Fréttir

Þátttakendum í Heilueflingu 60+ var færður merktur vatnsbrúsi að gjöf í liðinni viku. Auk þess að gleðja þátttakendur var ætlunin að gera hópinn sýnilegri og hvetja þannig fleiri til að slást í hópinn, en það er hægt að gera með því að setja sig í samband við Magnús, 864-8862/magnus@stykkisholmur.is, eða mæta á næstu æfingu og skrá sig þar.

Í vikunni fékk hópur í Heilsueflingu 60+ kynningu á ringó sem verður keppnisgrein á Landsmóti UMFÍ 50+ í Hólminum, dagana 23.-25. júní 2023. Ringó svipar nokkuð til blaks en í stað bolta eru notaðir tveir gúmmíhringir, sem liðin kasta yfir net og reyna að koma í gólf hjá andstæðingnum

Sameiginlegt umhverfis- og skipulagssvið Stykkishólmsbæjar og Helgafellssveitar, Grundarfjarðarbæjar og Eyja- og Miklaholtshrepps leitar að kraftmiklum byggingarfulltrúa til að halda utan um byggingarmál og verklegar framkvæmdir í sveitarfélögunum þremur.

Karlakórinn Kári ætlar að fagna nýju ári með hátíðartónleikum þar sem á efnisskránni verða þjóðleg lög sem tilheyra áramótunum ásamt skemmtilegum slögurum. Kórinn kom fram í Grundarfjarðarkirkju og Ólafsvíkurkirkju síðastliðinn sunnudag en endar nú tónleikaröðina í Stykkishólmskirkju fimmtudaginn 19. janúar 2023 kl. 20:00. Aðgangseyrir eru 4000 kr., enginn posi á staðnum.

Stjórn Lista- og menningarsjóðs kom saman til fundar þriðjudaginn 10. janúar sl. í Ráðhúsi Stykkishólmsbæjar. Auglýst var eftir umsóknum í sjóðinn snemma í desember og var umsóknarfrestur til 1. janúar í samræmi við reglur sjóðsins.

Jafningjahittingur krabbameinsgreindra og aðstandenda þeirra verður haldinn í húsnæði aftanskins, Setrinu/Kálfinum, Skólastíg 11, hér í Stykkishólmi, kl. 17:00, miðvikudaginn 11. janúar.

Loksins getum við blótað þorrann saman aftur! Þorrablótsnefndin, í samstarfi við Fosshótel, Snæfell og Stykkishólmsbæ mun halda þorrablótið í íþróttahúsinu í Stykkishólmi þann 4. febrúar nk.

Leikskólinn í Stykkishólmi auglýsir lausa 100% stöðu í afleysingar í 6 mánuði, viðkomandi þarf að geta hafið störf sem fyrst. Góð íslensku kunnátta er skilyrði, færni í samskiptum er nauðsynleg og metnaður fyrir leikskólakennslu. Vakin er athygli á því að ef ekki fást leikskólakennarar til starfa, munu aðrar umsóknir koma til greina. Reynsla af uppeldis-og kennslustörfum með ungum börnum er æskileg og viðkomandi þarf að geta unnið undir miklu álagi.

Búið er að riðja gönguskíðabraut á íþróttavellinum og eru gönguskíðagarpar hvattir til að nýta sér það. Til stendur að riðja fljótlega aðra braut á golfvellinum líkt og gert var í fyrra. Það var Kristján Auðunsson sem ruddi brautina með þar til gerðum búnaði og eru honum færðar þakkir fyrir. Þá má einnig þakka Heimi Stellu fyrir að blása af skautasvellinu við flugvöllin sem er nú klárt. Því er um að gera að skerpa skautana og drífa sig á svellið.

Á þrettándanum kveðjum við jólahátíðina, síðasti jólasveinninn heldur til fjalla og spyrst þá ekkert til þeirra bræðra fyrr en um næstu jól. Kveikt verður í þrettándabrennu við Vatnsás fyrir innan tjaldsvæðið föstudaginn 6. janúar. Útlit er fyrir rólega og hagstæða vindátt en verði breyting þar á sem setur stirk í reikninginn verður tilkynnt um það á vefsíðu sveitarfélagsins. Þrettándagleðin hefst kl. 17.30 við golfskálann.