengu í lok árs 2018 styrk frá Jöfnunarsjóði sveitarfélaga til að fara í reynsluverkefni um íbúasamráð. Kópavogsbær, Norðurþing og Stykkishólmsbær tóku þátt í verkefninu, auk Akureyrarbæjar. Verkefni sveitarfélaganna vörðuðu m.a. samráð við börn og ungmenni og samráð á sviði íþrótta- og tómstundamála.

Kæru vinir Á skipulagsdaginn síðasta þriðjudag vorum við með Menntabúðir í skólanum. Þær ganga út á að starfsmenn kynni alls konar nýjungar sem þeir eru að nota í kennslu. Annað starfsfólk getur svo lært af þeim.

Hrekkjavaka verður laugardaginn 31. október en hátíðin fer sífellt vaxandi hér á landi. Stykkishólmsbær hefur útbúið ratleik sem kemur í stað ?grikk eða gott?-göngu barna í ár. Ratleikurinn er hugsaður þannig að börn og fjölskyldur geti farið saman út og leitað að vissum myndum sem komið hefur verið fyrir á hverri stöð.

Þriðjudaginn 27. október var skipulagsdagur í leikskólanum. Þann dag vorum við á rafrænu málþingi um frjálsan leik barna sem bar heitið "Bara leikur?" það var Félag leikskólakennara sem hélt málþingið. Til þess að gæta allra sóttvarna vorum við á nokkrum stöðum í húsinu á meðan á málþinginu stóð.

Í gær var skipulagsdagur í skólanum og voru settar upp Menntabúðir þar sem starfsfólk skólans var með kynningar fyrir aðra í starfsmannahópnum. Hérna er hægt að sjá dagskrána sem var mjög metnaðarfull: https://read.bookcreator.com/aTNu7rjHLSaBm0yNxRRSa_ET8l-FntUUx_oNrcHODEE/-no1cN90TNm4F7pMrXH_8Q?fbclid=IwAR25B4QEsX6OAkfzfRqtB89r3chRQdzCx5IFg41QRHM8VEwSRj9N271xduc

Lóðin Móholt 14-16 er hér með auglýst til úthlutunar í samræmi við reglur Stykkishólmsbæjar um úthlutun á lóðum fyrir íbúðar- og atvinnuhúsnæði og bætist hún þar með á úthlutunarlista yfir lausar lóðir í Stykkishólmi. Umsóknarfrestur er 10 dagar. Lóðin er á skilgreindu íbúðarsvæði og er ætluð fyrir einlyft par- eða einbýlishús samkvæmt skipulagsskilmálum.