Fara í efni

Lóðaframboð í Stykkishólmi

Málsnúmer 1911025

Vakta málsnúmer

Atvinnu- og nýsköpunarnefnd - 7. fundur - 10.05.2021

Lagðar fram afgreiðslur og fylgiskjöl í tengslum við lóðarframboð í Stykkishólmi.
Atvinnu- og nýsköpunarnefnd fagnar þeirri umræðu og hugmyndum sem komu fram á 627. fundi bæjarráðs varðandi aukið lóðaframboð í Stykkishólmi. Af viðtölum við þá aðila sem sinna byggingarframkvæmdum má ráð að skortur sé á lóðum undir íbúðarhúsnæði. Ein forsenda fyrir aukna atvinnustarfsemi í Stykkishólmi er að nægt framboð sé á íbúðarhúsnæði, annað hvort til leigu eða sölu.

Atvinnu- og nýsköpunarnefnd tekur undir samþykkt bæjarráðs að fela bæjarstjóra að greina nánar þá valkosti sem koma til greina við opnun á nýjum og þegar skipulögðum íbúðarhúsahverfum, annars vegar Víkurhverfi og hins vegar lægri Vatnsás, þ.m.t. áfangaskiptingu og afmörkun, og leggja fyrir bæjarráð tillögu í þeim efnum ásamt kostnaðarmati.

Bæjarráð - 629. fundur - 26.07.2021

Bæjarráð fól bæjarstjóra á 627. fundi sínum að greina nánar þá valkosti sem koma til greina við opnun á nýjum og þegar skipulögðum íbúðarhúsahverfum, annars vegar Víkurhverfi og hins vegar lægri Vatnsás, þ.m.t. áfangaskiptingu og afmörkun, og leggja fyrir bæjarráð tillögu í þeim efnum ásamt kostnaðarmati.



Lagt er fram minnisblað frá Verkís, unnið að beiðni bæjarstjóra. Þar ráðleggur Verkís Stykkishólmsbæ að leggja áherslu á að byrja á Víkurhverfi til að anna lóðareftirspurn, þar sem hönnun á hverfinu liggur fyrir og fyrir séð að kostnaður við gatnagerð við Vatnsás er umtalsverður þar sem undirlag hverfisins er klapparholt.



Einnig eru lögð fram drög að kostnaðarmati vegna Víkurhverfis.
Bæjarráð samþykkir að hefja vinnu við breytingar á lóðum og skipulagi í samræmi við niðurstöður borana á svæðinu og minnisblaði frá Verkís hf. Bæjarráð samþykkir að fá Verkis á næsta fund bæjarráðs.

Bæjarráð - 630. fundur - 19.08.2021

Bæjarráð samþykkti á 629. fundi sínum að hefja vinnu við breytingar á lóðum og skipulagi í samræmi við niðurstöður borana í Víkurhverfi og minnisblaði frá Verkís hf. Á fund bæjarráðs koma fulltrúar frá Verkís verkfræðistofu í samræmi við bókun síðasta fundar bæjarráðs.
Kristín Þorleifsdóttir, sviðsstjóri umhverfis- og skipulagssviðs, sat fund bæjarráðs undir þessum lið, ásamt Önnu Maríu Þráinsdóttur, Ásgeiri Guðmundssyni og Guðmundi Jónssyni frá Verkís.

Bæjarráð felur sviðsstjóra umhverfis- og skipulagssviðs að vinna málið áfram í samráði við bæjarstjóra í samræmi við umræður á fundinum.

Skipulags- og bygginganefnd - 255. fundur - 08.11.2021

Á 627. fundi sínum 6. maí sl., fól bæjarráð bæjarstjóra að kanna nánar valkosti er varða ný og þegar skipulögð íbúðarhúsahverfi og leggja fyrir bæjarráð tillögu í þeim efnum. Huga skuli se´rstaklega að mögulegri áfangaskiptingu og kostnaðarmati við gatnagerð og fráveitu fyrir Víkurhverfi og hverfi við Vatnsás.

Á 629. fundi sínum 26. júlí sl. samþykkti bæjarráð að hefja vinnu við breytingar skipulagi Víkurhverfis í samræmi við niðurstöður jarðvegssýna og minnisblað frá Verkís. Á 630. fundi bæjarráðs 23. september sl., fól ráðið síðan sviðsstjóra umhverfis- og skipulagssviðs að vinna málið áfram í samráði við bæjarstjóra í samræmi við umræður á fundinum.

Lagt er fram til kynningar minnisblað og kostnaðaráætlun frá Verkís um fráveitu, sem unnið var að beiðni bæjarstjóra. Einnig kynnir skipulagsfulltrúi stöðu í vinnu tillögu að breytingu á deiliskipulagi fyrir 1. áfanga Víkurhverfis. Jafnframt er lagt fram til kynningar minnisblað skipulagsfulltrúa um hugmynd sem kviknaði á 631. fundi bæjarráðs 23. september sl. um færslu hverfis við Vatnsás frá þjóðveginum.
Nefndin fagnar áframhaldandi vinnu við fjölgun Íbúðarhúsalóða í Stykkishólmi. Nefndin vill koma því á framfæri að hugað verði sérstaklega að möguleikum til útivistar á jaðri Víkurhverfis.

