Atvinnu- og nýsköpunarnefnd (SH)

Bágborið ástand þjóðvega á Snæfellsnesi tekið fyrir á 33. fundi bæjarstjórnar, 27. febrúar sl. Lögð er fram ályktun bæjarstjórnar vegna hættuástands þjóðvega á Snæfellsnesi.

Lagðar eru fram umsagnir og athugasemdir eftir kynningu vinnslutillögu fyrir Agustsonreit. Vinnslutillaga aðalskipulagsbreytingar í samræmi við 2. mgr. 30. gr. skipulagslaga og deiliskipulagstillögu í samræmi við 4. mgr. 40 gr. skipulagslaga, var í kynningu frá 7. febrúar til og með 7. mars sl. Tillögur bárust frá lögbundnum umsagnaraðilum og frá íbúum í nágrenni skipulagssvæðisins. Athugasemdir og umsagnir og drög að svörum voru kynntar fyrir nefndarmönnum skipulagsnefndar á 28. fundi nefndarinnar.

Lögð fram skipulagsgögn vegna vinnu við ný deiliskipulög fyrir Kallhamar og Hamraenda. Skipulagsnefnd óskaði, á 25. fundi sínum, eftir því að skipulagshönnuður og VSÓ ráðgjöf ljúki við skipulagsgögn, þ.m.t. greinargerð og umhverfisskýrslu, í samræmi við umræður á fundinum. Bæjarráð staðfesti afgreiðslu skipulagsnefndar á 27. fundi sínum. Skipulagshönnuður kom til fundar og gerði grein fyrir fyrirliggjandi vinnu skipulagshönnuðar og VSÓ á 26. fundi skipulagsnefndar. Nefndin taldi þær áherslur sem fram komu í þeim gögnum sem lágu fyrir fundinum og þau áform sem kynnt voru fyrir nefndinni í samræmi við áherslur nefndarinnar. Lögð eru fram uppfærð skipulagsgögn, í samræmi við framangreint. Skipulagsnefnd samþykkti, á 27. fundi sínum, að kynna fyrirliggjandi vinnslutillögur að deiliskipulagi fyrir annars vegar Hamraenda og hins vegar Kallhamar, sbr. 4. mgr. 40. gr. skipulagslaga, samhliða því að kynnt verði vinnslutillaga að breytingu á Aðalskipulagi Stykkishólms 2002-2022 vegna stækkunar athafnarsvæðis við Hamraenda og grænna iðngarða við Kallhamar, sbr. 2. mgr. 30. gr. skipulagslaga Bæjarráð staðfesti, á 30. fundi sínum, afgreiðslu skipulagsnefndar og vísaði málinu til afgreiðslu í bæjarstjórn.



Bæjarstjórn samþykkti samhljóða að kynna fyrirliggjandi vinnslutillögur að deiliskipulagi fyrir annars vegar Hamraenda og hins vegar Kallhamar, sbr. 4. mgr. 40. gr. skipulagslaga, samhliða því að kynnt verði vinnslutillaga að breytingu á Aðalskipulagi Stykkishólms 2002-2022 vegna stækkunar athafnarsvæðis við Hamraenda og grænna iðngarða við Kallhamar, sbr. 2. mgr. 30. gr. skipulagslaga.

Lögð fram niðurstaða í útboði Vegagerðarinnar um rekstur Breiðafjarðarferju 2025-2028.

Lagt fram frumvarp til laga um sýslumann sem er til meðferðar hjá allsherjar- og menntamálanefndar Alþingis. Í frumvarpinu er lagt til að landið verði gert að einu þjónustuumdæmi. Markmiðið með sameiningu má í grófum dráttum flokka í þrennt. Í fyrsta lagi að gera þjónustu við almenning eins góða og hægt er. Í öðru lagi að hámarka nýtingu þess fjármagns sem ráðstafað er til reksturs sýslumanns og verkefna hans. Í þriðja lagi að vinna markvisst að þeim markmiðum sem stefnt er að í byggðaáætlun og stefnuáherslu ríkisstjórnar, þar á meðal að efla og standa vörð um grunnþjónustu hins opinbera.

Lögð fram drög að frumvarpi til laga um breytingu á lögum um veiðigjald, nr. 145/2018 (Mál nr. S-62/2025), sem atvinnuvegaráðuneyti kynnti til samráðs og umsagnar 25. mars til 3. apríl 2025, ásamt umsögn sveitarfélagsins. Þá eru lögð fram umsögn stjórnar Samtaka sjávarútvegssveitarfélaga við drög að frumvarpi um breytingar á veiðigjaldi, en með umsögninni er einnig samantekt gagna frá KPMG og bókun stjórnar, ásamt umsögn Samtaka sveitarfélaga á Vesturlandi.

