Fréttir

Álagningarseðlar fasteignagjalda fyrir árið 2024 verða ekki sendir út á pappír, heldur munu þeir verða aðgengilegir rafrænt í gegnum www.island.is Ef óskað er eftir því að fá álagningaseðil sendan, vinsamlega hafið samband við Þór Örn bæjarritara í 433-8100 eða netfangið thor@stykkisholmur.is

Þann 25. janúar sl. samþykkti bæjarstjórn Stykkishólms tillögu að óverulegri breytingu á deiliskipulagi Reitarvegar vegna stækkunar á byggingarreit fyrir sólskála á Sæmundarreit 8. Húsið var reist árið 1906 og stóð áður við Laugaveg 27b í Reykjavík og nýtur samkvæmt því friðunar vegna aldurs sbr. lög um menningarminjar nr. 80/2012. Í því felst að óheimilt er að raska húsinu, spilla því eða breyta, rífa eða flytja úr stað. Leitað var umsagnar Minjastofnunar, sem veitti jákvæða umsögn.

Árshátíð 1.-6. bekkjar Grunnskólans í Stykkishólmi fer fram fimmtudaginn 1. febrúar nk. kl. 17:00. Undanfarið hafa nemendur æft fjölbreytt og skemmtileg atriði af kappi sem þau sýna svo á sviði í íþróttahúsinu. Er þetta er í fyrsta sinn sem Grunnskólinn nýtir þorrablótssviðið í íþróttahúsinu fyrir sína árshátíð en gera má ráð fyrir að það verði gert til framtíðar, enda mikill lærdómur í því að koma fram á stóru sviði og undirbúa hátíð af þessari stærðargráðu. Miðaverð á árshátíðina er 1000 kr. á gesti en ágóði miðasölu rennur í sjóð menningarferða 5. bekkjar og skíðaferða 7. bekkjar. Ömmur og afar eru velkomin.

Þann 11. september 2023, samþykkti skipulagsnefnd að grenndarkynna óverulega breytingu á deiliskipulagi miðbæjar Stykkishólms vegna fyrihugaðra breytinga á og við Aðalgötu 16 í samræmi 2. mgr. 44. gr. skipulagslaga nr. 123/2010. breytingartillagan felst í niðurfellingu á bílskúrsreit, stækkun og tilfærslu á byggingarreit hússins og aðlögun lóðarmarka samkvæmt því ásamt færslu á stíg aftan við húsið.

Þann 25. janúar sl. samþykkti bæjarstjórn Stykkishólms að auglýsa skipulagslýsingu vegna fyrirhugaðrar uppbyggingar hótels og íbúða á Agustsonreit í Stykkishólmi. Um er að ræða sameiginlega skipulagslýsingu vegna breytingar á Aðalskipulagi Stykkishólms 2002-2022 í samræmi við 1. mgr. 36. gr. skipulagslaga nr. 123/2010 og tillögu að nýju deiliskipulagi í samræmi við 1. mgr. 40. gr. laganna.

Vegna þorrafagnaðar sem haldinn verður í íþróttamiðstöðinni 3. febrúar nk., lokar íþróttamiðstöðin og sundlaugin í Stykkishólmi fyrr en vant er eftirtalda daga.

Glæpa- og draugahátíðin Hræðileg helgi í Hólminum verður haldin í annað sinn dagana 15.-17. febrúar næstkomandi. Hólmarar eru búnir að búa til spennandi morðgátu sem þarf að leysa. Hver er fórnarlambið og hver morðinginn? Komdu í Hólminn og leystu morðgátuna!

Símenntun á Vesturlandi sinnir meðal annars þjónustu við fjarnema og er eitt af hlutverkum þeirra er að gera fjarnemendum kleift að taka próf í heimabyggð. Símenntun sér um að útvega aðstöðu og yfirsetufólk á viðeigandi stöðum og tímum eftir þörfum. Undanfarið hefur Grunnskólinn í Stykkishólmi haldið utan um nemendur sem sækjast eftir því að taka próf úr sínu námi í heimabyggð en breyting hefur nú orðið á því fyrirkomulagi.

Vegna veikinda ná starfsmenn Íslensku Gámaþjónustunnar ekki að klára sorphirðu í öllum götum í dag en samkvæmt sorphiðudagatali eru plast- og pappatunnur losaðar 24. og 25. janúar. Það sem ekki klárast í dag verður hirt í fyrramálið.

21. fundur bæjarstjórnar Stykkishólms fer fram fimmtudaginn 25. janúar kl. 17:00 í bæjarstjórnarsal. Smelltu á hnappinn hér að neðan til að kynna þér dagská fundar.