Fréttir

Í ár hefur Þjónustumiðstöðin með Jóni Beck, verkstjóra, í broddi fylkingar sett upp jólasveinaratleik. Um er að ræða skemmtilega viðbót í jólaskreytingar bæjarins þar sem tækifæri gefst til að arka um Stykkishólm og leita að jólasveinunum sem eru í ýmsum erindagjörðum fyrir jólin og munu birtast hér og þar um bæinn, einn af öðrum. Ratleikurinn hefst mánudaginn 12. desember með komu Stekkjastaurs samkvæmt gamalli hefð og endar með komu Kertasníkis á Aðfangadag 24. desember.

Opnað hefur verið fyrir umsóknir í lista- og menningarsjóð Stykkishólmsbæjar. Umsóknum skal skilað á skrifstofu Stykkishólmsbæjar, eða netfang: stykkisholmur@stykkisholmur.is, fyrir 1. janúar nk. og tekur stjórn lista- og menningarsjóðs ákvörðun 12. janúar 2023.

Föstudaginn 9. desmber kl. 17-18 verður opið hús í Amtsbókasafninu vegna fyrirhugaðrar deiliskipulagsáætlana fyrir Skipavíkursvæði. Kristín Þorleifsdóttir, skipulagsfulltrúi og Bæring Bjarnar Jónsson, höfundur lýsingarinnar, verða á staðnum og svara spurningum og ábendingum.

Síðastliðinn mánudag, 5. desember, var haldinn íbúafundur í Amtsbókasafninu á Stykkishólmi. Þrjú mál voru á dagskrá fundarins: nafn sameinaðs sveitarfélags Stykkishólmsbæjar og Helgafellssveitar, markmið fjárhagsáætlunar sveitarfélagsins og helstu lykiltölur og loks sorpmál og fyrirhugaðar breytingar í flokkun og endurvinnslu.

Fundir jafningjahópsins í Stykkishólmi verða haldnir mánaðarlega, annan miðvikudag hvers mánaðar og mun fyrsti fundur verða haldinn í Setrinu miðvikudaginn 14. desember kl. 17.00. Fundirnir eru opnir þeim sem greinst hafa með krabbamein sem og aðstandendum krabbameinssjúklinga og hvetjum við þá til að mæta.

Sjöundi Sjöundi fundur bæjarstjórnar Stykkishólmsbæjar og Helgafellssveitar fer fram fimmtudaginn 8. desember kl. 17:00 í bæjarstjórnarsal. fer fram fimmtudaginn 8. desember kl. 17:00 í bæjarstjórnarsal.

Tillaga að breytingu á deiliskipulagi Víkurhverfis var samþykkt í bæjarstjórn 30. mars 2022 og var hún auglýst frá 12. apríl til 25. maí 2022. Gerðar voru minniháttar breytingar á tillögunni til þess að koma til móts við athugasemdir sem bárust. Að því loknu var hún send til yfirferðar hjá Skipulagsstofnun, sem gerði ekki athugasemdir.

Helga Guðjónsdóttir atvinnuráðgjafi SSV, Sigursteinn Sigurðsson menningarfulltrúi SSV og Kristján Guðmundsson fulltrúi áfangastaða- og markaðsstofu Vesturlands verða í Ráðhúsinu í Stykkishólmi þriðjudaginn 6. desember kl. 10:00 – 11:30. Áhugasamir eru hvattir til að nýta sér þjónustu þeirra.

Mánudaginn 5. desember kl. 17:00 verður haldinn íbúafundur á Amtsbókasafninu í Stykkishólmi. Til umræðu og kynningar á fundinum verður: nafn sameinaðs sveitarfélags Stykkishólmsbæjar og Helgafellssveitar, markmið fjárhagsáætlunar sveitarfélagsins og helstu lykiltölur og loks sorpmál og fyrirhugaðar breytingar í flokkun og endurvinnslu.

Miðvikudaginn 30. nóvember kl. 17-18 verður opið hús í Amtsbókasafninu vegna fyrirhugaðrar deiliskipulagsáætlana fyrir Kallhamar og Hamraenda.