Fréttir

Leikhópurinn Lotta sýnir Hróa Hött í Hólmgarðinum í Stykkishólmi kl. 17:00 fimmtudaginn 21. ágúst.  Söguna um Hróa hött þekkja flestir en í útgáfu Leikhópsins Lottu fléttast ævintýrið um Þyrnirós inn í atburðarrásina og úr verður einstaklega fjörugt og skemmtilegt verk.

Söguna um Hróa hött þekkja flestir en í útgáfu Leikhópsins Lottu fléttast ævintýrið um Þyrnirós inn í atburðarrásina og úr verður einstaklega fjörugt og skemmtilegt verk. Leikhópurinn Lotta sýnir Hróa Hött í Hólmgarðinum í Stykkishólmi kl. 17:00 föstudaginn 15. ágúst. Miðasala fer fram á staðnum en einnig er hægt að tryggja sér miða fyrirfram á tix.is. Miðaverð er 3.900 kr., en frítt er fyrir 2ja ára og yngri.

Ríkisstjórn Íslands fundar í Stykkishólmi dagana 14.-15. ágúst og heldur sinn árlega sumarfund á Höfðaborg í Stykkishólmi. Meðal annars verður fundað með Samtökum sveitarfélaga á Vesturlandi en aðaláherslumál fundarins eru atvinnumál og mun sérstök umræða fara fram um fyrirhugaða atvinnustefnu. Þá mun ríkisstjórnin eiga ýmis óformlegri samtöl en að loknum ríkisstjórnarfundi, um kl. 10:30 föstudaginn 15. ágúst, býður ríkisstjórnin félagsmönnum Aftanskins og öðru eldra fólki í sveitarfélaginu til kaffisamsætis á Höfðaborg. Þar gefst gestum tækifæri til að eiga samtal við forsætisráðherra og aðra ráðherra ríkisstjórnarinnar um málefni líðandi stundar.

Sveitarfélagið Stykkishólmur leitar eftir áhugasömum aðila eða aðilum til frekari viðræðna um samstarf um skipulag og uppbyggingu íbúðarsvæðis vestan Borgarbrautar í Víkurhverfi í Stykkishólmi. Áhugasamir aðilar eru vinsamlegast beðnir um að senda umsókn í samræmi við ofangreint til Sveitarfélagsins Stykkishólms á netfangið stykkisholmur@stykkisholmur.is eigi síðar en fyrir lok dags þann 25. ágúst 2025.

Helga Guðjónsdóttir, atvinnuráðgjafi SSV, og Sigursteinn Sigurðsson, menningarráðgjafi SSV, verða í Ráðhúsinu í Stykkishólmi þriðjudaginn 12. ágúst frá kl. 13:00 - 15:00. Verkefni atvinnuráðgjafa felast í að vera einstaklingum, fyrirtækjum og sveitarstjórnum til aðstoðar á sviði atvinnumála. m.a. er veitt:

Ungmennaráðstefnan Ungt fólk og lýðheilsa fer fram dagana 12. - 14. september 2025 á Reykjum í Hrútafirði. Umfjöllunarefni ráðstefnunnar í ár eru félagslegir töfrar. Ráðstefnan hefur það markmið að hvetja ungt fólk til þátttöku í félagsstarfi íþrótta- og ungmennafélagshreyfingarinnar á nýjan hátt, ekki aðeins með því að mæta á hefðbundar íþróttaæfingar.

Sýningin Bergmál Ekko opnar í Byggðasafni Snæfellinga og Hnappdæla laugardaginn 9. ágúst kl. 14:00. Allir velkomnir og léttar veitingar í boði.

Ráðhúsið í Stykkishólmi verður lokað föstudaginn 1. ágúst vegna sumarleyfa. 

Sveitarfélagið hefur undanfarið, í samvinnu við VSÓ, kannað leiðir til að bæta umferðaöryggi á Silfurgötu með hraðatakmarkandi aðgerðum. Starfsmenn sveitarfélagsins munu setja upp umferðaröryggisbúnað í götunni (umferðareyjar/þrengingar) nk. föstudag, 1. ágúst. Með því er leitast eftir að auka öryggi bæði gangandi og akandi vegfarenda eins og best verður á kosið.

Þriðjudaginn 5. ágúst nk. mun fyrirtækið Hreinsitækni ehf. hefjast handa við hreinsun rotþróa í sveitarfélaginu Stykkishólmi. Verkið verður unnið eins og veður og aðstæður leyfa. Húseigendur/lóðarhafar sem málið varðar eru hvattir til að hafa gott aðgengi að rotþróm til að tryggja að hreinsunin gangi greiðlega fyrir sig (ólæst hlið, grisja trjágreinar og reita gróður frá stútnum ef þarf og merkja stút með fána eða stiku ef hann sést illa).