Fréttasafn

Tillaga að breytingu á deiliskipulagi Víkurhverfis var samþykkt í bæjarstjórn 30. mars 2022 og var hún auglýst frá 12. apríl til 25. maí 2022. Gerðar voru minniháttar breytingar á tillögunni til þess að koma til móts við athugasemdir sem bárust. Að því loknu var hún send til yfirferðar hjá Skipulagsstofnun, sem gerði ekki athugasemdir.

Helga Guðjónsdóttir atvinnuráðgjafi SSV, Sigursteinn Sigurðsson menningarfulltrúi SSV og Kristján Guðmundsson fulltrúi áfangastaða- og markaðsstofu Vesturlands verða í Ráðhúsinu í Stykkishólmi þriðjudaginn 6. desember kl. 10:00 – 11:30. Áhugasamir eru hvattir til að nýta sér þjónustu þeirra.

Mánudaginn 5. desember kl. 17:00 verður haldinn íbúafundur á Amtsbókasafninu í Stykkishólmi. Til umræðu og kynningar á fundinum verður: nafn sameinaðs sveitarfélags Stykkishólmsbæjar og Helgafellssveitar, markmið fjárhagsáætlunar sveitarfélagsins og helstu lykiltölur og loks sorpmál og fyrirhugaðar breytingar í flokkun og endurvinnslu.

Miðvikudaginn 30. nóvember kl. 17-18 verður opið hús í Amtsbókasafninu vegna fyrirhugaðrar deiliskipulagsáætlana fyrir Kallhamar og Hamraenda.

Opinn fundur verður haldinn í fundarsal á 3. hæð í Ráðhúsinu í Stykkishólmi miðvikudaginn 30. nóvember kl. 18:00. Á fundinum kynnir Haraldur Benediktsson, alþingismaður, samfélagsvegi - nýja hugsun í vegagerð með sérstöku tilliti til Skógarstrandarvegar.

Ljósin á jólatrénu í Hólmgarði verða tendruð 2. desember kl. 18:00. Síðustu ár hafa ljósin verið tendruð við lágstemmda athöfn vegna sóttvarnaraðgerða. Það er því sérlega ánægjulegt að taka upp hina rótgrónu hefð að tendra ljósin á trénu kl. 18:00 þannig að allir íbúar geti notið samverunnar og átt saman jólastund. Kvennfélagið selur heitt súkkulaði og smákökur, nemendur 1. bekkjar tendra ljósin og hver veit nema nokkrir rauðklæddir bræður láti sjá sig.

Félags- og skólaþjónusta Snæfellinga auglýsir nýtt starf verkefnastjóra innleiðingar samþættrar þjónustu til aukinnar farsældar barna og þannig barnvænni samfélaga. Um 40% stöðugildi er að ræða til að byrja með, eða þar til starfssvið og umfang verður endurmetið haustið 2023.

Félags- og skólaþjónusta Snæfellinga auglýsir eftir umsóknum um búsetu í þjónustuíbúðakjarna fólks með fötlun að Ólafsbraut 62 – 64 í Ólafsvík. Um er að ræða 2 einstaklingsíbúðir með stuðningsþjónustu sem felur í sér aðstoð og leiðsögn til sjálfstæðrar búsetu í eigin íbúð.

Sjötti fundur bæjarstjórnar Stykkishólmsbæjar og Helgafellssveitar fer fram fimmtudaginn 24. nóvember kl. 17:00 í bæjarstjórnarsal.

Föstudagskvöldið 25. nóvember mætir KK í Hólminn og spilar öll sín bestu lög í Vatnasafninu. Ókeypis aðgangur er að tónleikunum en fjöldi gesta takmarkast við 70. Vegna takmarkaðs sætafjölda er nauðsynlegt að panta á tónleikana. Pöntun fer fram á netfanginu vatnasafn@gmail.com.