Fréttasafn

Opnað hefur verið fyrir umsóknir í uppbyggingarsjóð Vesturlands. Umsóknarfrestur er til og með 17. nóvember 2020. Af því tilefni stendur menningarfulltrúi Vesturlands hjá SSV fyrir fjarkynningu um Uppbyggingarsjóð og menningarverkefni og svarar spurningum þátttakenda á Facebook síðu SSV.

Kæru vinir Nú er fjórðungi skólaársins lokið. Það er undarlegt til þess að hugsa, annars vegar finnst manni það of lítið en einnig að svo margt sé búið að það hljóti að vera meira. Þetta felur í sér að 1. - 4. bekkur skiptir nú um faggrein í hringekju og hefur því lokið myndlist, sköpun, textíl eða smíði fyrir þetta árið.

Auglýst er laus til umsóknar 50% tímabundin staða forfallakennara?. ?Í Grunnskólanum í Stykkishólmi eru 150 nemendur. Gleði ? samvinna ? sjálfstæði eru einkunnarorð skólans og störfum við eftir Uppeldi til ábyrgðar. Umsækjendur þurfa að vera tilbúnir til að efla starfið enn frekar í þeim anda. Stykkishólmsbær eða ?Bærinn við eyjarnar? er 1200 manna bær á Snæfellsnesi með fallega náttúru og öflugt mannlíf. Í Stykkishólmi er vottað heilsueflandi vatn í sundlauginni.?

Opnað hefur verið fyrir umsóknir í uppbyggingarsjóð Vesturlands. Umsóknarfrestur er til og með 17. nóvember 2020. Tilgangur Uppbyggingarsjóðs er að styrkja annars vegar menningarverkefni og hinsvegar atvinnu- og nýsköpunarverkefni á Vesturlandi. Sjóðurinn er samkeppnissjóður og eru umsóknir metnar út frá þeim markmiðum og áherslum sem koma fram í Sóknaráætlun Vesturlands.

Ný reglugerð heilbrigðisráðherra tók gildi á miðnætti en samkvæmt henni gildir nú tveggja metra nándarregla um allt land. Þá er einnig grímuskylda alls staðar á landinu þar sem aðstæður eru þannig að ekki er unnt að tryggja tveggja metra regluna.

Félags- og skólaþjónusta Snæfellinga auglýsir laus til umsóknar eftirtalin störf: Forstöðumaður Smiðjunnar, Náms- og starfsráðgjafi.

Dómnefnd hefur valið vinningstillögu í samkeppni um útsýnisstað á Súgandisey við Stykkishólm. Vinningstillagan var unnin af Glámu-Kím og Landslagi í samstarfi við Ólöfu Nordal og Gunnar Karlsson. Tillagan er óhefðbundin útsýnisstaður sem ber heitið Fjöregg. Fjöreggið er útsýnisskúlptúr, útsýnispallur, upplifunar- og áningastaður allt í senn. Fjöreggið verður sýnilegt frá bænum og því forvitnilegt aðdráttarafl fyrir gesti og gangandi.

Af gefnu tilefni minnir Stykkishólmsbær á að lausaganga hunda í bæjarlandinu er með öllu óheimil skv. 15. gr. samþykktar um hundahald í Stykkishólmsbæ. Þá er eigendum og umráðamönnum hunda einnig skylt að gæta þess vel að hundar þeirra valdi ekki hættu, óþægindum, óþrifnaði eða raski ró manna, svo sem með stöðugu eða ítrekuðu ýlfri eða gelti. Einnig er minnt á að eigendum og umráðamönnum hunda er skylt að fjarlægja saur eftir hunda sína.

Enn vaxa fjöldatölur COVID-19 smitaðra á Íslandi, ástandið í Stykkishólmi er þó ennþá stöðugt. Í ljósi aukinna smita á landsvísu eru íbúar hvattir til að fara áfram varlega og huga vel að persónulegum sóttvörnum, þvo hendur, spritta, halda fjarlægðartakmörkunum og notast við andlitsgrímur þar sem það er ekki hægt. Þá er fólk einnig hvatt til að forðast að koma saman að óþörfu og fylgjast áfram með þróun mála.

Ráðhúsið í Stykkishólmi er nú tímabundið lokað fyrir gestum, um er að ræða varúðarráðstöfun vegna aukinna smita COVID-19 á landsvísu. Enn er þó óbreytt staða í Stykkishólmi.