Fréttasafn

Uppbyggingarsjóður Vesturlands auglýsir eftir umsóknum um styrki. Tilgangur sjóðsins er að styrkja annars vegar menningarverkefni og hins vegar atvinnu- og nýsköpunarverkefni á Vesturlandi. Sjóðurinn er samkeppnishæfur og eru umsóknir metnar út frá þeim markmiðum og áherslum sem koma fram í Sóknaráætlun Vesturlands.

Þriðjudaginn 29. mars sl. fór fram félagsmiðstöðvamótið SamVest 2022 í Hjálmakletti, Borgarnesi eftir tveggja ára hlé. Viðburðurinn hófst að venju með söngkeppni þar sem níu keppendur af öllu Vesturlandi stigu á svið og kepptu fyrir hönd sinna félagsmiðstöðva.

Leikskólinn í Stykkishólmi auglýsir lausar eftirfarandi stöður frá 8. ágúst 2022: 100% stöðu deildarstjóra í afleysingum 100% stöðu sérkennslustjóra 100% stöður leikskólakennara Gerð er krafa um góða tölvu-og íslensku kunnáttu, færni í samskiptum er nauðsynleg og metnaður fyrir leikskólakennslu.

Sveitarstjórnarkosningar í Helgafellssveit og Stykkishólmsbæ fara fram þann 14. maí 2022. Frestur til að skila framboðslistum til yfirkjörstjórnar er til kl 12, föstudaginn 8. apríl n.k.

Helga Guðjónsdóttir atvinnuráðgjafi SSV og Sigursteinn Sigurðsson menningarfulltrúi SSV verða í Ráðhúsinu í Stykkishólmi nk. mánudag, 4. apríl frá kl. 13 til 15. Áhugasömum er bent á að nýta sér þjónustu þeirra.

Stykkishólmsbær óskar eftir kvenkyns starfsmanni til starfa í Íþróttamiðstöð Stykkishólmsbæjar frá og með 1.júlí 2022, um er að ræða vaktavinnu í 100% starfshlutfalli. Umsækjendur þurfa að hafa náð 18 ára aldri, vera íslenskumælandi og hafa ríkulega þjónustulund og góða hæfni í mannlegum samskiptum. Launakjör eru samkvæmt kjarasamningi Sambands ísl. sveitarfélaga og Kjalar starfsmannafélags.

Íbúar í Helgafellssveit og Stykkishólmsbæ samþykktu sameiningartillöguna með afgerandi hætti laugardaginn 26. mars. Tæplega 92% íbúa í Stykkishólmi samþykktu tillöguna og tæplega 79% íbúa í Helgafellssveit. Úrslit kosninga voru birt á vefsíðu verkefnisins strax að lokinni talningu. Þar má einnig sjá tölfræðilegar upplýsingar um kosninguna.

Staða hafnarvarðar við Stykkishólmshöfn er laus til umsóknar. Um er að ræða fullt starf auk bakvakta. Starfið felur í sér hafnsögu skipa um hafnarsvæðið, almenna starfssemi hafnarinnar og þjónustu við viðskiptavini hennar. Hafnarvörður vinnur að vigtun sjávarafla og skráningu upplýsinga um löndun ásamt skráningu og skýrslugerðum sem við kemur allri umferð um hafnarsvæðið og hafsögu. Gerir reikninga og sendir út til viðskiptavina. Sinnir viðhaldi og framkvæmdum á hafnarbökkum og hafnarmannvirkjum eftir þörfum.

100% staða deildarstjóra stoðþjónustu laus frá 1. ágúst 2022

Júlíana - hátíð sögu og bóka fer fram í Stykkishólmi komandi helgi, dagana 24.-26. mars. Dagskrá hátíðarinnar er hlaðin fjölda áhugaverðra viðburða og má gera ráð fyrir iðandi mannlífi í bænum um helgina. Meðal þeirra sem koma fram á hátíðinni eru Einar Kárason rithöfundur og sagnaskáld, Bergsveinn Birgisson rithöfundur og doktor í norrænum fræðum, Steinunn Jóhannesdóttir rithöfundur, Anna Melsteð þjóðfræðingur, nemendur Grunnskólans í Stykkishólmi, Litla Lúðrasveitin, Svenni Davíðs og Söngsveitir Blær svo fátt eitt sé nefnt.