Fréttir

Á 34. fundi bæjarráðs var lagt til að lóðin R1 í Víkurhverfi verði auglýst laus til umsóknar með það að markmiði að umsækjandi sæki til sveitarfélagsins um heimild til uppbyggingar á lóðinni á grunni gr. 4.2. í lóðarreglum sveitarfélagsins með þeirri forsendu að miðað verði við 600 fm2 byggingarmagn, bílastæði snúi að Borgarbraut og íbúðir verði allt að fjórar með bílskúrsheimild. Forgangsröðun úthlutunnar til áhugasamra aðila skuli byggja á gr. 4.2.2. í lóðarreglum sveitarfélagsins.

Gjaldtaka fyrir bílastæði á höfninni í Stykkishólmi hefur verið til umræðu í stjórnsýslu sveitarfélagsins um nokkurt skeið en bæjarstjórn samþykkti samþykkt um bílastæðasjóð Stykkishólms og gjaldskrá bílastæðasjóðs á fundi sínum í júní 2024. Nú hefur verið samið við Parka lausnir ehf. um að sjá um gjaldheimtu fyrir bílastæði á hafnarsvæðinu sem hefst nú í sumar.

Helstu fréttir eru komnar út. Tilgangur blaðsins er að bæta aðgengi íbúa að tilkynningum og fréttum frá sveitarfélaginu. Í því samhengi er sérstaklega horft til eldra fólks sem notast ekki við tölvur og liggur blaðið því frammi á Höfðaborg og Systraskjóli.

Rauði krossinn á Íslandi hefur hleypt af stokkunum fræðslu- og forvarnarátaki um öryggi barna í sundi. Átakið er unnið í samstarfi við Reykjavíkurborg og Samtök forstöðumanna sundstaða á Íslandi (SFSÍ) og er því beint að öllu landinu.

38. fundur bæjarstjórnar Stykkishólms fer fram fimmtudaginn 26. júní 2025 kl. 17:00 í bæjarstjórnarsal. Smelltu á hnappinn hér að neðan til að kynna þér dagská fundar.

Skotthúfan verður haldin í Stykkishólmi laugardaginn 28. júní. Í ár er því fagnað að þjóðbúningadagur hefur verið haldinn í Stykkishólmi í 20 ár og verður dagskráin vegleg af því tilefni. Norska húsið verður opið frá kl. 11:00 til 17:00 en yfir daginn verður meðal annars ýmislegt að sjá við Tang og Riis og í gamla frystihúsinu við Aðalgötu 1. Auk þess munu félagar úr þjóðdansafélagi Reykjavíkur kenna áhugasömum íslenska þjóðdansa fyrir utan Norska húsið kl. 16:15.

Undanfarin kvöld hefur nokkuð borið á því að ungmenni í Stykkishólmi stundi dorgveiði á bryggjunni. Sveitarfélagið vill biðla til foreldra og forráðamanna að brýna fyrir börnum sínum að fara ekki um borð í báta þegar þau eru að veiða á höfninni og kasta frekar út frá bryggjukantinum.

Foreldrar og forráðamenn eru minntir á að ganga frá skráningu fyrir leikjanámskeið næstu viku fyrir hádegi föstudags, 20. júní. Skráning í leikjanámskeið fyrir 1.-3. bekk (árg. 2016 - 2018) er í netfangið klaudia@stykk.is. Þá er einnig minnt á að námskeiðum fyrir 4.- 6. bekk er lokið.

Undanfarin ár hefur kokteilahátíðin Stykkishólmur cocktail weekend verið haldin hátíðleg í kringum páskana. Þetta árið er hinsvegar breyting þar á og verður hátíðin að vikulöngum viðburði sem stendur nú yfir, dagana 16.-21. júní.

Golfsamband Íslands heldur upp á Golfdaginn í Stykkishólmi sunnudaginn 22. júní, kl. 13:00-15:00 í húsnæði Golfklúbbsins Mostra. Boðið verður upp á skemmtilega kynningu á grunnatriðum golfíþróttarinnar undir handleiðslu PGA golfkennara, ásamt leikjum og grillveislu fyrir þátttakendur. Golfdagurinn er fyrir alla fjölskylduna og er frábært tækifæri til að kynnast golfíþróttinni.