Bæjarráð

Lögð fram 258. fundargerð skipulags- og bygginganefndar.

Lögð fram 19. fundargerð ungmennaráðs.

Lögð fram 191. fundargerð skóla- og fræðslunefndar.

Lögð fram 20. fundargerð afgreiðslufunda byggingafulltrúa.

Lagðar fram fundargerðir Breiðafjarðarnefndar frá fundum 197, 198 og 199.

Lögð fram fundargerð 906. fundar sambands íslenskra sveitarfélaga.

Lögð fram fundargerð 166. og 167. fundar stjórnar SSV.

Lögð fram fundargerð 442. fundar stjórnar Hafnasambands Íslands sem haldinn var föstudaginn 18. febrúar sl.

Lögð fram fundargerð 199. fundar félagsmálanefndar Snæfellinga.

Lögð fram lokaskýrsla samráðshóps um öldrunarmál á Vesturlandi ásamt fylgiskjölum.

Lagt fram undirritað samkomulag um framlengingu á samningi um rekstur og þjónustu hjúkrunarheimilis að Skólastíg 14. Einnig er lögð fram fundargerð 22. fundar stýrihóps vegna framkvæmda á HVE í Stykkishólmi.

Lögð fram til kynningar viðbótarumsögn Stykkishólmsbæjar um frumvarp til laga um breytingu á lögum um stjórn fiskveiða (veiðistjórn sandkola og hryggleysingja).

Lagt fram fundarboð á aðalfund Lánasjóðs sveitarfélaga 2022.
Fundurinn verður á Hotel Nordica klukkan 15:00 föstudaginn 1. apríl 2022.

Lagt fram minnisblað Sambands íslenskra sveitarfélaga vegna hækkana lífeyrisskuldbindinga 2021.

Tómstunda- og æskulýðsfulltrúi mætir til fundar til þess að gera grein fyrir vinnu við endurskoðun á forvarnarstefnu Stykkishólmsbæjar.

Lögð fram drög að ársreikningi Hafnasambands Íslands fyrir árið 2021. Samkvæmt 5. mgr. 5. gr. laga Hafnasambands Íslands skal stjórn samþykkja ársreikninga eftir að þeir hafa verið kynntir aðildarhöfnunum.

Athugasemdir, ef einhverjar eru, skulu berast fyrir 12. apríl nk.

Lagt fram erindi frá innviðaráðuneytinu þar sem vakin er athygli á drögum að frumvarpi til laga um breytingu á sveitarstjórnarlögum, nr. 138/2011. (Íbúakosningar á vegum sveitarfélaga). Einnig er lögð fram umsögn Sambands Íslenskra sveitarfélaga.

Lagt fram erindi frá allsherjar- og menntamálanefnd Alþingis sem sendir til umsagnar frumvarp til laga um eignarráð og nýtingu fasteigna (óskipt sameign, landamerki o.fl.), 16. mál.

Þess er óskað að undirrituð umsögn berist eigi síðar en 24. mars nk.

Lagt fram erindi frá Velferðarnefnd Alþingis sem sendir til umsagnar frumvarp til laga um fjöleignarhús (gæludýrahald), 57. mál.

Þess er óskað að undirrituð umsögn berist eigi síðar en 23. mars nk.

Lögð fram bókun bæjarráðs Sveitarfélagsins Voga samþykkt þann 02.03.2022, sem er áskorun til allra sveitarfélaga í landinu er varðar Suðurnesjalínu 2.

Bókunin óskast tekin til umfjöllunar í sveitarstjórn, sem og að hún verði send öllum kjörnum fulltrúum til kynningar.

Kjör í Þjóðhátíðarnefnd vegna hátíðarhaldanna á 17. júní 2022.

Fulltrúar frá björgunarsveitinni Berkerkjum koma til fundar við bæjarráð og gera grein fyrir hugmyndum sínum og tillögum að framtíðarskipan húsnæðismála sveitarinnar.

Lögð fram auglýsing á stöðu hafnarvarðar við Stykkishólmshöfn.

