Bæjarráð

Lagt fram til kynningar.

Lagt fram til kynningar.

Bæjarráð óskar eftir að skipulagsfulltrúi og eftir atvikum skipulagsnefnd rýni fyrirliggjandi bókun vegna Aðalgötu 5 og meti hvort fyrirhuguð áform samræmist gildandi deiliskipulagi.

Lagt fram til kynningar.

Bæjarráð fagnar þeirri uppbyggingu sem átt hefur sér stað á flutningskerfi raforku á Snæfellsnesi og þeirri vinnu sem hafin er við undirbúning Vegamótalínu 2. Bæjarráð leggur ríka áherslu á að Vegamótalína 2 verði tekin inn á framkvæmdaáætlun næstu kerfisáætlunar og að undirbúningi verkefnisins verði áfram fylgt eftir af fullum þunga, enda er tvítenging Snæfellsness við meginflutningskerfið mikilvæg forsenda fyrir auknu afhendingaröryggi, orkuskiptum og áframhaldandi uppbyggingu á svæðinu. Bæjarráð leggur jafnframt ríka áherslu á að Vegamótalína 2 verði rekin á fullum afköstum (132 kV spennu) frá upphafi, þannig að sú fjárfesting og flutningsgeta sem í framkvæmdinni felst nýtist sem best frá fyrsta degi.

Bæjarráð ítrekar ósk sveitarfélagsins um að Breiðafjarðarnefnd afhendi umbeðið minnisblað vegna undirbúnings mögulegrar skráningar svæðis á Ramsarskrá.

Bæjarráð minnir jafnframt á lögbundna skyldu Breiðafjarðarnefndar til að gæta samráðs við sveitarstjórnir og mikilvægi þess að sveitarfélög hafi greiðan aðgang að gögnum sem liggja til grundvallar vinnu nefndarinnar.

Bæjarráð óskar þess að umbeðin gögn verði afhent sveitarfélaginu án ástæðulauss dráttar.

Lagt fram til kynningar.

Bæjarráð vísar málinu til umfjöllunar í landbúnaðarnefnd og felur nefndinni að rýna möguleika á breyttri nálgun fyrir næsta sumar og leita í því sambandi samráðs við landeigendur, sauðfjárbændur og aðra hagaðila eftir því sem tilefni er til. Jafnframt er nefndinni falið að leita samráðs við önnur sveitarfélög innan fjallskilaumdæmis Snæfellinga um hvort tilefni sé til breytinga á fjallskilasamþykkt, með það að markmiði að skýra framkvæmd og stuðla að aukinni sátt um þessi málefni.

Bæjarráð þakkar fyrir erindið og vísar því til vinnslu við vinnu við fjárhagsáætlun sveitarfélagsins fyrir árið 2027 og þriggja ára áætlunar áranna 2028-2030.

Lagt fram til kynningar.

Bæjarráð óskar eftir umsögn æskulýðs- og íþróttanefndar og UMF Snæfells vegna málsins og í því sambandi óskar bæjarráð sérstaklega eftir að í umsögn UMF Snæfells verði gerð grein fyrir því hvort í gildi séu eða fyrirhugaðar almennar reglur um aðgengi iðkenda að æfingum félagsins þegar viðkomandi hefur keppnisrétt með öðru félagi, á hvaða forsendum slíkar reglur byggjast og hvernig þær samræmast markmiðum samstarfssamnings félagsins og sveitarfélagsins um barna-, unglinga- og afreksstarf.

Bæjarráð felur æskulýðs- og íþróttanefnd jafnframt að fjalla um erindið með hliðsjón af framangreindu og markmiðum samstarfssamningsins og skila umsögn til bæjarráðs.

Að fengnum framangreindum umsögnum verði málið tekið að nýju til umfjöllunar í bæjarráði og eftir atvikum boðað til samráðsfundar ef tilefni er til.

Afgreiðslu málsins vísað til bæjarstjórnar.

Bæjarráð samþykkir samninginn og vísar honum til staðfestingar í bæjarstjórn.

