Fréttasafn

Skeljahátíð fer fram í Stykkishólmi um næstu helgi, dagana 11. og 12. júní, er það í annað sinn sem hátíðin er haldin. Á hátíðinni leikur matarkistan Breiðafjörður lykihlutverk og vel við hæfi að halda slíka hátíð um sjómannadagshelgina, en sjómannadagurinn er haldinn hátíðlegur um land allt á sunnudeginum.

?ATH: Sýningum hefur verið aflýst vegna veikinda í leikarahóp. Brúðuleiksýningin Heimferð er nú á ferð um landið. Farandsýningin verður í Stykkishólmi föstudaginn, 10. júní nk. Brúðuleikhúsið Handbendi stendur fyrir sýningunni en Heimferð er ör-leikhússupplifun í húsbíl fyrir lítinn áhorfendahóp í senn en aðeins átta áhorfendur komast inn á hverja sýningu.

14. Landsmót Sambands íslenskra harmonikuunnenda fer fram í Stykkishólmi dagana 30. júní til 3. júlí nk. í boði Félags harmonikuunnenda í Reykjavík. Mótið, sem verður tileinkað minningu Hafsteins Sigurðssonar harmonikuleikara og tónlistarkennara í Hólminum, verður formlega sett í íþróttahúsinu í Stykkishólmi klukkan 13:30 föstudaginn 1. júlí.

Samkvæmt samkomulagi Stykkishólmsbæjar og heilbrigðisráðuneytisins frá 8. febrúar sl. mun Heilbrigðisstofnun Vesturlands taka við rekstri 15 hjúkrunarýma dvalarheimilisins þann 1. júní n.k. og annast rekstur þeirra í húsnæðinu að Skólastíg 14a uns flutt verður í endurgert húsnæði HVE að Austurgötu 7.

Sameiningin tók formlega gildi sunnudaginn 29. maí sl. en þá tók jafnframt nýkjörin sveitarstjórn við sameinuðu sveitarfélagi Stykkishólmsbæjar og Helgafellssveitar. Samþykkt um stjórn og fundarsköp Stykkishólmsbæjar mun gilda fyrir hið nýja sveitarfélag þar til því hefur verið sett ný samþykkt. Heiti hins sameinaða sveitarfélags verður auglýst sérstaklega en hugmyndasöfnun fyrir val á nafni sveitarfélagsins er opin til 1. júní nk.

Í sumar verður boðið upp á leikjanámskeið fyrir 1.-3. bekk og ævintýranámskeið fyrir 4.-7. bekk líkt og undanfarin ár. Á námskeiðunum er lögð áhersla á gleði og hreyfingu

Anne Helenne, kom með góðar gjafir til okkar í leikskólanum

Stykkishólmsbær býður ungmennum með lögheimili í Stykkishólmi sumarvinnu í Vinnuskólanum. Opnað hefur verið fyrir skráningu fyrir sumarið 2022. Vinnuskólinn er fyrir ungmenni fædd árin 2005, 2006, 2007, 2008 og 2009.

Hólmarar hafa eflaust tekið eftir ört vaxandi straum ferðamanna í bæinn undanfarna daga. Veðrið hefur leikið við íbúa undanfarið eins og svo oft áður og bærinn iðað af mannlífi. Í vikunni hefur töluvert borið á fjölmiðlum í Stykkishólmi, bæði hafa verið hér innlendir og erlendir fjölmiðlar að spóka sig um í veðurblíðunni og safna myndefni sem heillar áhorfandann. Já, Hólmurinn hann heillar enn, það er vart hægt að kalla frétt enda flykkist fólk hvaðan af úr veröldinni til að sjá Hólminn og kynnast bæjarbúum

Söfnun hugmynda um nafn sameinaðs sveitarfélags Helgafellssveitar og Stykkishólmsbæjar er hafin á BetraÍsland.is. Hún stendur til 1. júní nk. og er öllum opin. Verkefnið er unnið í samstarfi við Íbúar ses. sem sérhæfir sig í rafrænum samráðskerfum og rekur BetraÍsland.is.