Atvinnu- og nýsköpunarnefnd (SH)
1.Erindisbréf atvinnu- og nýsköpunarnefndar
Málsnúmer 1905005Vakta málsnúmer
2.Sjávarútvegsstefna og skelbætur
Málsnúmer 2312008Vakta málsnúmer
Frumvarp innviðaráðherra er lagt fram.
Þá er lögð fram ályktun stjórnar Samtaka sveitarfélaga á Vestulandi vegna málsins og afturköllun lóðarumsóknar á Hamraendum vegna áforma innviðaráðherra um skelbætur.
Bæjarráð Stykkishólms tók, á 42. fundi sínum, undir ályktun stjórnar Samtaka sveitarfélaga á Vesturlandi um skelbætur og línuívilnun og leggst eindregið og hart gegn fyrirliggjandi frumvarpi innviðaráðherra. Bæjarráð taldi að fyrirhuguð lagabreyting muni hafa verulega neikvæð áhrif á atvinnulíf, byggðafestu og tekjustofna sveitarfélagsins, verði hún að veruleika. Verði frumvarpið að lögum getur það haft grafalvarleg áhrif á sveitarfélagið og aukið verulega hættu á að starfsemi, sem byggir m.a. á skelbótum, leggist af í sveitarfélaginu. Bæjarráð benti á að neikvæð áhrif áformanna eru þegar farin að koma fram og vísar í því sambandi til bréfs BB og sona ehf., dags. 18. mars 2026, um afturköllun lóðarumsóknar á Hamraendum, þar sem fram kemur að félagið sjái sér ekki fært að halda áfram með fyrirhuguð uppbyggingaráform í sveitarfélaginu vegna þeirrar óvissu sem skapast hefur vegna áforma innviðaráðherra. Bæjarráð skoraði á ríkisstjórn, sér í lagi innviðaráðherra, og Alþingi að falla frá frumvarpinu og hefja raunverulegt samráð við sveitarfélög og atvinnulíf um framtíð fiskveiðistjórnarkerfisins með það að markmiði að tryggja áfram byggðafestu, stöðugleika og fjölbreytt atvinnulíf á landsbyggðinni.
3.Atvinnusvæði við Kallhamar
Málsnúmer 2206035Vakta málsnúmer
4.Atvinnustefna
Málsnúmer 2609016Vakta málsnúmer
5.Deiliskipulag hafnarsvæðis
Málsnúmer 1604036Vakta málsnúmer
6.Samningur um nýtingu sjávargróðurs
Málsnúmer 1907015Vakta málsnúmer
7.Stórþörungarækt í sjó
Málsnúmer 2609022Vakta málsnúmer
8.Raforkuöryggi á Snæfellsnesi
Málsnúmer 2004021Vakta málsnúmer
Bæjarráð fagnaði, á 46. fundi sínum, þeirri uppbyggingu sem átt hefur sér stað á flutningskerfi raforku á Snæfellsnesi og þeirri vinnu sem hafin er við undirbúning Vegamótalínu 2. Bæjarráð lagði ríka áherslu á að Vegamótalína 2 verði tekin inn á framkvæmdaáætlun næstu kerfisáætlunar og að undirbúningi verkefnisins verði áfram fylgt eftir af fullum þunga, enda er tvítenging Snæfellsness við meginflutningskerfið mikilvæg forsenda fyrir auknu afhendingaröryggi, orkuskiptum og áframhaldandi uppbyggingu á svæðinu. Bæjarráð lagði jafnframt ríka áherslu á að Vegamótalína 2 verði rekin á fullum afköstum (132 kV spennu) frá upphafi, þannig að sú fjárfesting og flutningsgeta sem í framkvæmdinni felst nýtist sem best frá fyrsta degi.
Bæjarstjórn staðfestir á 52. fundi sínum afgreiðslu bæjarráðs.
9.Tillaga til þingsályktunar um samgönguáætlun fyrir árin 2026-2040 ásamt fimm ára aðgerðaáætlun fyrir árin 2026-2030
Málsnúmer 2601015Vakta málsnúmer
10.Orkuframboð í Stykkishólmi og afhendingargeta
Málsnúmer 2510012Vakta málsnúmer
Bæjarstjórn Stykkishólms lagði, á 41. fundi sínum, áherslu á að öruggt og nægjanlegt orkuframboð, bæði á rafmagni og heitu vatni, enda það eitt af meginforsendum áframhaldandi atvinnuuppbyggingar og samfélagslegrar framþróunar í Stykkishólmi. Bæjarstjórn taldi mikilvægt að sveitarfélagið hafi greinargóða yfirsýn yfir núverandi orkuframboð og framtíðaráform orkufyrirtækja á svæðinu, í samræmi við áætlanir um uppbyggingu atvinnusvæða við Kallhamra (Græna iðngarða) og Hamraenda, svo og aðra byggingarreiti í samræmi við gildandi skipulag. Bæjarstjórn Stykkishólms óskaði eftir upplýsingum frá Rarik ohf., Landsneti hf. og Veitum ohf. um núverandi afhendingargetu á rafmagni og heitu vatni í Stykkishólmi, áætlanir fyrirtækjanna um uppbyggingu og styrkingu orkuinnviða til næstu 5, 10 og 15 ára og hvernig þau sjá fyrir sér að mæta vaxandi eftirspurn í tengslum við uppbyggingu atvinnusvæða og fjölgun íbúa í samræmi við húsnæðisáætlun sveitarfélagsins.