Bæjarráð - 633. fundur - 11.11.2021

Kristín Þorleifsdóttir, sviðsstjóri umhverfis- og skipulagssviðs, gerir grein fyrir stöðu máls, þeirri vinnu sem innt hefur verið af hendi og næstu skrefum í samræmi við fyrirliggjandi gögn.
Kristín Þorleifsdóttir, sviðsstjóri umhverfis- og skipulagssviðs kom inná fundinn og kynnti gögn og svaraði spurningum. Bæjarráð felur sviðsstjóra að vinna málið áfram.

Atvinnu- og nýsköpunarnefnd - 9. fundur - 29.11.2021

Bæjarstjóri gerir grein fyrir lóðarframboði atvinnulóða í Stykkishólmi ásamt tillögum sínum að aukningu í lóðarframboði atvinnulóða í Stykkishólmi.
Atvinnu- og nýsköpunarnefnd hvetur til þess að hafinn verði strax undirbúningur að breytingu á aðalskipulagi og stækkun atvinnusvæðis suðvestan við Hamraenda, beggja vegna flugvallarins, í samræmi við tillögu bæjarstjóra og leggur áherslu á að tekið verði mið af þeirri vinnu sem stendur yfir í starfshópi um eflingu atvinnulífs í Stykkishólmi.

Bæjarráð - 634. fundur - 02.12.2021

Bæjarráð samþykkti á 629. fundi sínum að hefja vinnu við breytingar á lóðum og skipulagi í samræmi við niðurstöður borana í Víkurhverfi og minnisblaði frá Verkís hf. Á 630. fundi fól bæjarráð sviðsstjóra umhverfis- og skipulagssviðs að vinna málið áfram í samráði við bæjarstjóra í samræmi við umræður á fundinum.

Atvinnu- og nýsköpunarnefnd hvatti á 8. fundi sínum til þess að hugað verði að gerð deiliskipulags við Hamraenda og eftir atvikum breytingu á aðalskipulagi þar sem atvinnusvæðið verði stækkað til vesturs í samræmi við tillögu bæjarstjóra.

Bæjarráð vísaði, á 631. fundi sínum, málinu til frekari vinnslu í bæjarráði.

Atvinnu- og nýsköpunarnefnd hvatti, á 9. fundi sínum, til þess að hafinn verði strax undirbúningur að breytingu á aðalskipulagi og stækkun atvinnusvæðis suðvestan við Hamraenda, beggja vegna flugvallarins, í samræmi við tillögu bæjarstjóra og lagði nefndin áherslu á að tekið verði mið af þeirri vinnu sem stendur yfir í starfshópi um eflingu atvinnulífs í Stykkishólmi.
Bæjarráð felur bæjarstjóra og sviðstjóra umhverfis- og skipulagsmála að vinna málið áfram í samræmi við hvatningu atvinnu- og nýsköpunarnefndar.

Skipulags- og bygginganefnd - 258. fundur - 15.03.2022

Lögð fram skipulagsforsögn vegna breytinga á Aðalskipulagi Stykkishólms 2002-2022 vegna athafnasvæða við Kallhamar og Hamraenda og nýrra deiliskipulagsáætlana fyrir svæðin. Tillögur þessar eru í samræmi við tillögu bæjarstjóra og afgreiðslur fastanefnda Stykkishólmsbæjar.
Skipulags- og byggingarnefnd tekur jákvætt í breytingu á aðalskipulagi sveitarfélagsins og nýjar deiliskipulagsáætlanir fyrir Kallhamar og Hamraenda og felur skipulagsfulltrúa að vinna málið áfram.

Bæjarráð - 638. fundur - 24.03.2022

Lögð fram skipulagsforsögn vegna breytinga á Aðalskipulagi Stykkishólms 2002-2022 vegna athafnasvæða við Kallhamar og Hamraenda og nýrra deiliskipulagsáætlana fyrir svæðin. Tillögur þessar eru í samræmi við tillögu bæjarstjóra og afgreiðslur fastanefnda Stykkishólmsbæjar.

Skipulags- og byggingarnefnd tók á 258. fundi sínum jákvætt í breytingu á aðalskipulagi sveitarfélagsins og nýjar deiliskipulagsáætlanir fyrir Kallhamar og Hamraenda og fól skipulagsfulltrúa að vinna málið áfram.
Bæjarráð tekur undir afgreiðslu skipulags- og byggingarnefndar og felur bæjarstjóra og skipulagsfulltrúa að vinna málið áfram.