Bæjarráð samþykkir fyrir sitt leyti fyrirliggjandi umsókn um námsstyrk vegna náms veturinn 2026-2027, að uppfylltum skilyrðum reglna sveitarfélagsins um námsstyrki til starfsmanna, sem bæjarráð felur skólastjóra að sannreyna, og með fyrirvara um að skólastjóri meti að fyrirkomulag námsleyfis rúmist innan núverandi mönnunar, fjárheimilda og skipulags skólans og hafi ekki neikvæð áhrif á starfsemi hans.

Bæjarráð felur skólastjóra að ganga frá skriflegum samningi við viðkomandi starfsmann í samræmi við reglurnar að framangreindum skilyrðum uppfylltum.

Bæjarráð samþykkir fyrir sitt leyti fyrirliggjandi umsókn um námsstyrk vegna náms veturinn 2026-2027, að uppfylltum skilyrðum reglna sveitarfélagsins um námsstyrki til starfsmanna, sem bæjarráð felur skólastjóra að sannreyna, og með fyrirvara um að skólastjóri meti að fyrirkomulag námsleyfis rúmist innan núverandi mönnunar, fjárheimilda og skipulags skólans og hafi ekki neikvæð áhrif á starfsemi hans.

Bæjarráð felur skólastjóra að ganga frá skriflegum samningi við viðkomandi starfsmann í samræmi við reglurnar, að framangreindum skilyrðum uppfylltum.

Bæjarráð samþykkir þátttöku sveitarfélagsins í verkefninu.

Bæjarráð fagnar þeim áfanga sem felst í fyrirliggjandi samningi og felur bæjarstjóra að vinna áfram að undirbúningi stofnunar þekkingarsetursins í samræmi við samninginn.

Bæjarstjóra er jafnframt falið að vinna með SSV að nánari útfærslu og mögulegri fjármögnun undirbúningsvinnu næstu mánuði, þ.m.t. vegna rekstrar- og starfsáætlunar og fyrirkomulags starfseminnar.

Bæjarráð samþykkir fyrirliggjandi tillögur að viðaukasamningum við Alta vegna 2. áfanga aðalskipulagsvinnunnar, með fyrirvara um að ákvæði um tengingu taxta við launavísitölu verði breytt þannig að taxtar haldist óbreyttir í a.m.k. 12 mánuði frá samþykkt samninganna. Bæjarstjóra er falið að ganga frá samningunum á þeim grundvelli.

Bæjarráð staðfestir fyrirliggjandi framsal.

Bæjarráð vísar til fyrri umsagna og ályktana Sveitarfélagsins Stykkishólms um veiðistjórn grásleppu og áréttar fyrri afstöðu sveitarfélagsins um að veiðistjórn grásleppu sé betur fyrir komið í hlutdeildar- og aflamarkskerfi en með sóknarstýringu. Sú afstaða hefur m.a. byggst á sjónarmiðum um aukinn stöðugleika og fyrirsjáanleika, hagkvæmari og öruggari veiðar og jafnari samkeppnisstöðu milli veiðisvæða, ekki síst gagnvart Breiðafirði þar sem vertíð hefst síðar en víða annars staðar.

Bæjarráð bendir jafnframt á að gögn Hafrannsóknastofnunar frá árunum 2025 og 2026 sýna að sókn og fjöldi neta minnkaði meðan aflamarkskerfið var við lýði. Stofnunin bendir einnig á að aflamarkskerfi geri bátum kleift að sækja heimilaðan afla með færri netum og að meðafli sé líklegur til að vera minni miðað við sama heildarafla.

Að því er varðar reglugerðardrögin tekur bæjarráð undir áhyggjur Hafrannsóknastofnunar af mögulegri aukinni sókn og meðafla við afturhvarf til sóknarstýringar og leggur áherslu á að tekið verði tillit til athugasemda stofnunarinnar við endanlega útfærslu reglugerðarinnar.