Skólastjóri Gunnskólans í Stykkishólmi, Berglind Axelsdóttir, og Ragnar Ingi kynntu fyrir skóla- og fræðslunefnd, á 187. fundi nefndarinnar, tillögur húsnæðisnefndar sem skólastjóri skipaði. Var það mat húsnæðisnefndar að alltaf myndi vanta eina stofu þó svo að allar framkomnar lausnir innanhúss væru teknar til greina, auk kennslurýmis í bókasafni (sem er núna nýtt til bráðabirgða). Slíkt myndi ekki leysa húsnæðisvanda skólans til framtíðar. Kennsluhættir eru orðnir fjölbreyttari en áður var og það kallar á meira rými en áður. Bæjarráð óskaði, á 633. fundi sínum, eftir kynningu frá Grunnskólanum varðandi húsnæðismálin.

Að beiðni Lárusar Ástmars Hannessonar, bæjarfulltrúa, er málið tekið til umræðu í bæjarráði.

Lagt er til að hafinn verði undirbúningur að því að bæta aðstöðu Skógræktarfélags Stykkishólms í samstarfi við félagið með áherslu á að koma upp salernisaðstöðu og inniaðstöðu á fyrirliggjandi byggingarreitum þar sem m.a. verði horft til þess að koma til móts við núverandi þarfir þeirra stofnana og félagasamtaka sem nýta skógræktina í sinni starfsemi, þ.m.t. Leikskólann í Stykkishólmi, Grunnskólann í Stykkishólmi, Royal Rangers Stykkishólmi, Aftanskin og önnur félagasamtök.

Lagt fram erindi frá Samtökum sveitarfélaga á Vesturlandi um stofnun sjálfseignarstofnunar um nýsköpunarnet Vesturlands.

Lagður fram lánssamningur ásamt fylgigögnum milli Lánasjóðs sveitarfélaga sem lánveitanda og Stykkishólmsbæjar sem lántaka um lán að fjárhæð kr. 100.000.000 hjá Lánasjóði sveitarfélaga ohf. í samræmi við fjárhagsáætlun Stykkishólmsbæjar.

Lögð eru fram til afgreiðslu Umferðaröryggisáætlun Stykkishólmsbæjar 2021-2025. Skipulags- og byggingarnefnd fagnaði á 258. fundi sínum, því að Umferðaröryggisáætlun liggi fyrir og geti farið að þjóna hlutverki sínu sem leiðbeinandi stoðgagn í ýmsum verkefnum á vegum bæjarins. Nefndin samþykkti áætlunina fyrir sitt leiti.

Lögð er fram til afgreiðslu skipulags- og byggingarnefndar tillaga að breytingu á deiliskipulagi Víkurhverfis.

Gildandi deiliskipulag fyrir Víkurhverfi er frá 2007. Deiliskipulagssvæðið er um 2,3 ha að stærð og nær til miðhluta hverfisins n.t.t. norður af Borgarbraut að Hyrnuvík. Ákvörðun um breyta deiliskipulaginu er tilkomin vegna mælinga sem unnar voru á svæðinu s.l. sumar en þá kom í ljós að suðurendi svæðisins er að hluta til óbyggilegur vegna jarðvegsdýptar.

Meginmarkmiðin með deiliskipulagsbreytingunni eru að:
- Ná fram meiri hagkvæmni og betri nýtingu lands með fjölgun lóða úr 13 í 16, fjölgun íbúðareininga úr 28 í 37 og styðjast við nýja nálgun við íbúðarlausnir og hagkvæmari nýtingu lóða. Jafnframt er leitast við að vernda svæði sem mikilvæg eru fyrir leik og útivist.
- Stýra lausnum í byggingarheimildum í átt til meiri gæða í íbúðarlausnum með áherslu á sól og skjól og bjartari íbúðir.
- Ná fram fallegu heildaryfirbragði byggðarinnar með því að hanna aðlaðandi götumyndir, áhugaverð rými á milli húsa, gönguvænna umhverfi og blandaða stærð íbúðareininga með mismunandi húsum og þakformum.
- Leggja áherslu á lýðheilsu og mannrækt með gatnahönnun sem tekur mið að umferðaröryggi, gróðri, götugögnum og góðri lýsingu ásamt samfélagsmótandi þáttum og aðgengi að náttúru og útivistarmöguleikum.

