Fréttir

Miðvikudaginn 22. febrúar rennur upp hinn sívinsæli Öskudagur, sem jafnan er mikið tilhlökkunarefni barna víðsvegar um landið. Dagurinn verður með hefðbundnu sniði í Stykkishólmi í ár.

Framkvæmdir standa nú yfir við Stykkishólmsveg, á milli Fákaborgar og Hamraenda. Greint var frá því á vef sveitarfélagsins að til stæði að taka veginn í sundur til að endurnýja rör sem hefur fallið saman og hleypa þannig vatninu sem safnast hefur upp sína leið.

Föstudagsmorguninn, 17. febrúar kl. 9:00, verður Stykkishólmsvegur tekinn í sundur vegna vatnavaxta ofan við kirkjugarð, milli Fákaborgar og Hamraenda. Vegurinn verður grafinn í sundur svo hægt sé að endurnýja rör sem hefur fallið saman og helypa þannig vatninu sína leið.  Hjáleið um Arnarborg og Nýrækt verður opin á meðan framkvæmdum stendur og ættu því allir sem þurfa að komast leiðar sinnar.

Í dag, miðvikudaginn 15. febrúar, halda tveir stjórnmálaflokkar opna fundi í Stykkishólmi þar sem Hólmurum og öðrum gefst kostur á að ræða málefni líðandi stundar. Framsóknarflokkurinn býður til hádegisfundar kl. 12.00 á Fosshótel Stykkishólmi í dag. Á staðnum verða Ásmundur Einar, Halla Signý og Þórarinn Ingi.

Svandís Svavarsdóttir, matvælaráðherra, og Bjarni Jónsson, oddviti Vinstri Grænna í Norðvesturkjördæmi og formaður Utanríkismálanefndar, halda opinn fund í sal Hótel Fransiskus í Stykkishólmi, mánudagskvöldið 13. febrúar kl 20:00.

Heilbrigðisstofnun Vesturlands (HVE) auglýsir lausar stöður  í Stykkishólmi. Um er að ræða stöðu hjúkrunarfræðings, sjúkraliða/nema eða almenns starfsmanns, deildarstjóra í eldhúsi og starfsmanns í eldhúsi.

Lóðin Nesvegur 12 er hér með auglýst til úthlutunar í samræmi við reglur sveitarfélagsins um úthlutun á lóðum fyrir íbúðar- og atvinnuhúsnæði og bætist þar með á úthlutunarlista yfir lausar lóðir í Stykkishólmi. Umsóknarfrestur er til og með 10. febrúar 2023.

Álagningarseðlar fasteignagjalda fyrir árið 2023 verða ekki sendir út á pappír, heldur munu þeir verða aðgengilegir rafrænt í gegnum www.island.is Ef óskað er eftir því að fá álagningaseðil sendan, vinsamlega hafið samband við Þór Örn bæjarritara í 433-8100 eða netfangið thor@stykkisholmur.is

Fimmtudaginn 26. janúar samþykkti bæjarstjórn sameinaðs sveitarfélags Stykkishólmsbæjar og Helgafellssveitar nýtt nafn sveitarfélagsins. Haldin var hugmyndasamkeppni sl. sumar þar sem öllum var gefin kostur á að senda inn sína hugmynd að nafni á sveitarfélagið, alls bárust 73 tillögur. Bæjarstjórn samþykkti að senda átta álitlegar tillögur til umsagnar Örnefnanefndar. Af þeim nöfnum sem Örnefnanefnd fékk til umsagnar taldi nefndin nöfnin Þórsnesþing, Stykkishólmsbær og Sveitarfélagið Stykkishólmur falla best að nafngiftahefð í landinu. Á níunda fundi bæjarstjórnar, 26. janúar, var nafnið Sveitarfélagið Stykkishólmur samþykkt.

Vegna þorrafagnaðar sem haldinn verður í íþróttamiðstöðinni 4. febrúar nk., lokar íþróttamiðstöðin og sundlaugin í Stykkishólmi fyrr en vant er eftirtalda daga. Fimmtudaginn 2. febrúar lokar kl. 19:00, föstudaginn 3. febrúar lokar kl. 19:00, laugardaginn 4. febrúar lokar kl. 14:00