Fréttir

Kæru vinir Þá er fyrsta vikan af þessu skólaári liðin. Nýja skipulagið hefur gengið vel.

Skólasetning Grunnskólans í Stykkishólmi fór fram sl. föstudag og hefðbundin kennsla hófst í morgun. Nú í upphafi nýs skólaárs stendur ÍSÍ fyrir átakinu göngum í skólann. Árlega taka milljónir barna frá yfir 40 löndum víðs vegar um heiminn þátt í átakinu með einum eða öðrum hætti. Göngum í skólann 2020 hefst 2. september en hægt verður að skrá sig til leiks meðan á verkefninu stendur eða fram að alþjóðlega Göngum í skólann deginum þann 7. október næstkomandi.

Búið er að setja upp ný leiktæki á lóð Grunnskólans í Stykkishólmi, um er að ræða klifurnet og kastala með tveimur rennibrautum. Þá verða fleiri leiktæki sett upp á Garðaflöt á næstu dögum. Staðsetning og val á tækjum er í samræmi við íbúasamráðsverkefni Stykkishólmsbæjar. Markmið verkefnisins var m.a. að fá íbúa til samráðs um skipulag og útfærslu leikvalla í bænum.

Fjöldi Hólmara skráðu sig til leiks í Reykjavíkurmaraþoni Íslandsbanka sem fram átti að fara nk. laugardag Hlaupið hefur verið stór viðburður í Reykjavík undanfarin ár en í samræmi við tilmæli Almannavarna var ákveðið að aflýsa viðburðinum í ár, þrátt fyrir það voru hlauparar hvattir til að halda áfram að safna fyrir góðum málefnum og hlaupa sína vegalengd á laugardaginn kemur. Þá hyggst hópur fólks hlaupa fyrir Berglindi Gunnarsdóttur í Stykkishólmi.

Vinnuskólinn gerir nú tilraunir til að minnka notkun plastpoka með því að nota heynet til að fjarlægja gras af túnum bæjarins. Þessar tilraunir eru ekki nýjar á nálinni þar sem Vinnuskólinn hefur reynt aðrar lausnir með fjölnota poka en ekki gengið sem skildi

Starfsemi leikskólans í Stykkishólmi hófst á ný eftir sumarfrí mánudaginn 10. ágúst. Ekki var annað að sjá en börnin væru ánægð með að mæta aftur í leikskólann eftir mánaðarfjarveru.

Dvalarheimili aldraðra óskar eftir að ráða starfsfólk í helgarvinnu og ?kvöldstubba? í vetur. Tilvalið fyrir skólafólk.

Tilkynning frá HVE í Stykkishólmi varðandi COVID-19 sýnatöku: Einkennalausir ? Ef viðkomandi er einkennalaus en óskar eftir sýnatöku þá þarf að hafa samband við Þjónustumiðstöð rannsóknaverkefna í síma 520-2800 sem sér um sýnatöku fyrir Íslenska erfðagreiningu. Ekki er boðið upp á sýnatöku á heilsugæslum fyrir einkennalausa. Möguleg einkenni ? Skoða www.covid.is og fara yfir möguleg einkenni miðað við lýsingu á einkennum þar. Hafa svo samband við Læknavaktina í síma 1700 eða í gegnum heilsuvera.is og þar er metið hvort þörf er á sýnatöku. Ef búið er að meta þar að viðkomandi þurfi í sýnatöku þá er hún gerð hjá heilsugæslunni í Stykkishólmi þriðjudaga og föstudaga kl. 9-9:30 og viðkomandi þarf að bóka tíma í sýnatöku í síma 432-1200.

Þar sem COVID-19 smitum hefur fjölgað í samfélaginu síðustu daga og í ljósi hvatningar landlæknis til hjúkrunarheimila teljum við nauðsynlegt að bregðast við til að vernda okkar heimilismenn og starfsfólk. Frá og með 30. júlí, óskum við eftir því að heimsóknir verði takmarkaðar - Biðlað er til heimilismanna og aðstandenda að skipulegga heimsóknir þannig að ekki verði um að ræða fleiri en 1 -2 aðstandendur í einu í heimsókn til hvers og eins.

Stykkishólmsbær auglýsir Hamraenda 4, 6 og 8 í Stykkishólmi lausar til úthlutunnar. Svæðið er skilgreint sem athafnarsvæði samkvæmt aðalskipulagi. Hægt er að sameina allar lóðirnar í eina ef fyrirhuguð starfsemi þarfnast þess og skal það koma fram í umsókn.