Fréttir

Hluti nemenda í Grunnskóla Stykkishólms á miðstigi, þ.e. 5.-7. bekkur, hafa valið sér áfanga sem hefur það að markmiði að vinna góðverk fyrir samborgara sína. Þessi föngulegi hópur klæðir sig vel upp og heldur út hvernig sem viðrar alla mánudaga,þriðjudaga og fimmtudaga frá kl. 8:10 til 9:30 næstu tvær vikurnar. Hópurinn hefur það markmið eitt að vinna góðverk svo sem eins og að skafa forst af bílrúðum, salta bílaplön og stéttir fyrir eldri borgara, fara út með rusl, viðra hunda og annað slíkt. Hópurinn óskar nú eftir aðstoð við að finna verkefni en þeir sem luma á verkefnum sem gætu hentað hópnum eru hvattir til að hafa samband við Siggu Lóu, kennara hópsins

Á vefsíðu sveitarfélagsins Stykkishólms má lesa helstu fréttir sem snúa að rekstri sveitarfélagsins, viðburðum og öðru tengdu sveitarfélaginu. Fréttunum er svo deilt á facebooksíðu Stykkishólms til að ná athygli sem flestra. Fréttaritið Helstu fréttir er samantekt af því sem hæst ber í fréttum frá sveitarfélaginu. Blaðinu er ætlað að bæta upplýsingaflæði frá sveitarfélaginu og ná til þeirra sem ekki nota tölvur, sér í lagi eldra fólks. Blaðið liggur því frammi á Miðstöð öldrunarþjónustu, Skólastíg 14 Stykkishólmi. Áhugasömum er bent á að næla sér í eintak þar. Sjöunda tölublað kom út í dag, 2. nóvember.

Sunnudaginn 8. október sl. var formleg opnun á Miðstöð öldrunarþjónustu og bauð miðstöð öldrunarþjónustu í því tilefni til grillveislu að Skólastíg 14. Veislan heppnaðist vel og var margt um manninn. Í veislunni var nafnasamkeppni fyrir miðstöðina sett í loftið sem stóð opin í viku og gafst þá fólki kostur á því að leggja fram tillögur að nöfnum. Í kjölfarið tók þar til gerð nefnd við boltanum og valdi úr fimm álitlegustu tillögurnar og efndi til kosninga þeirra á milli.

18. fundur bæjarstjórnar Stykkishólms fer fram fimmtudaginn 2. nóvember kl. 17:00 í bæjarstjórnarsal. Smelltu á hnappinn hér að neðan til að kynna þér dagská fundar.

Hrekkjavakan verður haldin víðsvegar um heim þriðjudaginn 31. október en hátíðin fer sífellt vaxandi hér á landi. Á hrekkjavöku er hefð fyrir því að börn klæði sig upp í búning og gangi í hús í leit að sælgæti. Foreldrafélag Grunnskólans í Stykkishólmi stendur fyrir hrekkjavökugöngu í Hólminum og hvetur fjölskyldur og vini til að ganga í hús á milli kl. 17:30 og 19:30 þriðjudaginn 31. október og safna sér sælgæti. Gegnið verður út frá þeirri reglu að börn megi banka upp á þar sem hús hafa verið skreytt eða merkt í tilefni af hrekkjavökunni.

Vikuna 16.-20. október var hin árlega félagsmiðstöðva- og ungmennahúsavika Samfés hladin víðsvegar um land. Af þessu tilefni  skipulögðu tveir ungir skákáhugamenn taflmót fyrir bæði miðstig og efsta stig Grunnskólans og sáum þér alfarið um að safna vinningum og stýra mótinu. Þetta voru þeir Hjalti Jóhann Helgason, nemandi í 10. bekk, og Stefán Karvel Kjartansson, nemandi í 9. bekk. Eru þeim færðar þakkir fyrir þeirra framlag til viðburðahalds fyrir ungmenni sem sækja félagsmiðstöðina. Jafnframt var foreldrum boðið að fylgjast með og buðu ungmennin upp á heitar vöfflur og kakó.

Dagana 26 .- 29. október fer fram óskahelgi í Stykkishólmi en þá bjóða Hólmarar til veislu fyrir öll skilningarvit. Meðal þess sem finna má á dagskrá helgarinnar er miðnætursund, flot, hugleiðsla, tónheilun, jóga, sýningar, sjósund, hlaup, matur og náttúruupplifanir. Það er félag atvinnulífs í Stykkishólmi sem stendur fyrir óskahelginni. Hér að neðan má sjá dagskránna:

Grenndargámar hafa nú verið settir upp á þremur stöðum í Stykkishólmi. Í gámana má skila málmi, gler og textíl til endurvinnslu en gámarnir eru staðsettir við Skúlagötu, Lágholt og Búðanes. 

Bólusetningar við inflúensu og Covid-19  standa nú yfir á heilsugæslunni í Stykkishólmi. Heilsugæslan greinir frá þessu á facebooksíðu sinni. En þar segir að inflúensubólusetningar séu eingöngu fyrir forgangshópa til að byrja með.

Miðstöð öldrunarþjónustu kallaði nýverið eftir tillögum að nafni á miðstöðina. Opnað var fyrir tillögur í grillveislu sem haldin var að Skólastíg 14 sunnudaginn 8. október. Bauðst fólki þá að senda inn tillögur að nafni til sunnudagsins 15. október. Þá tók þar til gerð nefnd við boltanum og hefur nú valið úr fimm álitlegustu tillögurnar sem fólki stendur nú til boða að kjósa á milli.