Atvinnu- og nýsköpunarnefnd tók, á 6. fundi sínum, framlagðar upplýsingar til umræðu og tók undir ályktun bæjarstjórnar um að öruggt, fyrirsjáanlegt og nægjanlegt orkuframboð sé grundvallarforsenda atvinnuuppbyggingar á Hamraendum, þar á meðal fyrir áform ISEA um starfsemi í Stykkishólmi.
Nefndin áréttaði að óvissa um afhendingargetu, sérstaklega á heitu vatni, sé bæði óásættanleg og óskiljanleg. Það er með öllu óviðunandi að sveitarfélagið og fyrirtæki í atvinnurekstri fái ekki skýr svör um hvaða afhendingu Veitur ohf. geti tryggt, ekki síst í ljósi þess að slík afhending var ekki vandamál fyrr á árinu. Nefndin taldi óásættanlegt að Veitur geti ekki tilgreint hvaða magn á heitu vatni sé raunhæft að veita atvinnufyrirtækjum.
Nefndin taldi jafnframt óeðlilegt og ósanngjarnt að umhverfisvænt nýsköpunarfyrirtæki, sem reiðubúið er að hefja starfsemi í Stykkishólmi, sé beðið um að taka þátt í fjármögnun innviðauppbyggingar upp á nærri 50 milljónir króna, á svæði þar sem gera þarf ráð fyrir að innviðir nýtist allri fyrirhugaðri atvinnuuppbyggingu á Hamraendum sem sveitarfélagið stefnir á að hefja á árunum 2026 og 2027. Sérstaklega er þetta óeðlilegt í ljósi þess að Veitur ohf. höfðu þegar yfirsýn yfir stöðu mála í janúar síðastliðnum og gátu því með réttu upplýst hagsmunaaðila fyrr.
Nefndin undirstrikaði að uppbygging atvinnu- og iðnaðarstarfsemi á svæðinu sé hagsmunamál allra, þ.e. sveitarfélagsins, íbúa og veitufyrirtækjanna sjálfra. Því verði að liggja skýrt fyrir hvaða jarðvarmi og afhendingargeta standi til ráðstöfunar fyrir slíka uppbyggingu og hvaða skref þurfi að taka til að tryggja hana til framtíðar.
Með vísan til framangreinds lagði nefndin til, vegna alvarleika málsins, að bæjarstjórn boði til fundar með Veitum ohf. hið fyrsta og kalli eftir skýrum og trúverðugum svörum, með tímasettum aðgerðum, um afhendingargetu og nauðsynlegar framkvæmdir.
Fulltrúi ISEA ehf. kom til fundar við bæjarstjórn og gerir grein fyrir stöðu félagsins á 42. fundi.
Bæjarstjórn Stykkishólms staðfesti þá afgreiðslu atvinnu- og nýsköpunarnefndar og tók undir alvarleika málsins. Bæjarstjórn áréttaði að óvissa um afhendingargetu á heitu vatni sé óásættanleg fyrir fyrirtæki á svæðinu sem og þau fyrirtæki sem hyggi á atvinnuuppbyggingu á Hamraendum og fer fram á að skýr svör liggi fyrir frá Veitum ohf. án frekari tafa.
Bæjarstjórn lagði jafnframt áherslu á að fyrirtæki sem hyggjast hefja starfsemi í Stykkishólmi eigi ekki að bera kostnað af uppbyggingu grunninnviða á Hamraendum, sem mögulega geti komið til með að nýtast öðrum fyrirtækjum, með öðrum hætti en í gegnum þjónustugjöld, enda er um samfélagslega og sameiginlega innviðauppbyggingu að ræða sem þjónar hagsmunum íbúa, atvinnulífs og veitufyrirtækjanna sjálfra.