Á St.Franciskusspítala í Stykkishólmi er starfrækt háls- og bakdeild sem annast greiningu og meðferð háls- og bakvandamála og þjónustar allt landið, en á deildinni starfa, sjúkraþjálfarar, hjúkrunarfræðingur og aðrir starfsmenn. Um er að ræða mikilvæga þjónustu fyrir landsmenn alla og þar með gegnir deildin þýðingarmiklu þjóðhagslegu hlutverki, ásamt því að vera mikilvægur vinnustaður í Stykkishólmi. Í ljósi mikilvægi deildarinnar fyrir land og þjóð er nauðsynlegt að tryggja deildinni viðeigandi aðbúnað og fjármuni þannig að deildin geti oxið og dafnað landinu til heilla.

Störf á vegum ríkisins í Stykkishólmi voru tekin til umræðu á 4. fundi atvinnu- og nýsköpunarnefndar. Atvinnu- og nýsköpunarnefnd krafðist þess að ríkið standi vörð um störf á vegum ríkisins í Stykkishólmi en þeim hefur fækkað á síðustu 10 árum þrátt fyrir að ríkisstörfum hafi fjölgað á Vesturlandi sem og á landsvísu. Nefndin taldi ljóst að ríkið hafi ekki staðið sig sem skyldi í að fjölga ríkisstörfum á landsbyggðinni, a.m.k. ekki í Stykkishólmi. Vísaði nefndin að öðru leyti til fyrri ályktana og umsagna sveitarfélagsins vegna þessa. Bæjarstjórn staðfesti, 30. fundi sínum, afgreiðslu atvinnu- og nýsköpunarnefndar.



Til fundar við atvinnu- og nýsköpunarnefnd mæta Páll S. Bryjanrsson og Vífill Karlsson frá Samtökum sveitarfélaga á Vesturlandi til að ræða þróun starfa á vegum ríkisins í sveitarfélaginu.

Lagt fram skilabréf starfshóps um eflingu atvinnulífs í Stykkishólmi ásamt lokaskýrslu þar sem tíundaðar eru tillögur hópsins atvinnulífi í Stykkishólmi til framdráttar. Á 4. fundi atvinnu- og nýsköpunarnefndar benti nefndin á að starfshópur um eflingu atvinnulífs í Stykkishólmi skilaði af sér skýrslu árið 2022. Þar sem m.a. er lögð áhersla á frekari nýtingu svæðisbundinna náttúruauðlinda á sjálfbæran hátt og það verði gert með því að efla rannsóknir á lífríki sjávar. Til þess verði stofnað Þekkingar- og rannsóknarsetur við Breiðafjörð sem hafi það að meginmarkmiði að stuðla að auknu klasasamstarfi einstaklinga, atvinnulífs, stofnana og opinberra aðila þannig að stuðla megi að jákvæðri samfélags- og byggðaþróun á svæðinu, byggða á svæðisbundnum styrkleikum. Í sama streng tekur stýrihópur um framtíð verndarsvæðis Breiðafjarðar í skýrslu frá júní 2024. Atvinnu- og nýsköpunarnefnd fagnaði stuðningi Háskóla-, iðnaðar- og nýsköpunarráðherra við verkefnið og lagði áherslu á mikilvægi þess að það verði stofnað á vormánuðum 2025 í samræmi við stuðning ráðuneytisins þar um. Bæjarstjórn staðfesti, á 30. fundi sínum, afgreiðslu atvinnu- og nýsköpunarnefndar.

Á 2. fundi bæjarráðs sveitarfélagsins var lagður fram tölvupóstur frá forstjóra Heilbrigðisstofnunar Vesturlands þar sem greint er frá áhyggjum af mönnun yfirlæknisstöðu heilsugæslusviðs á Snæfellsnesi, en ekki bárust umsóknir í stöðuna sem var auglýst í tvígang árið 2020. Á fundinum lagði bæjarráð áhrslu á mikilvægi þess að auglýst sé eftir yfirlækni til starfa við heilsugæsluna og sjúkrahúsið í Stykkishólmi og í framhaldi af því eða á sama tíma séu auglýstar stöður heimilislækna með starfstöðvar í öðrum þéttbýliskjörnum á Snæfellsnesi. Ljóst er að sífellt erfiðara er að manna stöður heilbrigðisstarfsfólks, m.a. stöðu lækna og hjúkrunarfræðinga, og í því ljósi er mikilvægt að fara yfir stöðu á skipulagi og mönnun heilsugæslu- og bráðaþjónustu á starfssvæði HVE á svæðinu. Þá er að nýju lögð fram tillaga að eflingu HVE í Stykkishólmi.

Tekið til umræðu staða löndunarþjónustu við Stykkishólmshöfn í sumar.