Skipulags- og byggingarnefnd fagnaði, á 258. fundi sínum, framlagðri tillögu að breytingu á deiliskipulagi fyrir Víkurhverfi og telur að hugmyndafræðin sem þar er kynnt, samræmist stefnu bæjarins um sjálfbærni, fjölbreytta og áhugaverða íbúðarkosti, hagkvæmni í landnýtingu, gatnahönnun sem tekur mið af umferðaröryggi, áherslu á gönguvænt umhverfi og aðgengi að frábærum útivistamöguleikum.

Af þeim þremur valkostum sem kynntir voru fyrir mögulega útfærslu á Borgarbrautar (6m gata með gangstétt öðru/báðum megin) og Bauluvík (5m, 5,5m, eða 6m gata með gangstétt öðru/báðum megin). Nefndin telur ákjósanlegast að Borgarbraut verði "tengibraut" með 2x3m akgreinum og 1,5m gangstéttum beggja vegna götu, sérstaklega þar sem gatan gæti orðið aðkomuleið baðaðstöðu sem skv. aðalskipulagi er gert ráð fyrir að rísi í Sundvík. Þá telur nefndin ákjósanlegt að Bauluvík verði "safngata" með 2x2,75 akgreinum og 1,5m gangstéttum báðum megin götu. Nefndin vill einnig að skoðaður verði möguleiki á að hafa gangstéttir meðfram Bauluvík í sömu hæð og gatan þ.e. malbikað með skýrri afmörkun milli götu og gangstígs og hvort til greina komi að nota vatnsrásir fyrir yfirborðsvatn á milli götu og gangstíga.

Nefndin samþykkti fyrir sitt leiti tillögu að breytingu á deiliskipulagi fyrir Víkurhverfi og lagði til við bæjarstjórn að auglýsa tillöguna. Nefndin fól einnig skipulagsfulltrúa að vinna áfram með skipulagsráðgjafa að minniháttar breytingum fyrir auglýsingu.

Skipavík ehf. sækir um byggingarleyfi fyrir iðnaðarhúsnæði á tveimur hæðum við Hamraenda 12. Stærð hússins er 20 x 36,2 m eða samtals 732,2 m2 að grunnfleti. Birt stærð er 724 m2 og brúttórúmmál er 3.828 m2. Um er að ræða 12 bil, hvert um sig um 50 m2 að stærð að grunnfleti. Burðarvirki hússins er steinsteypa og límtré. Lóðin er 1.920 m2. Með erindinu fylgdu aðaluppdrættir frá W7 slf. dags. 22.02.2022.

Í ljósi þess að ekki liggur fyrir deiliskipulag á svæðinu vísaði byggingarfulltrúi erindinu til skipulags- og byggingarnefndar.

Skipulags- og byggingarnefnd samþykkti á 258. fundi sínum, að grenndarkynna byggingarleyfisumsókn skv. 44. gr. skipulagslaga nr. 123/2010. Grenndarkynnt verður fyrir eigendum bygginga við Hamraenda nr. 1, 2, 3, 5 og 10 a-d, ásamt Hesteigendafélaginu Fákaborg. Að grenndarkynningu lokinni og að því gefnu að engar athugasemdir hafi borist, vísaði nefndin málinu til afgreiðslu hjá byggingarfulltrúa.

Lögð fram skipulagsforsögn vegna breytinga á Aðalskipulagi Stykkishólms 2002-2022 vegna athafnasvæða við Kallhamar og Hamraenda og nýrra deiliskipulagsáætlana fyrir svæðin. Tillögur þessar eru í samræmi við tillögu bæjarstjóra og afgreiðslur fastanefnda Stykkishólmsbæjar.

Skipulags- og byggingarnefnd tók á 258. fundi sínum jákvætt í breytingu á aðalskipulagi sveitarfélagsins og nýjar deiliskipulagsáætlanir fyrir Kallhamar og Hamraenda og fól skipulagsfulltrúa að vinna málið áfram.

Lagt fram skilabréf starfshóps um eflingu atvinnulífs í Stykkishólmi ásamt lokaskýrslu.

Auglýst var eftir styrkumsóknum frá einstaklingum og fyrirtækjum í samræmi við reglur Stykkishólmsbæjar um styrkveitingar frá 25. febrúar til 21. mars sl. Alls bárust 2 umsóknir sem lagðar eru fram til úthlutunar.