Fréttasafn

Boðað er til fundar um ýmis málefni er varða skipulag og umhirðu kirkjugarða 7. júní 2023 kl. 17:00 í félagsheimilinu Breiðabliki í Eyja- og Miklaholtshreppi, og samvinnu sóknarnefnda/kirkjugarðsstjórna og sveitarfélaga. Vænst er fulltrúa allra kirkjugarða á Snæfellsnesi, fulltrúa sveitarfélaga og presta í prófastsdæminu. Gestir fundarins eru Guðmundur Rafn Sigurðsson framkvæmdastjóri Kirkjugarðaráðs og Smári Sigurðsson formaður Kirkjugarðasambandsins. Fundarstjóri er Kristín Þorleifsdóttir, sviðstjóri umhverfis- og skipulagssviðs.

Verkfallsaðgerðir aðildarfélaga BSRB hjá sveitarfélögum utan Reykjavíkur halda áfram mánudaginn 5. júní þar sem ekki náðust samningar milli Sambands íslenskra sveitarfélaga og BSRB. Hafa því félagsmenn Kjalar lagt niður störf frá og með deginum í dag í Sundlaug Stykkishólms, Leikskólanum í Stykkishólmi og í Ráðhúsinu í Stykkishólmi. 

Félags- og skólaþjónusta Snæfellinga leitar að fólki í liðveislu/stuðningsþjónustu fyrir fólk með fötlun. Markmið liðveislu er að efla einstaklinga til sjálfshjálpar, veita persónulegan stuðning og aðstoð sem miðar að því að rjúfa félagslega einangrun, t.d. með að njóta menningar og félagslífs. - Við leitum að hressum einstaklingum, 18 ára og eldri. Sveigjanlegur vinnutími.

Sjómannadagurinn verður haldinn hátíðlegur um land allt á sunnudaginn, 4. júní. Dagskráin í Stykkishólmi er eftirfarandi: Kl. 09:30 Blómsveigur lagður að minnismerki sjómanna í kirkjugarði. Kl. 10:00 Blómsveigur lagður að minnismerki látinna sjómanna á hafnarsvæði. Kl. 11:00 Messa í Stykkishólmskirkju þar sem sjómaður verður heiðraður fyrir störf sín. Sveitarfélagið sendir sjómönnum og fjölskyldum þeirra hamingjuóskir í tilefni sjómannadagsins.

Enn sem komið er hefur ekki verið hægt að blása lofti í ærslabelginn í Stykkishólmi. Það örsakast af því hve blautur jarðvegurinn er við staðsetningu belgsins, en jarðvegurinn heldur belgnum niðri og má því ekki vera of blautur svo gott hald fáist af honum. Nú er fyrirhugað að vinna bætur á þessu með því að moka niður drenlögn ofan við ærslabelginn til að þurrka jarðveginn. Framvegis ætti því að vera hægt að blása lofti í hann fyrr á sumrin. Vonast er til að hægt verði að setja loft í belginn á næstu dögum.

ðkendur yngri flokka Snæfells í körfubolta mun drippla körfuboltum um allar götur bæjarins í fjáröflunarskyni á morgun, föstudag. Hópurinn leggur af stað frá körfuboltavellinum við skólann og taka fyrsta spölinn öll saman áður en hópunum verður skipt upp.

Á vefsíðu sveitarfélagsins Stykkishólms má lesa helstu fréttir sem snúa að rekstri sveitarfélagsins, viðburðum og öðru tengdu sveitarfélaginu. Fréttunum er svo deilt á facebooksíðu Stykkishólms til að ná athygli sem flestra. Í byrjun aprílmánaðar kom fréttaritið Helstu fréttir út í fyrsta sinn. Blaðinu er ætlað að bæta upplýsingaflæði frá sveitarfélaginu og ná til þeirra sem ekki nota tölvur. Stór hluti markhópsins eru eldri borgarar, blaðið liggur því frammi á Dvalarheimili aldraðra í Stykkishólmi og í andyrri búseturéttaríbúða á Skólastíg. Einnig má nálgast blaðið í Ráðhúsinu í Stykkishólmi.