Atvinnu- og nýsköpunarnefnd - 11. fundur - 04.04.2022

Lögð hefur verið fram í bæjarráði skipulagsforsögn vegna breytinga á Aðalskipulagi Stykkishólms 2002-2022 vegna athafnasvæða við Kallhamar og Hamraenda og nýrra deiliskipulagsáætlana fyrir svæðin. Bæjarstjóri gerir grein fyrir stöðu málsins.
Atvinnu- og nýsköpunarnefnd lýsir ánægju með þá vinnu sem átt hefur sér stað um skipulag athafnarsvæðis við Kallhamar og stækkun atvinnusvæðis við Hamraenda, sérstaklega í ljósi þess að skortur er á lóðum fyrir atvinnustarfsemi.

Bæjarráð - 639. fundur - 07.04.2022

Með tilkomu nýs skipulags austan Aðalgötu bætast við lóðir til úthlutunar í Stykkishólmi. Á nýju skipulagi svæðisins eru m.a. fjórir byggingarreitir ætlaðir íbúðahúsnæði og einn byggingarreitur á þjónustu- og verslunarsvæði.

Lagt er til að bæjarstjóra verði falið að undirbúa gerð nýrra lóðaleigusamninga við lóðarhafa aðliggjandi lóða og lóðablauð sem þurfa þykir..
Bæjarráð samþykkir tillöguna og vísar henni til staðfestingar í bæjarstjórn.

Bæjarráð Stykkishólmsbæjar og Helgafellssveitar - 2. fundur - 18.08.2022

Lagðar fram reglur um úthlutun á lóðum fyrir íbúðar- og atvinnuhúsnæði í Stykkishólmi. Bæjarstjóri leggur til að áhersla verði lögð á skemmri tímafresti í málsmeðferð bæjarins (6-12 mán.), sbr. grein 3.5.
Bæjarráð samþykkir tillögu bæjarstjóra um að reyna að kalla eftir upplýsingum og miða við skemmri fresti, sbr. grein 3.5 og grein 4, t.d. þegar engin gögn vegna byggingarleyfis hafa borist sveitarfélaginu innan 6 mánaða og engar haldbærar skýringar eru gefnar um ástæður þess. Þá er brýnt fyrir starfsmönnum umhverfis- og skipulagssviðs að veita viðeigandi leiðbeiningar um þessa áherslubreytingar í málsmeðferð sveitarfélagsins.

Bæjarráð Stykkishólmsbæjar og Helgafellssveitar - 7. fundur - 19.01.2023

Sigurbjartur Loftsson kom inn á fundinn.
Sigubjartur Loftsson kemur til fundar við bæjarráð til að ræða hugmyndir sínar um lóðarframboð og framtíðaruppbyggingu í Stykkishólmi.
Sigurbjartur Loftsson kom inn á fundinn og gerði grein fyrir sínum hugmyndum um lóðarframboð og framtíðaruppbyggingu í Stykkishólmi og svaraði spurningum.
Sigurbjartur vék af fundi.

Skipulagsnefnd - 14. fundur - 11.10.2023

Bæring Bjarnar Jónsson, arkitekt, kemur til fundar.
Lagðar fram til afgreiðslu tillögur Gláma Kím (dags. 21.9.2023) að staðsetningu íbúðarhúsa fyrir 12 íbúðir í Stykkishólmi, sem ætlaðar eru fyrir fjölskyldur og einstaklinga sem eru undir tekju- og eignamörkum.



Á 15. fundi bæjarstjórnar voru lögð fram gögn frá Húsnæðis- og mannvirkjastofnunar (HMS) vegna umsóknar Sveitarfélagsins Stykkishólms, f.h. Brákar íbúðafélags hses., um stofnframlag ríkisins á grundvelli laga um almennar íbúðir nr. 52/2016, ásamt erindi frá HMS þar sem samþykkt er að veita 18% stofnframlag og sérstakt byggðaframlag vegna byggingar á 12 íbúðum í Stykkishólmi með það að markmiði að bæta húsnæðisöryggi fjölskyldna og einstaklinga sem eru undir tekju- og eignamörkum og auka aðgengi að öruggu og viðeigandi leiguhúsnæði. Á fundinum staðfesti bæjarstjórn skuldbindingu af hálfu sveitarfélagsins vegna verkefnisins. Fyrir bæjarráð voru lagðar fram tillögur að staðsetningum vegna fyrirhugaðrar uppbyggingar.



Bæjarráð vísar málinu til frekari vinnslu og útfærslu í skipulagsnefnd, en leggur áherslu að tillaga B verði skoðuð sérstaklega.
Skipulagsnefnd felur skipulagsfulltrúa að vinna áfram að breytingu á deiliskipulagi Víkurhverfis frá 2007 m.s.br. skv. tillögu B, sem gerir ráð fyrir fjórum 2-hæða, 4-íbúða, húsum við Bauluvík (nú lóðir E1-H, E3-R og E3-I) eða samtals 16 íbúðum.

Samþykkt með þremur atkvæðum H-lista.

Gretar og Steindór greiða atkvæði gegn tillögunni og benda á Vatnsás sem heppilegri staðsetningu fyrir íbúðirnar.
Getum við bætt efni síðunnar?