Fréttasafn

Svæðisgarðurinn Snæfellsnes, í samstarfi við Snæfellsjökulsþjóðgarð, býður til kynningar og umræðufunda um Snæfellsnes 3. og 4. júní næstkomandi. Boðið verður upp á kaffiveitingar, öll velkomin.

Grunnskólinn í Stykkishólmi leitar eftir góðu fólki til að sinna eftirfarandi verkefnum á næsta skólaári: Umsjónarkennsla á yngsta- eða miðstigi. Íþróttakennsla. Kennsla í myndmennt, nýsköpun og hönnun. Umsjón með Regnbogalandi, lengdri viðveru fyrir börn í 1.-3. bekk

Viðhaldsframkvæmdir við Sundlaug Stykkishólms ganga vel en búið er að reisa einfalda yfirbyggingu yfir sundlaugina til að forðast vætu á meðan framkvæmdum stendur. Á meðan unnið er að endurbótum á yfirborðsefni sundlaugarinnar er tíminn einnig vel nýttur í önnur viðhaldsverkefni, má t.d. nefna smávægilegar lagfæringar á innilaug, endurbætur á flísalögn í kringum laugar, viðhald á sturtuklefum ofl.

Hátíðartónleikar Tónlistarskóla Stykkishólms fara fram í Stykkishólmskirkju í dag, 23. maí, kl. 17:00. Fjölbreytt og skemmtileg efnisskrá. Öll hjartanlega velkomin

Kjörfundur í Sveitarfélaginu Stykkishólmi vegna forsetakjörs þann 1.júní n.k. verður í Grunnskólanum að Borgarbraut 6, frá kl. 10:00 til kl 22:00. Kjósandi skal framvísa gildum skilríkjum á kjörstað. Kjörstjórn.

Sveitarfélagið Stykkishólmur leitar að kraftmiklum fjármála- og skrifstofustjóra með mikla samskiptafærni. Viðkomandi þarf að vera skipulagður, vandaður í vinnubrögðum ásamt því að hafa ríkan vilja til að taka þátt í að efla innra og ytra starf og þjónustu sveitarfélagsins.

Eins og fram hefur komið á vef sveitarfélagsins er sundalaug Stykkishólms nú lokuð vegna viðhalds. Opnunartími íþróttamiðstöðvar og Átaks líkamsræktar yfir Hvítasunnuhelgina er eftirfarandi:

Í sumar býður sveitarfélagið upp á námskeið fyrir börn fædd árin 2012-2017. Umsjón námskeiðanna er á höndum Klaudiu Gunnarsdóttur og Ragnars Inga Siguðssonar eins og undanfarin ár.

Á 25. fundi bæjarstjórnar Stykkishólms, þann 15. maí, samþykkti bæjarstjórn að ráða Þóru Margréti Birgisdóttur í stöðu skólastjóra Grunnskólans í Stykkishólmi og Tónlistarskóla Stykkishólms. Ákvörðun bæjarstjórnar er byggð á niðurstöðu ráðgjafa Attentus sem taldi Þóru Margréti mæta best þeim kröfum sem gerðar voru í auglýsingu um starfið eftir heildarmat á hæfni umsækjenda.

Sveitarfélagið Stykkishólmur býður ungmennum með lögheimili í sveitarfélaginu sumarvinnu í Vinnuskólanum. Opið er nú fyrir skráningar í vinnuskólann sumarið 2024. Vinnuskólinn er fyrir ungmenni fædd árin 2007, 2008, 2009 2010 og 2011. Hægt er að skrá sig í vinnuskólann á íbúagáttinni. Skráningablöð er einnig hægt að nálgast og skila til skólaritara GSS og í móttöku Ráðhússins að Hafnargötu 3. Skráningu skal skilað, fyrir mánudaginn 3. júní 2024. Mikilvægt er að fylla skráningarformin út samviskusamlega.