Fréttasafn

Framkvæmdasýsla ríkisins, fyrir hönd Heilbrigðisráðuneytisins og Stykkishólmsbæjar, hefur óskað eftir tilboðum í uppbygginu nýs Hjúkrunarheimilis að Austurgötu 7, en bæjarstjórnir Stykkishólmsbæjar hafa síðustu þrjú kjörtímabil unnið samhent að verkefninu.

Skrifstofu- og frumkvöðlasetrið að Aðalgötu 10 í Stykkishólmi var opnað með formlegri athöfn í gær, mánudaginn 24 maí. Athöfnin hófst með því að lúðrasveit Tónlistarskólans lék nokkur lög undir stjórn Martins. Að því loknu ávarpaði Halldór Árnason viðstadda og afhenti Sigþóri Einarssyni, stjórnarformanni Suðureyja, lykla að húsnæðinu.

Í sumar verður boðið upp á leikjanámskeið fyrir 1.-3. bekk líkt og síðustu ár og ævintýranámskeið fyrir 4.-7. bekk líkt og síðasta sumar. Á námskeiðunum er lögð áhersla á gleði og hreyfingu.

Síðastliðinn fimmtudag þann 20. maí, fóru fram skólaslit Tónlistarskóla Stykkishólms í Stykkishólmskirkju. Venju samkvæmt var tónlist í fyrirrúmi og léku nemendur skólans vel valin verk.

Stykkishólmsbær auglýsir eftir flokkstjórum til starfa í vinnuskóla sveitarfélagsins sumarið 2021. Góður félagsskapur, útivera, samvinna, fjölbreyttni og gleði er lýsandi fyrir starfið.

Stjórn Suðureyja ehf. minnir á að frestur til að senda tillögu að nafni á skrifstofu- og frumkvöðlasetrið að Aðalgötu 10 í Stykkishólmi er til miðnættis sunnudaginn 23. maí nk. Tillögu skal skilað á netfangið samkeppni@stykkisholmur.is.

Í byrjun júnímánaðar hefjast upptökur á kvikmyndinni Woman at sea. Upptökur fara að mestu fram í Ólafsvík en einnig veður tekið upp í Stykkishólmi í byrjun júní, gert er ráð fyrir að upptökur á myndinni munu standa yfir í júní og júlí. Framleiðendur myndarinnar óska nú eftir aukaleikurum fyrir tökur í Stykkishólmi þann 1. júní nk.

Sveitarfélögin á Snæfellsnesi fagna EarthCheck umhverfisvottun 13. árið í röð ? til hamingju Snæfellingar! Með samtakamætti á Snæfellsnesi fyrir nær tveimur áratugum hófu sveitarfélögin á Snæfellsnesi ferli til að fá umhverfisvottun, eitt af þeim skrefum sem hafa verið tekin til að standa vörð um náttúru og samfélag á svæðinu.

Arkís arkitektar ehf. fyrir hönd Stykkishólmsbæjar óska eftir tilboðum í viðbyggingu við leikskólann í Stykkishólmi. Um er að ræða viðbyggingu við núverandi leikskóla sem er á einni hæð. Núverandi leikskóli er með þremur deildum og er nú verið að bæta við fjórðu deildinni. Verkefnið felst í því að fullbyggja nýju deildina að innan sem utan með innréttingum og öllum tilheyrandi frágangi og skila deildinni tilbúinni til notkunar.

Á bæjarstjórnarfundi þann 12. maí sl. var ársreikningur Stykkishólmsbæjar fyrir árið 2020 samþykktur við síðari umræðu, en ársreikningurinn ber merki þess að síðasta ár var óvenjulegt vegna þess faraldurs sem við sem samfélag höfum verið að takast á við ásamt öðrum þjóðum. Rekstrartekjur samkvæmt ársreikningi fyrir A og B hluta námu 1.698,5 millj. kr. á árinu en þar af námu rekstrartekjur A hluta 1.322,6 millj. kr. Rekstrarniðurstaða A og B hluta var neikvæð um 74,6 millj. kr. en fjárhagsáætlun með viðaukum hafði gert ráð fyrir neikvæðri rekstrarniðurstöðu að fjárhæð 78,4 millj. kr.