Bæjarstjórn óskaði eftir formlegum fundi við Veitur ohf. hið fyrsta og kallaði eftir skýrum upplýsingum og tímasettum áætlunum um hvernig tryggt verði að orkuöflun og afhendingargeta verði fullnægjandi fyrir atvinnuuppbyggingu á Hamraendum.
Fundur með Veitum fór fram 11. febrúar 2026. Þá fór fram fundur bæjarstjórnar með framkvæmdastýru Veitna 1. október 2026. Bæjarstjóri gerir grein fyrir umræðum á fundunum.
11.Staða háls- og bakdeildar í Stykkishólmi
Málsnúmer 2504007Vakta málsnúmer
Atvinnumálanefnd lagði, á 5. fundi sínum, til við bæjarráð að haldinn verði sameiginlegur fundur atvinnumálanefndar og bæjarráðs með stjórnendum háls- og bakdeildar í Stykkishólmi þar sem farið verður yfir stöðu deildarinnar í Stykkishólmi og þá framtíðarmöguleika sem deildin hefur til eflingar og vaxtar.
12.Kosning varaformanns og ritara
Málsnúmer 2211039Vakta málsnúmer
13.Móttaka skemmtiferðaskipa
Málsnúmer 2602005Vakta málsnúmer
Atvinnu- og nýsköpunarnefnd tekur undir fyrirliggajndi gögn um að skipafélögunum verði boðinn sérstakur kynningarpakki byggður á fyrirliggjandi kynningarefni um Stykkishólm og höfnina. Þar verði lögð áhersla m.a. á upplýsingar um hafnaraðstöðu og tillögur að ferðum fyrir smærri hópa, svo sem með siglingu um eyjar Breiðafjarðar, göngu um gamla bæinn og smökkun á sjávarfangi úr firðinum á veitingarstöðum. Atvinnu- og nýsköpunarnefnd telur mikilvægt að Félag atvinnulífs í Stykkishólmi hafi hlutverki að gegna í þessu sambandi, m.a. við að koma skipafélögunum í samband við ferðaþjónustuaðila í sveitarfélaginu og að hafa milligöngu við að útbúa tillögur að ferðum fyrir smærri hópa, og óskar eftir samvinnu við félagið í þessu sambandi.
Atvinnu- og nýsköpunarnefnd leggur til að sveitarfélagið og Félag atvinnulífs í Stykkishólmi boði í sameiningu til samtals við ferðaþjónustuaðila um móttöku smærri skemmtiferðaskipa. Eftir atvikum verði fulltrúum Cruise Iceland, annarra sambærilegra samtaka eða atvinnurekenda með reynslu af slíkri þjónustu boðið að taka þátt. Markmiðið verði að læra af reynslu annarra og ræða hvernig best megi þróa þessa þjónustu í Stykkishólmi.
14.Sjávarútvegsstefna og skelbætur
Málsnúmer 2312008Vakta málsnúmer
Lögð fram til umfjöllunar drög að umsögn Sveitarfélagsins Stykkishólms ásamt fylgiskjali um lagalega stöðu skelbóta og minnisblaði Jóhannesar Karls Sveinssonar, lögmanns hjá Landslögum.
Nefndin hvetur ráðherra til að tryggja áframhaldandi skelbætur þar til handhöfum verður tryggður varanlegur nýtingarréttur í formi aflahlutdeildar án framsalsréttar, bundinn veiðum og vinnslu á þeim stöðum við Breiðafjörð þar sem skelveiðar voru stundaðar.
15.Veiðistjórn grásleppu og fyrirkomulag hrognkelsaveiða
Málsnúmer 2005020Vakta málsnúmer
Á 46. fundi bæjarráð var vísað til fyrri umsagna og ályktana Sveitarfélagsins Stykkishólms um veiðistjórn grásleppu og áréttuð fyrri afstaða sveitarfélagsins um að veiðistjórn grásleppu sé betur fyrir komið í hlutdeildar- og aflamarkskerfi en með sóknarstýringu. Sú afstaða hefur m.a. byggst á sjónarmiðum um aukinn stöðugleika og fyrirsjáanleika, hagkvæmari og öruggari veiðar og jafnari samkeppnisstöðu milli veiðisvæða, ekki síst gagnvart Breiðafirði þar sem vertíð hefst síðar en víða annars staðar.
Bæjarráð benti jafnframt á að gögn Hafrannsóknastofnunar frá árunum 2025 og 2026 sýna að sókn og fjöldi neta minnkaði meðan aflamarkskerfið var við lýði. Stofnunin bendir einnig á að aflamarkskerfi geri bátum kleift að sækja heimilaðan afla með færri netum og að meðafli sé líklegur til að vera minni miðað við sama heildarafla.
