Fréttasafn

Snæfell fær Hamar í heimsókn í fjórða leik liðanna í 8 liða úrslitum 1. deildar, miðvikudaginn 9. apríl. Leikurinn fer fram í íþróttamiðstöð Stykkishólms kl. 19:15. Hamborgarasala hefst kl. 18:45 og því tilvalið fyrir alla fjölskylduna að taka kvöldverðinn í stúkunni. Stúkan var full á síðasta heimaleik Snæfells og mikil stemmning í húsinu.

Samband Sveitarfélaga á Vesturlandi efnir til Barnamenningarhátíðar Vesturlands 2025 næsta haust. Af því tilefni er leitað til skapandi krakka á Vesturlandi og þau beðin um að senda inn hugmyndir að nafni á hátíðina. Heitið má vera fyndið, frumlegt eða bara algjör snilld! Gott væri ef það myndi á einhvern hátt endurspegla Vesturland.

Leikskólinn í Stykkishólmi minnir á að umsóknir um leikskólavistun að hausti 2025 þurfa, samkvæmt skráningar- og innritunarreglum, að hafa borist fyrir 1. maí nk. Umsóknareyðublöð má nálgast í leikskólanum og á Íbúagátt Sveitarfélagsins Stykkishólms. Úthlutun leikskólaplássa fer fram í maí.

Snæfell fær Hamar í heimsókn í öðrum leik liðanna í 8 liða úrslitum 1. deildar þriðjudaginn 1. apríl. Leikurinn fer fram í íþróttamiðstöð Stykkishólms kl. 19:15. Hamborgarasala hefst kl. 18:45 og því tilvalið að taka kvöldverðinn í stúkunni.

Sveitarfélagið Stykkishólmur auglýsir laust til umsóknar 100% starf verkefnastjóra framkvæmda og eigna sveitarfélagsins. Leitað er eftir öflugum og drífandi einstaklingi sem sýnir metnað og frumkvæði í starfi. Æskilegt er að viðkomandi geti hafið störf sem fyrst eða eftir nánara samkomulagi.

Sveitarfélagið Stykkishólmur óskar eftir að ráða sundlaugarvörð (konu) til sumarafleysinga í íþróttamiðstöð Stykkishólms. Um er að ræða tímabundna 100% sumarafleysingu. Umsækjendur þurfa að hafa náð 18 ára aldri.

Símakerfið í Ráðhúsinu í Stykkishólmi liggur niðri eins og er. Unnið er að því að koma kerfinu í lag en á meðan er bent á netfangið stykkisholmur@stykkisholmur.is

Rafmagni í Stykkishólmi og nágrenni sló út á tíunda tímanum nú í morgun. Í tilkynningu á vef Rarik kemur fram að verið sé að leita að bilun.

34. fundur bæjarstjórnar Stykkishólms fer fram fimmtudaginn 27. mars kl. 17:00 í bæjarstjórnarsal. Smelltu á hnappinn hér að neðan til að kynna þér dagská fundar.

Opið hús vegna deiliskipulagstillagna fyrir Hamraenda og Kallhamar og vinnslu tillögur vegna breytinga á Aðalskipulagi Stykkishólms 2002-2022 verður haldið á Amtsbókasafninu í Stykkishólmi, þriðjudaginn 25. mars 2025 kl. 16.00-18.00. Skipulagshönnuður verður á svæðinu.