Starfsemi Leikskólans í Stykkishólmi - Greinargerð stjórnenda

Skóla- og fræðslunefnd vill fyrir hönd Stykkishólmsbæjar þakka Nönnu Einarsdóttur fyrir áratuga störf við leikskólann í Stykkishólmi, en hún hefur nýlega látið af störfum þar eftir að hafa starfað þar frá 17 ára aldri.

Í skýrslu leikskólans vekur liður 3 um Regnbogaland nokkra athygli.

Málinu er vel tekið og nefndarmenn áhugasamir. Ákveðið að safna frekari upplýsingum um hvernig þessum málum er háttað í öðrum sveitarfélögum á Snæfellsnesi, en þekkt er að heilsdags og/eða frístundastarf í Reykjavík og Árborg er er ekki lokað alla daga í jóla- eða páskafríum, eða á skertum dögum og starfsdögum. Jafnframt vill nefndin vekja athygli íþrótta- og tómstundanefndar á málinu sökum þess að málið varðar frístundastarf eftir skóla.

Dagafjöldinn sem um ræðir vekur auðvitað athygli enda er leikskólinn búinn að koma til móts við foreldra með breytingum á sumarleyfi og lengd þess.

Skýrslan lögð fram

Lagt fram til kynningar.

Nefndin tekur undir með stjórnendum varðandi áhyggjur af ráðningarmálum og stöðu leikskólans. Nefndin leggur til að bæjarstjórn skoði tillögur stjórnenda til að styrkja leikskólann, s.s. styttingu vinnuviku, frídaga, húsnæðisaðstoð og fleiri tillögur sem stjórnendur lögðu til í bréfi sínu. Þá mætti skoða að skipa sérstakan vinnuhóp um málefni leikskólans m.t.t. þessara þátta.

Jafnframt var rætt um endurskoðun skólastefnu Stykkishólms en þar telur leikskólastjóri að málefni leikskóla hafi ekki fengið nógu sterka rödd.

Bæjarráð tekur undir áhyggjur leikskólastjóra og vísar málinu til frekari vinnu í bæjarráði.

Lagt fram til kynningar.

Rætt var sérstaklega um leikskólaráðgjafa og hlutverk hans. Skóla- og fræðslunefnd hvetur bæjarstjórn til að ráða leikskólaráðgjafa til starfa í leikskólann.

Skólastjóri gerði grein fyrir skýrslu sinni þar sem meðal annars komu fram miklar
áhyggjur af ráðningarmálum í leikskólanum.

Skólanefnd tekur undir með stjórnendum varðandi áhyggjur af stöðu leikskólans.
Nefndin leggur áherslu á að bæjarstjórn skoði stöðuna sem komin er upp í leikskólanum enda kom það fram í vinnu við skólastefnu bæjarins að sérstaka áherslu þyrfti að leggja á þau mál. Skólastjórnendur leikskólans sendu bæjarstjórn bréf í apríl þar sem komu fram tillögur til að styrkja leikskólastigið. Nefndin leggur áherslu á að bæjarstjórn fari vel yfir þær tillögur sem liggja fyrir.

Skólastjórnendur gerðu grein fyrir greinagerð sinni.

Skólastjórnendur komu fram með áhyggjur af starfsmannamálum. Eru með góðan starfsmannahóp en vantar fleiri reynslumikla- og menntaða starfsmenn. Eftir að greinagerð var skrifuð bárust 3 starfsumsóknir og lítur nokkuð vel út með ráðningar að þessu sinni.

Skóla- og fræðslunefnd vill leggja til að Stykkishólmsbær auki við stöðugildi leikskólans svo hægt sé að ráða inn afleysingastarfsmann til að koma til móts við veikindi, styttingu vinnuvikunnar og undirbúningstíma starfsmanna.