Bæjarráð tók jafnframt undir áhyggjur Hafrannsóknastofnunar af mögulegri aukinni sókn og meðafla við afturhvarf til sóknarstýringar og lagði áherslu á að tekið verði tillit til athugasemda stofnunarinnar.
16.Breiðafjarðarferjan Baldur
Málsnúmer 2011013Vakta málsnúmer
Atvinnu- og nýsköpunarnefnd hvetur til þess að fulltrúar sveitarfélagsins fundi með fulltrúum Vesturbyggðar og Reykhólahrepps um möguleika á að nýta ferjuna til þungaflutninga. Nefndin telur mikilvægt að sveitarfélögin vinni saman að aukinni nýtingu ferjunnar til að styrkja rekstrargrundvöll hennar og stuðla að því að tryggja reglubundnar siglingar um Breiðafjörð til framtíðar.
17.Fækkun lögregluembætta
Málsnúmer 2609027Vakta málsnúmer
Umsögn sveitarfélagsins er lögð fram.
18.Ríkisstörf í Stykkishólmi
Málsnúmer 2411031Vakta málsnúmer
19.Stykkishólmur í sókn - Efling atvinnulífs í Stykkishólmi
Málsnúmer 2107012Vakta málsnúmer
20.Skógarstrandarvegur
Málsnúmer 1912009Vakta málsnúmer
Á 46. fundi bæjarráðs fagnaði bæjarráð því að áframhaldandi uppbygging Skógarstrandarvegar hefði verið tryggð í samþykktri samgönguáætlun 2026?2040 og ítrekaði mikilvægi þess að framkvæmdum yrði fylgt eftir af krafti. Skógarstrandarvegur væri stofnvegur og hluti grunnnets samgangna og hefði sveitarfélagið um árabil lagt þunga áherslu á uppbyggingu hans með vísan til umferðaröryggis, byggðaþróunar, atvinnulífs og þjónustu á svæðinu. Samþykkt samgönguáætlun gerði ráð fyrir áframhaldandi fjármögnun vegarins, bæði á fyrsta tímabili og síðari tímabilum áætlunarinnar.
Bæjarráð lagði sérstaka áherslu á að útboð vegna kaflans frá Stykkishólmsvegi að Svelgsá yrði auglýst sem fyrst og að framkvæmdum yrði hagað þannig að unnt yrði að ljúka verkinu eigi síðar en vorið 2027, í samræmi við fyrri áform Vegagerðarinnar. Bæjarráð óskaði jafnframt eftir því að Vegagerðin skoðaði, í samráði við sveitarfélagið og eftir atvikum landeigendur, hvort unnt væri að koma fyrir tímabundinni hjáleið um sumarhúsasvæðið að Saurum á framkvæmdatíma.
Bæjarráð lagði jafnframt þunga áherslu á að undirbúningi áframhaldandi uppbyggingar vegarins frá Svelgsá yrði hraðað, þar á meðal rannsóknum, valkostagreiningu og ákvörðun um framtíðarveglínu og þverun Álftafjarðar. Mikilvægt væri að niðurstaða um nýja veglínu yfir Álftafjörð lægi fyrir eins fljótt og kostur væri, þannig að unnt yrði að hefja nauðsynlega skipulagsvinnu og tryggja samfellu í undirbúningi og framkvæmdum. Sveitarfélagið ynni að nýju aðalskipulagi og því væri sérstaklega brýnt að framtíðarveglína yfir Álftafjörð lægi fyrir svo unnt væri að samræma hana aðalskipulagi Sveitarfélagsins Stykkishólms og Dalabyggðar. Í því sambandi lagði bæjarráð áherslu á mikilvægi þess að um þessa vinnu ríkti náið samráð Vegagerðarinnar og beggja sveitarfélaga sitt hvorum megin Álftafjarðar.
21.Staða ferðaþjónustunnar í Stykkishólmi
Málsnúmer 2611002Vakta málsnúmer
22.Auglýsingaskilti fyrir Stykkishólm
Málsnúmer 2611001Vakta málsnúmer
23.Fjárhagsáætlun 2027 og til þriggja ára 2028-2030
Málsnúmer 2609021Vakta málsnúmer
Hún leggur þó áherslu á að innan fyrirliggjandi fjárheimilda verði í forgangi að fylgja eftir samningi um þekkingarsetrið, kynna atvinnulóðir við Kallhamar og vinna með atvinnurekendum að verkefnum í ferðaþjónustu, þ.m.t. fyrirhugað auglýsingaskilti.
24.Gjaldskrár 2027
Málsnúmer 2610027Vakta málsnúmer
Fundi slitið.
- 1905005 - Erindisbréf atvinnu- og nýsköpunarnefndar.
- 2211039 - Kosning varaformanns og ritara.