Hafnarstjórn (SH)

Hafnarvörður gerir grein fyrir tekjum hafnarinnar af hrognkelsaveiðum í ár og undanfarin ár, en heildarafli á árinu 2019 sem landaður var í Stykkishólmshöfn var 1096 tonn, 420 tonn 2020, 1000 tonn 2021 og 600 tonn 2022. Tekjur vegna hrognkelsaveiða drógust saman um 33% frá 2021 til 2022.

Hafnarstjórn gerir alvarlegar athugasemd við ákvörðun matvælaráðherra og matvælaráðuneytisins við setningu reglugerðar nr. 267/2022 um að takmarka veiðidaga grásleppu við markaðsaðstæður en ekki ráðgjöf Hafrannsóknarstofnunar. Virðist vera að sú ákvörðun hafi verið tekin á grundvelli ófullnægjandi upplýsinga frá Landssambandi Smábátaeigenda og án samráðs kaupendur/vinnsluaðila. Hafði þessi ákvörðun ráðherra hafði í för með sér að grásleppusjómenn á þessu svæði hefðu getað veitt um 45% meira en raunin varð ef farið hefði verið eftir ráðgjöf Hafrannsóknarstofnunar.

Hafnarvörður gerir grein fyrir tekjum hafnarinnar af strandveiðum í ár og undanfarin ár, en tekjur hafnarinnar vegna strandveiða voru um 2,1 millj. kr. á þessu ári en um 1,9 millj. kr. á árinu 2021. Í þessum tölum er ekki gert ráð fyrir sérstöku strandveiðigjaldi hafnarinnar.

Hafnarvörður gerir grein fyrir hugmyndum að skipulagi og gjaldtöku fyrir geymslupláss við Skipavíkurhöfn.

Lagt fram til kynningar.

Hafnarstjóri gerir grein fyrir framtíðaráformum um uppbyggingu hafnarmannvirkja.

Hafnarstjórn leggur þunga áherslu á að Vegagerðin tryggi tafarlaust íbúum, atvinnurekendum og gestum öryggi í samgöngum á hafnarsvæðinu meðfram Súgandiseyjargötu, fyrst með vegkannti NV megin í höfninni og í framhaldinu að byggður verði hafnarstígur í samræmi við samþykkta umferðaröryggisáætlun sveitarfélagsins sem bendir á nauðsyn þessara framkvæmda, m.a. til að stýra umferð gangandi vegfarenda og skapa nauðsynlegt umferðaröryggi. Í þessu sambandi vísar Hafnarstjórn jafnframt til fyrirliggjandi ályktunar 43. hafnarsambandsþings um öryggi og aðgengi að höfnum.

Formaður hafnarstjórnar gerir grein fyrir hugmyndum sínum um fjölgun á bátum í Maðkavík og fegrun svæðisins, m.a. hreinsun þess og að kerrur verði ekki geymdar á svæðinu.

Hafnarstjórn felur hafnarverði, í samráði við formann, að ræða við eigendur báta sem eru ónýtir eða lélegir og gætu hentar til þessa verkefnis.

Formaður gerir ráð fyrir því að hugmyndirnar verði í framhaldinu ræddar og útfærðar nánar á næsta eða næstu fundum hafnarstjórnar.

Hafnarvörður gerir grein fyrir þeim möguleikum sem koma til greina og mun kynna frekari útfærslu á næsta fundi hafnarstjórnar.

Hafnarvörður gerir grein fyrir þeim möguleikum sem koma til greina og mun kynna frekari útfærslu á næsta fundi hafnarstjórnar.

Hafnarstjórn ítrekar mikilvægi þess að hafist verði handa sem fyrst við undirbúning að uppbyggingu hafnarmannvirkja til skemmri tíma fyrir ferju sem áætlað er að hefji siglingar á næsta ári og til lengri tíma fyrir ferju sem ríkið hanni og smíði með tilliti til orkuskipta framtíðarinnar. Hafnarstjórn óskar eftir kynningu frá Vegagerðinni á þeim breytingum sem fyrirhugaðar eru á ferjubryggju og stöðu ferjumála.

Hafnarstjórn leggur áherslu á að reyna að tryggja áfram hafnsögu í Hafnarreglugerð fyrir Stykkishólmshöfn ef það er nokkur kostur og vísar málinu til frekari vinnslu í hafnarstjórn.

Hafnarstjórn felur hafnarverði að kanna þá möguleika sem í boði og hugsanlega samninga við þá sem gætu komið til greina sem verktakar í þessu sambandi.

Hafnarstjórn samþykkir fyrirliggjandi samning um aðstoð slökkviliðs vegna mengunaróhappa.

Hafnarstjórn samþykkir fyrirliggjandi uppfærslur á gjaldskrá sem tekur hækkunum m.v. vísitölu og felur hafnarverði að setja inn opnunartíma hafnarinnar í gjaldskrá.

Hafnarstjórn áréttar, vegna umræðu í samfélaginu, að ekki stendur til að skerða opnunartíma eða þjónustu hafnarinnar næsta sumar.

Hafnarstjórn gerir ekki athugasemd við fyrirliggjandi fjárhagsáætlun og gjaldskrár.

Hafnarstjórn leggur áherslu á að farið verði í uppbyggingu á hafskipsbryggju á árinu 2023 og 2024 í samræmi við fyrirliggjandi samgönguáætlun.

Hafnarstjórn getur ekki betur séð en að hafnarvörður hafi lagt á gjald í samræmi við gjaldskrá. Hafnarstjórn felur hafnarverði, í samráði við formann hafnarstjórnar og hafnarstjóra, að ræða við lögmann sveitarfélagsins og fela honum að svara bréfritara í samráði við þá.