Fréttir

Á miðnætti tók í gildi reglugerð með hertum aðgerðum sem heilbrigðisráðuneytið hefur gefið út vegna hópsmita sem komið hafa upp nú í vikunni til að hindra að COVID-19 smit breiðist út.

Af gefnu tilefni minnir Stykkishólmsbær á að lausaganga hunda í bæjarlandinu er með öllu óheimil skv. 15. gr. samþykktar um hundahald í Stykkishólmsbæ. Þá er eigendum og umráðamönnum hunda einnig skylt að gæta þess vel að hundar þeirra valdi ekki hættu, óþægindum, óþrifnaði eða raski ró manna, svo sem með stöðugu eða ítrekuðu ýlfri eða gelti. Einnig er minnt á að eigendum og umráðamönnum hunda er skylt að fjarlægja saur eftir hunda sína.

Aðstoðarskólastjóri Grunnskólans í Stykkishólmi og Tónlistarskólans í Stykkishólmi.

Auglýstar hafa verið lausar til umsóknar spennandi stöður í stjórnendateymi grunnskóla og tónlistarskóla í Stykkishólmi og nýtt starf sviðsstjóra umhverfis- og skipulagsmála á Snæfellsnesi.

Vakin er athygli á bæklingi gefnum út af Íþrótta- og Ólympíusambandi Íslands (ÍSÍ) og Ungmennafélagi Íslands (UMFÍ) með það að markmiði að ná betur til foreldra barna og ungmenna af erlendum uppruna og fræða þau um kosti þess að börn og ungmenni séu þátttakendur í skipulögðu íþróttastarfi á Íslandi. Bæklingurinn er gefinn út á 8 tungumálum og má nálgast hér

Fulltrúar frá Samtökum sveitarfélaga á Vesturlandi (SSV), Vestfjarðastofu og sveitarfélögum við Breiðafjörð hafa undanfarnadaga átt fundi með samgöngu- og sveitarstjórnarráðherra, Vegamálastjóra og þingmönnum Norðvesturkjördæmis um stöðuna sem upp er komin vegna bilunar sem varð í Breiðafjarðaferjunni Baldri í síðustu viku. Hafa sveitarfélögin sent frá sér ályktun vegna málsins.

Á dögunum voru samþykktar nýjar reglur Stykkishólmsbæjar um styrkveitingar. Með reglunum er komið á fastmótaðra ferli við meðferð styrkumsókna hjá bænum. Markmið reglnanna er að styðja enn frekar við sjálfsprottið starf, starfsemi frjálsra félagasamtaka og framtak einstaklinga sem stuðla að farsælli þróun samfélagsins, lífsgæðum og fjölbreytilegu mannlífi og öflugu íþrótta- og æskulýðsstarfi, ásamt því að samræma styrkveitingar á vegum bæjarfélagsins og stuðla að faglegri afgreiðslu þeirra.

Á dögunum var tilkynnt um úthlutaða styrki úr Landsáætlun um uppbyggingu innviða og þar var tilkynnt að styrkur hafi verið veittur til heildarhönnunar svæðisins við Búðanes og Hjallatanga á árunum 2021-2023 með það að markmiði að útbúin verði söguleið um svæðið þar sem saga Stykkishólms hófst. Verkefnið er samstarfsverkefni Stykkishólmsbæjar og Minjastofnunar Íslands, enda er svæðið ríkt af menningarminjum auk þess sem þar er mikil náttúrufegurð. Í Búðanesi hófst verslunarsaga Stykkishólms og eru þar minjar tengdar verslun á svæðinu, þar á meðal friðlýstar búðatóftir.

Stofnun rannsóknasetra Háskóla Íslands auglýsir laust til umsóknar starf verkefnisstjóra við Rannsóknasetur HÍ á Snæfellsnesi. Rannsóknasetur Háskóla Íslands á Snæfellsnesi sinnir rannsóknum á sjófuglum á Breiðafirði og Snæfellsnesi, einkum æðarfugli. Rannsóknasetrið hefur aðsetur í Ráðhúsi Stykkishólms.

Stykkishólmbær hefur ítrekað bent á að styrkja þurfi ferjusiglingar um Breiðafjörð með stærri og nýrri ferju til að anna aukinni þörf samfélagsins og jafnframt gert athugasemdir við að í ferjunni sé einungis ein aðalvélar með því óöryggi sem því fylgir. Atvik gærdagsins er enn ein áminningin um óboðlega stöðu sem við sem samfélag viljum ekki búa við og íbúar svæðisins sætta sig ekki við. Við þessa stöðu verður ekki unað og krefst Stykkishólmsbær úrbóta strax.