Bæjarráð samþykkir að afgreiðslan verði send atvinnuvegaráðuneytinu sem umsögn sveitarfélagsins um reglugerðardrögin.

Bæjarráð þakkar Birgittu Rán Ásgeirsdóttur, fulltrúa Vegagerðarinnar, fyrir komuna á fundinn og greinargóða kynningu á stöðu og fyrirhuguðum framkvæmdum við Snæfellsnesveg 54 um Skógarströnd.

Bæjarráð fagnar því að áframhaldandi uppbygging Skógarstrandarvegar hafi verið tryggð í samþykktri samgönguáætlun 2026?2040 og ítrekar mikilvægi þess að framkvæmdum verði fylgt eftir af krafti. Skógarstrandarvegur er stofnvegur og hluti grunnnets samgangna og hefur sveitarfélagið um árabil lagt þunga áherslu á uppbyggingu hans með vísan til umferðaröryggis, byggðaþróunar, atvinnulífs og þjónustu á svæðinu. Samþykkt samgönguáætlun gerir ráð fyrir áframhaldandi fjármögnun vegarins, bæði á fyrsta tímabili og síðari tímabilum áætlunarinnar.

Bæjarráð leggur sérstaka áherslu á að útboð vegna kaflans frá Stykkishólmsvegi að Svelgsá verði auglýst sem fyrst og að framkvæmdum verði hagað þannig að unnt verði að ljúka verkinu eigi síðar en vorið 2027, í samræmi við fyrri áform Vegagerðarinnar. Bæjarráð óskar jafnframt eftir að Vegagerðin skoði, í samráði við sveitarfélagið og eftir atvikum landeigendur, hvort unnt sé að koma fyrir tímabundinni hjáleið um sumarhúsasvæðið að Saurum á framkvæmdatíma.

Bæjarráð leggur jafnframt þunga áherslu á að undirbúningi áframhaldandi uppbyggingar vegarins frá Svelgsá verði hraðað, þar á meðal rannsóknum, valkostagreiningu og ákvörðun um framtíðarveglínu og þverun Álftafjarðar. Mikilvægt er að niðurstaða um nýja veglínu yfir Álftafjörð liggi fyrir eins fljótt og kostur þannig að unnt verði að hefja nauðsynlega skipulagsvinnu og tryggja samfellu í undirbúningi og framkvæmdum. Sveitarfélagið vinnur nú að nýju aðalskipulagi og því er sérstaklega brýnt að fyrir liggi framtíðarveglína yfir Álftafjörð svo unnt sé að samræma hana aðalskipulagi Sveitarfélagsins Stykkishólms og Dalabyggðar. Í því sambandi leggur bæjarráð áherslu á mikilvægi þess að um þessa vinnu ríki náið samráð Vegagerðarinnar og beggja sveitarfélaga sitthvorum megin Álftafjarðar.

Bæjarráð þakkar fulltrúa Vegagerðarinnar fyrir komuna á fundinn og greinargóða kynningu á stöðu og fyrirhuguðum framkvæmdum við Stykkishólmsveg.

Bæjarráð fagnar því að framkvæmdir við endurbyggingu Stykkishólmsvegar séu hafnar og leggur áherslu á mikilvægi framkvæmdarinnar fyrir umferðaröryggi og bættar samgöngur til og frá Stykkishólmi.

Bæjarráð leggur áherslu á að samhliða framkvæmdinni verði ráðist í nauðsynlega færslu og frágang göngustíga beggja vegna Stykkishólmskirkjugarðs og gerðar viðeigandi ráðstafanir vegna þeirra breytinga sem framkvæmdin hefur í för með sér, þ.m.t. að Hannesarsteini verði fundinn viðeigandi staður við göngustíg í nágrenni við fyrri staðsetningu hans.

Bæjarráð leggur jafnframt sérstaka áherslu á að komið verði fyrir gönguröri undir Stykkishólmsveg til að tryggja örugga tengingu fyrir gangandi og hjólandi vegfarendur milli útivistarsvæða beggja vegna vegarins. Þá óskar bæjarráð eftir því að sérstaklega verði skoðað að hækka veginn í brekkunni milli Vogsbotns og Ögursafleggjara, m.a. með hliðsjón af aðstæðum og umferðaröryggi á þessum kafla.

