Fréttir

Áður auglýstur viðverutími atvinnuráðgjafa Samtaka sveitarfélaga á Vesturlandi fellur niður mánudaginn 2. desember.

Opnað hefur verið fyrir umsóknir í Uppbyggingarsjóð Vesturlands. Veittir verða styrkir til atvinnuþróunar og nýsköpunar, verkefnastyrkir til menningarmála auk stofn- og rekstrarstyrkja til menningarmála. Umsóknarfrestur er til miðnættis 12. desember 2019.

Á morgun, miðvikudaginn 6. nóvember, hefst vetrarfrí í Grunnskólanum í Stykkishólmi. Kennsla hefst svo aftur þriðjudaginn 12. nóvember. Nóg verður við að vera í Amtsbókasafninu á meðan vetrarfríi stendur. Alla dagana verður börnum boðið að spila, lita, leika við bangsa og skoða bækur. Auk þess er alltaf heitt á könnunni.

Í dag, þirðjudaginn 5. nóvember, heldur Ásmundur Einar Daðason félags- og barnamálaráðherra opinn fund á Sker Restaurant í Ólafsvík. Fundurinn hefst kl. 11:00 en þar mun Ásmundur fjalla um húsnæðismál á landsbyggðinni.

Samtök Sveitarfélaga á Vesturlandi blása til veislu í tilefni af 50 ára afmæli samtakanna. Veislan fer fram í Hjálmakletti í Borgarnesi föstudaginn 15. nóvember kl. 13:00 og óhætt að skemmtilegri og fræðandi dagskrá, en veislustjóri er Gísli Einarsson.

Sóknaráætlun Vesturlands fyrir árin 2020-2024 hefur verið sett í opið samráðferli þar sem allir geta sent inn ábendingar og tillögur varðandi áætlunina, markmið hennar og innihald. Umsagnarfrestur er til og með 14. nóvember nk.

Í dag kom Bernd Ogrodnik brúðumeistari til okkar með brúðusýninguna um Einar Áskel. Það voru foreldrafélagið og leikskólinn sem buðu í sameiningu upp á þessa sýningu. Ekki var annað að sjá en að börnin skemmtu sér vel. Myndir eru komnar inn á heimasíðuna.

Landsmót UMFÍ 50+ verður haldið í Stykkishólmi árið 2021. Mótið er blanda af íþróttum, alls kyns keppnum og hreyfingu með það að markmiði að fá fólk á besta aldri til að hafa gaman saman. Mótið hefur farið fram árlega síðan 2011 og er öllum opið sem verða 50 ára á árinu og eldri. Þátttakendur þurfa ekki að vera skráðir í íþróttafélag og geta allir tekið þátt á sínum forsendum.

Fréttabréf Tónlistarskóla Stykkishólms fyrir októbermánuð er komið út. En þar er að finna yfirlit yfir tónleikahald í haust auk helstu frétta frá Tónlistarskólanum. Þar kemur m.a. fram að nokkur ný hljóðfæri hafi verið keypt á dögunum, þar á meðal tveir vandaðir gítarar, tvö ukulele, þverflautur, túba og rafmagnspíanó ætlað til útleigu.

Breiðafjarðarnefnd og Umhverfis- og auðlindaráðuneytið efna til fræðslu- og umræðuþings um framtíð verndarsvæðisins á Breiðafirði. Þingið fer fram í Tjarnarlundi í Dalabyggð þann 23. október og stendur frá lk. 11:00 til kl. 16:00.