Fréttir

Kraftakeppnin Fjallkonan fer fram í fyrsta skipti dagana 8. og 9. júní næstkomandi. Um er að ræða kraftakeppni kvenna sem fram fer í Stykkishólmi og á Akranesi. Keppt verður í Stykkishólmi laugardaginn 8. júní og hefjast leikar kl. 12:30 neðan við Fosshótel Stykkishólm. Seinni keppnisgrein fer fram við húsnæði BB og sona á Reitarvegi kl. 14:30. Sunnudaginn 9. júní verður keppt við Guðlaugu á Akranesi kl. 12:30.

Sátan er þriggja daga þungarokkshátíð sem haldin er í íþróttamiðstöðinni í Stykkishólmi dagana 6.-8. júní. Hátíðin leggur áherslu á að bjóða upp á fjölbreytt úrval af fremstu þungarokkshljómsveitum Íslands. Tónleikar hefjast í íþróttamiðstöðinni kl. 15:50 dagana þrjá og standa fram yfir miðnætti. Óhætt er því að gera ráð fyrir blómlegu mannlífi í Stykkishólmi þessa helgi.

Þann 24. apríl sl samþykkti bæjarstjórn Stykkishólms að auglýsa vinnslutillögu deiliskipulags á Saurum 9 (Vigraholti), sem er spilda úr landi Saura í Helgafellssveit, í samræmi við 4. mgr. 40. gr. laganna.

Þann 24. apríl sl samþykkti bæjarstjórn Stykkishólms að auglýsa sameiginlega skipulagslýsingu fyrir Hóla 5a vegna breytingar á Aðalskipulagi Helgafellssveitar 2012-2024 í samræmi við 1. mgr. 36. gr. skipulagslaga nr. 123/2010 með vísun í 1. mgr. 30 gr. laganna og nýtt deiliskipulag í samræmi við 40. gr. laganna. Hólar 5a er 3,2 ha spilda úr landi Hóla sem í dag er skilgreind sem landbúnaðarland. Fyrirhuguð skipulagsgerð felst í breytingu á landnotkun Hóla 5a úr landbúnaði í frístundabyggð með heimild fyrir þrjú frístundahús og eitt íbúðarhús.

Þann 24. apríl sl samþykkti bæjarstjórn Stykkishólms að auglýsa vinnslutillögur skipulagsgerðar fyrir Birkilund í landi Saura í Helgafellssveit. Um er að ræða vinnslutillögu vegna breytingar á Aðalskipulagi Helgafellssveitar 2012-2024 í samræmi við 2. mgr. 30. gr. skipulagslaga nr. 123/2010 m.s.br. og vinnslutillögu nýs deiliskipulags í samræmi við 4. mgr. 40. gr. laganna. Sameiginleg skipulagslýsing var auglýst fyrr á árinu og hafa athugasemdir sem bárust við hana verið hafðar til hliðsjónar við áframhaldandi vinnslu tillagnanna.

Listasýning Rakelar fer fram á Amtsbókasafninu í Stykkishólmi dagana 6. - 9. júní næstkomandi. Opið 14:00 - 17:00. Eftirprent til sölu.

Sveitarfélagið Stykkishólmur leitar eftir verktaka til að hafa umsjón með félagsheimilinu Skildi, sumarið 2024. Um er að ræða tímabilið júní, júlí og ágúst. Félagsheimilið skjöldur er staðsett miðsvæðis í Helgafellssveit á Snæfellsnesi. Húsið er 9 km frá Stykkishólmi og á vegi 58.

Helstu fréttir eru komnar út. Blaðinu er ætlað að bæta upplýsingaflæði frá sveitarfélaginu og ná til þeirra sem ekki nota tölvur. Stór hluti markhópsins er eldra fólk en blaðið liggur frammi á Höfðaborg og Systraskjóli. Sjötta tölublað ársins kom út í dag, 3.júní. Rafræn útgáfa blaðsins er öllum aðgengileg á vefsíðu sveitarfélagsins en hana má nálgast hér að neðan. Vakin er athygli á því að ekkert blað kemur út í júlí vegna sumarleyfa. Gera má ráð fyrir næsta tölublaði í ágúst.

Framkvæmdir við sundlaug Stykkishólms eru enn í fullum gangi. Á morgun, laugardaginn 1. júní, opnar innisundlaugin á ný og verður opin samkvæmt hefðbundnum opnunartíma, 10:00-18:00 á morgun.

Kæru kjósendur í Sveitarfélaginu Stykkishólmi. Kjörstaður vegna forsetakosninga laugardaginn 1.júní verður í Grunnskólanum að Borgarbraut 6. Opið verður frá kl: 10 til kl: 22. Ef kjósendur vantar upplýsingar um eitthvað er varðar kosningarnar eru vefsíðurnar kosning.is og island.is ,velja Forsetakosningar 2024, mjög góðir staðir til að leita á. Kjósendur eru beðnir að hafa persónuskilríki handbær þegar mætt er á kjörstað.