Bæjarráð samþykkir að hafin verði vinna við frekari þróun miðbæjar Stykkishólms, með áherslu á afmarkað svæði við túnið við Laxárstíg (Bankatúnið) og möguleika til uppbyggingar á og við það svæði.

Bæjarráð samþykkir að skipaður verði þriggja manna vinnuhópur, einskonar spretthópur, sem falið verði að móta forsendur, hugmyndir og tillögur að uppbyggingu á svæðinu, með hliðsjón af meginmarkmiðum miðbæjarskipulags um að styrkja gamla bæjarkjarnann, styðja við þéttingu byggðar og tryggja að ný uppbygging falli vel að yfirbragði og byggðamynstri gamla bæjarins, jafnframt því sem hugað verði að gæðum almenningsrýma og mannlífi í miðbænum. Í hópnum sitji Gerður Kristjánsdóttir (formaður), Jón Ragnar Daðason og Björvin Ólafsson.

Við vinnu sína skal hópurinn leita samráðs við skipulagsnefnd, safna- og menningarmálanefnd og víðar eftir atvikum, þ.m.t. hjá félagasamtökum í sveitarfélaginu, og leggja niðurstöðu vinnunar að því loknu fyrir bæjarráð sem tekur ákvörðun um næstu skref málsins.

Bæjarráð samþykkir tillöguna og leggur til við bæjarstjórn að skipaður verði starfshópur vegna þeirra vinnu sem vinni með skipulagsfulltrúa að tillögu að nýju deiliskipulagi.

Bæjarráð samþykkir að skipulagsnefnd verði falið, í samvinnu við skipulagsfulltrúa og skipulagshönnuð, að hefja heildstæða yfirferð og endurskoðun á deiliskipulagi Víkurhverfis fyrir svæðið norðaustan Borgarbrautar.

Bæjarráð felur bæjarstjóra að láta taka saman uppfærðar upplýsingar um fjölda íbúðarhúsnæða í sveitarfélaginu þar sem enginn einstaklingur er skráður með lögheimili og vinna drög að bréfi til viðkomandi fasteignaeigenda sem og atvinnurekenda.

Bæjarráð leggur til við bæjarstjórn að hún hvetji þá fasteignaeigendur sem eiga sitt annað heimili í Sveitarfélaginu Stykkishólmi, en eru skráðir með lögheimili annars staðar, til að skrá lögheimili sitt í sveitarfélaginu, en með því leggi þeir sitt af mörkum til að standa undir þeim innviðum og þeirri þjónustu sveitarfélagsins sem þeir nýta ásamt öðrum íbúum sveitarfélagsins og taki þannig virkari þátt í að viðhalda góðu þjónustustigi í samfélaginu.

Bæjarráð tekur undir meginmarkmið þingsályktunartillögunnar um að mótuð verði stefna og aðgerðaáætlun með það að markmiði að eyða mink úr íslenskri náttúru. Bæjarráð telur mikilvægt að byggt verði á reynslu fyrri verkefna þar sem markviss aukning veiðisóknar leiddi til verulegrar fækkunar minks.

Bæjarráð lýsir jafnframt yfir vilja Sveitarfélagsins Stykkishólms til að taka þátt í þeirri stefnumótun og samráði sem fyrirhugað er og leggur áherslu á að tryggt verði nægjanlegt fjármagn og verkaskipting við framkvæmd verkefnisins.

Bæjarráð vísar málinu til næsta fundar.

Bæjarráð leggur til við bæjarstjórn að boðað verði til beinnar kosningar tveggja aðalmanna og tveggja varamanna í dreifbýlisráð Sveitarfélagsins Stykkishólms og að kjördagur verði laugardaginn 7. nóvember 2026.

