Fréttir

Alþjóðaveðurfræðistofnunin WMO veittti nýlega tveimur veðurathuganarstöðvum á Íslandi viðurkenningu fyrir meira en 100 ára samfellda mælisögu. Þetta er stöðin að Teigarhorni í Berufirði og stöðin í Stykkishólmi.

Í janúar var óskað eftir umsögn Stykkishólmsbæjar um drög að Velferðarstefenu Vesturlands. Drög að Velferðarstefnu Vesturlands voru tekin til umfjöllunar og afgreiðslu í fastanefndum Stykkishólmsbæjar, m.a. skóla- og fræðslunefnd, íþrótta- og æskulýðsnefnd, ungmennaráði, nefnd um málefni fatlaðra (nú Velferðar- og jafnréttismálanefnd) og bæjarráði, ásamt því að bæjarstjórn tók drögin til umfjöllunar. Bæjarstjóra var falið að ganga frá og senda umsögn Stykkishólmsbæjar og er umsögnin birt hér í heild sinni.

Á 600. fundi bæjarráðs Stykkishólmsbæjar 9. maí 2019 var fjallað um tillögu til þingsályktunar um fjármálaáætlun 2020-2024, þingmál nr. 750. Eftirfarandi er bókun bæjarráðs Stykkishólmsbæjar um málið:

Lóðin Aðalgata 17 er auglýst til úthlutunar í Stykkishólmi skv. reglum um úthlutun á lóðum fyrir íbúðar- og atvinnuhúsnæði. Lóðin er á miðsvæði samkvæmt aðalskipulagi.

Dvalarheimili aldraðra óskar eftir starfskrafti í afleysingar í þvottahús heimilisins frá 15 júlí - 26 ágúst. Starfshlutfall er 60 %, frá kl 08-14 mán-fim.

Félags- og skólaþjónusta Snæfellinga auglýsir laus til umsóknar eftirtalin störf í Ásbyrgi, hæfingar - og vinnustað fólks með skerta starfsgetu.

Samtök sveitarfélaga á Vesturlandi munu standa fyrir áhugaverðu íbúaþingi mánudaginn 6 maí 2019 undir yfirskriftinni Mótum framtíð Vesturlands í sameiningu. Þingið fer fram í Hjálmakletti í Borgarnesi og hefst kl.13.00 og mun standa til kl.16.00. Nú er komið að því að móta nýja sóknaráætlun, verum með og tökum þátt.

Lausar eru til umsóknar stöður leikskólakennara við Leikskólann í Stykkishólmi frá 12. ágúst 2019. Vakin er athygli á því að ef ekki fást leikskólakennarar til starfa, munu aðrar umsóknir koma til greina. Reynsla af uppeldis- og kennslustörfum með ungum börnum er æskileg.

Stykkishólmsbær og Efling Stykkishólms boða til fundar um samstarfsverkefni á sviði ferðaþjónustu í Stykkishólmi í Amtsbókasafninu þriðjudaginn 23. apríl n.k. kl. 20:00. Markmið fundarins er að fá þá aðila sem sinna ferðaþjónustu í Stykkishólmi saman að samstarfsborði, varpa ljósi á það sem verið er að gera og horfa til framtíðar. Ræða um framtíðarhorfur og hvað við getum gert til að efla ferðaþjónustu í Stykkishólmi enn frekar.

Stykkishólmsbær auglýsir eftir aðstoðarmanni bæjarstjóra í 100% starfshlutfall frá og með 1. júní 2019 eða eftir nánara samkomulagi. Í boði er fjölbreytt, áhugavert og krefjandi starf þar sem reynir á öguð og sjálfstæð vinnubrögð, góða samskiptahæfni og fagmennsku.