Raforkuöryggi á Snæfellsnesi
Málsnúmer 2004021
Vakta málsnúmerAtvinnu- og nýsköpunarnefnd - 2. fundur - 20.04.2020
Lagt fram minnisblað bæjarstjóra Stykkishólmsbæjar um stöðu og úrbætur á innviðum á Snæfellsnesi ásamt niðurstöðu átakshóps sem ríkisstjórnin setti á fót í kjölfar fárviðrisins sem gekk yfir í desember 2019 um úrbætur í innviðum og greinargerðir frá Samtökum sveitarfélaga á Vesturlandi og Landsneti sem send var átakshópnum.
Bæjarráð - 45. fundur - 20.08.2026
Lögð fram drög að þingsályktun um stefnu stjórnvalda um uppbyggingu flutningskerfis raforku, sem umhverfis-, orku- og loftslagsráðuneytið hefur kynnt til samráðs í Samráðsgátt stjórnvalda, ásamt sameiginlegri umsögn sveitarfélaganna á Snæfellsnesi um drögin.
Í umsögninni er m.a. lögð sérstök áhersla á að Snæfellsnes verði tilgreint sem áherslusvæði í 4. tölulið stefnunnar, ásamt Vestfjörðum og Norðausturlandi.
Í umsögninni er m.a. lögð sérstök áhersla á að Snæfellsnes verði tilgreint sem áherslusvæði í 4. tölulið stefnunnar, ásamt Vestfjörðum og Norðausturlandi.
Bæjarráð staðfestir fyrirliggjandi umsögn og felur bæjarstjóra að koma henni á framfæri við þingmenn NV-kjördæmis.
Bæjarráð - 46. fundur - 17.09.2026
Lagt fram minnisblað um uppbyggingu flutningskerfis raforku á Snæfellsnesi.
Bæjarráð fagnar þeirri uppbyggingu sem átt hefur sér stað á flutningskerfi raforku á Snæfellsnesi og þeirri vinnu sem hafin er við undirbúning Vegamótalínu 2. Bæjarráð leggur ríka áherslu á að Vegamótalína 2 verði tekin inn á framkvæmdaáætlun næstu kerfisáætlunar og að undirbúningi verkefnisins verði áfram fylgt eftir af fullum þunga, enda er tvítenging Snæfellsness við meginflutningskerfið mikilvæg forsenda fyrir auknu afhendingaröryggi, orkuskiptum og áframhaldandi uppbyggingu á svæðinu. Bæjarráð leggur jafnframt ríka áherslu á að Vegamótalína 2 verði rekin á fullum afköstum (132 kV spennu) frá upphafi, þannig að sú fjárfesting og flutningsgeta sem í framkvæmdinni felst nýtist sem best frá fyrsta degi.
Bæjarstjórn - 52. fundur - 01.10.2026
Lagt fram minnisblað um uppbyggingu flutningskerfis raforku á Snæfellsnesi.
Bæjarráð fagnaði, á 46. fundi sínum, þeirri uppbyggingu sem átt hefur sér stað á flutningskerfi raforku á Snæfellsnesi og þeirri vinnu sem hafin er við undirbúning Vegamótalínu 2. Bæjarráð lagði ríka áherslu á að Vegamótalína 2 verði tekin inn á framkvæmdaáætlun næstu kerfisáætlunar og að undirbúningi verkefnisins verði áfram fylgt eftir af fullum þunga, enda er tvítenging Snæfellsness við meginflutningskerfið mikilvæg forsenda fyrir auknu afhendingaröryggi, orkuskiptum og áframhaldandi uppbyggingu á svæðinu. Bæjarráð lagði jafnframt ríka áherslu á að Vegamótalína 2 verði rekin á fullum afköstum (132 kV spennu) frá upphafi, þannig að sú fjárfesting og flutningsgeta sem í framkvæmdinni felst nýtist sem best frá fyrsta degi.
Ályktun bæjarráðs er lögð fram til staðfestingar í bæjarstjórn.
Bæjarráð fagnaði, á 46. fundi sínum, þeirri uppbyggingu sem átt hefur sér stað á flutningskerfi raforku á Snæfellsnesi og þeirri vinnu sem hafin er við undirbúning Vegamótalínu 2. Bæjarráð lagði ríka áherslu á að Vegamótalína 2 verði tekin inn á framkvæmdaáætlun næstu kerfisáætlunar og að undirbúningi verkefnisins verði áfram fylgt eftir af fullum þunga, enda er tvítenging Snæfellsness við meginflutningskerfið mikilvæg forsenda fyrir auknu afhendingaröryggi, orkuskiptum og áframhaldandi uppbyggingu á svæðinu. Bæjarráð lagði jafnframt ríka áherslu á að Vegamótalína 2 verði rekin á fullum afköstum (132 kV spennu) frá upphafi, þannig að sú fjárfesting og flutningsgeta sem í framkvæmdinni felst nýtist sem best frá fyrsta degi.
Ályktun bæjarráðs er lögð fram til staðfestingar í bæjarstjórn.
Bæjarstjórn staðfestir afgreiðslu bæjarráðs.
Nefndin hvetur bæjarstjóra og bæjarstjórn að beita sér fyrir því í samvinnu við sveitarfélögin á Snæfellsnesi að flýta langtímaáætlun hvað varðar flutningsleiðir á Snæfellsnes sem á að tryggja hringtenginu á Snæfellsnesi og auka verulega afhendingaröryggi rafmagns.