Bæjarráð leggur jafnframt til að bæjarstjóra verði falið að annast nauðsynlegar tilkynningar vegna kosningarinnar, þ.m.t. til kjörstjórnar og Þjóðskrár Íslands. Jafnframt verði því beint til kjörstjórnar að Félagsheimilið Skjöldur verði kjörstaður vegna kosningarinnar.

Kjörstjórn annist að öðru leyti undirbúning og framkvæmd kosningarinnar, þ.m.t. endanlega ákvörðun um kjörstað og opnunartíma, í samræmi við samþykkt um stjórn sveitarfélagsins, reglur um kosningu í dreifbýlisráð og reglugerð um íbúakosningar sveitarfélaga.

Bæjarráð samþykkir að oddvitar, ásamt bæjarstjóra og formanni atvinnu- og nýsköpunarnefndar, fundi með atvinnurekendum í sveitarfélaginu til að afla sjónarmiða þeirra um helstu tækifæri og áskoranir sem blasa við atvinnulífinu í sveitarfélaginu áður en næstu skref verða tekin.

Bæjarráð tekur undir og staðfestir afgreiðslu skóla- og fræðslunefndar.

Bæjarráð staðfestir afgreiðslu skipulagsnefndar og óskar eftir umsögnum um tillöguna frá umhverfis- og náttúruverndarnefnd, ungmennaráði, öldungaráði og æskulýðs- og íþróttanefnd.

Bæjarráð staðfestir afgreiðslu skipulagsnefndar og felur nefndinni að halda áfram að vinna að tillögum að þéttingarreitum í sveitarfélaginu.

Bæjarráð staðfestir afgreiðslu skipulagsnefndar.

Bæjarráð staðfestir afgreiðslu skipulagsnefndar.

Bæjarráð staðfestir afgreiðslu skipulagsnefndar.

Bæjarráð samþykkir viðauka 2 við fjárhagsáætlun 2026-2029 og leggur til við bæjarstjórn að samþykkja hann.

Bæjarráð felur bæjarstjóra að vekja athygli forstöðumanna á stöðu og horfum í rekstri sveitarfélagsins í ljósi áframhaldandi verðbólgu- og vaxtaþrýstings. Verðbólga hefur reynst þrálátari en áður var gert ráð fyrir, verðbólguvæntingar eru áfram yfir markmiði og vaxtastig hátt, sem kallar á áframhaldandi aðhald í rekstri.

Bæjarráð leggur því ríka áherslu á að rekstur stofnana og deilda haldist innan samþykktra fjárheimilda og minnir forstöðumenn á verklagsreglur sveitarfélagsins um viðauka við fjárhagsáætlun og tilfærslu fjárheimilda milli deilda.

Bæjarráð lýsir verulegum áhyggjum af stöðu uppgjörs framkvæmdarinnar og þeirri umtalsverðu viðbótarkröfu sem nú er gerð á sveitarfélagið, löngu eftir að framkvæmdum lauk. Samkvæmt upplýsingum Framkvæmdasýslunnar ? Ríkiseigna í árslok 2022 var hlutdeild sveitarfélagsins vegna hjúkrunarheimilishlutans metin um 104 m.kr., en fyrirliggjandi uppgjörsgögn gera nú ráð fyrir verulega hærri hlutdeild. Þá var á þeim tíma gert ráð fyrir að endanlegt uppgjör verkefnisins færi fram á árinu 2023.

Áður en tekin verður afstaða til kröfunnar telur bæjarráð nauðsynlegt að fyrir liggi fullnægjandi og afstemmt uppgjör, þar sem gerð verði grein fyrir kostnaðarskiptingu, grundvelli 17% hlutdeildar sveitarfélagsins og þeim heimildum og samþykktum sem lágu til grundvallar breytingum á kostnaðar- og greiðsluáætlunum.

Jafnframt er óskað eftir breyttum greiðsluáætlunum og samþykki þeirra, samningi um fjármögnun og upplýsingagjöf sem gert var ráð fyrir í samkomulagi aðila frá 17. maí 2018 og skilamati framkvæmdarinnar. Þá er óskað eftir gögnum sem sýna með hvaða hætti kostnaðaraukar og breytingar á fjárhagslegum forsendum framkvæmdarinnar voru kynntar stýrihópi og sveitarfélaginu og eftir atvikum bornar undir sveitarfélagið til samþykktar, auk gagna um boðun og aðkomu fulltrúa sveitarfélagsins að verkfundum þar sem fjallað var um breytingar á verkinu og kostnaðarauka.

Bæjarráð tekur ekki afstöðu til greiðsluskyldu sveitarfélagsins vegna fyrirliggjandi kröfu fyrr en framangreind yfirferð hefur farið fram og upplýsingar liggja fyrir.

Bæjarráð felur bæjarstjóra og fjármála- og skrifstofustjóra að kalla eftir framangreindum gögnum svo hægt sé að greina. Að þeirri yfirferð lokinni verði haldinn fundur fulltrúa beggja aðila vegna málsins.

Bæjarráð vísar málinu til bæjarstjórnar til umræðu og afgreiðslu.

Bæjarráð bendir á að sveitarfélagið hafi ítrekað óskað eftir að sett verði upp öryggismyndavélar við flóttaleiðir í sveitarfélaginu og liggur fyrir staðsetining myndavéla eftir skoðun lögreglunnar og Neyðarlínunar á málinu á sínum tíma. Bæjarráð leggur því þunga áherslu á mikilvægi þess að vélarnar verði settar upp hið fyrsta.

Bæjarráð felur bæjarstjóra til viðbótar við framangreint að rýna möguleika á að bæta við myndavélum sveitarfélagsins með áherslu á aukið eftirlit í bænum.

Bæjarráð samþykkir að halda fund um málið 1. október næstkomandi og að skipaður verði þriggja manna vinnuhópur, einskonar spretthópur, til að vinna málið áfram undir stjórn formanns bæjarráðs og að formanni bæjarráðs verði falið að ljúka við skipun vinnuhópinn í samráði við oddvita beggja lista.

Bæjarráð samþykkir, í ljósi áforma Skipavíkur ehf. um uppbyggingu við Reitarveg 10 og 12, að óska eftir afstöðu lóðarhafa við Reitarveg 14 og 16 um hvort áhugi sé á að skoða frekari möguleika á nýtingu og þróun lóðanna á þessum hluta Reitarvegar, m.a. með hliðsjón af stærð framangreindra lóða. Komi fram vilji til að skoða málið áfram af þeirra hálfu verði í framhaldinu haft samráð við aðra lóðarhafa á svæðinu.

Bæjarráð samþykkir að fela bæjarstjóra að vekja athygli á svæðinu meðal áhugasamra fjárfesta og uppbyggingaraðila, enda býður það upp á fjölmörg tækifæri til atvinnuuppbyggingar.

Bæjarráð vísar forsendum til samþykktar í bæjarstjórn.

Bæjarráð leggur áherslu á að við áframhaldandi vinnslu málsins verði horft sérstaklega til sérstöðu Breiðafjarðar, þeirrar þekkingar og atvinnustarfsemi sem þegar er til staðar á svæðinu og þeirra tækifæra sem felast í frekari rannsóknum, nýsköpun og verðmætasköpun.

Bæjarráð telur mikilvægt að skoðað verði hvernig ný lagaumgjörð um stórþörungarækt geti stutt við frekari atvinnu- og þekkingaruppbyggingu við Breiðafjörð, samhliða því að hugað verði að samspili lagasetningar og strandsvæðisskipulags. Jafnframt verði sérstaklega horft til þess hvort Breiðafjörður geti nýst sem tilrauna- og þekkingarsvæði við fyrstu innleiðingu laganna.

Bæjarráð felur bæjarstjóra að ljúka við umsögn sveitarfélagsins, í samráði við oddvita, á grundvelli framangreindra áherslna og umræðna á fundinum og senda hana til Atvinnuvegaráðuneytisins.