Bæjarráð

Lögð fram 255. fundargerð skipulags- og bygginganefndar.

Lögð fram 17. fundargerð afgreiðslufunda byggingarfulltrúa.

Lögð fram 18. fundargerð ungmennaráðs Stykkishólmsbæjar.

Lögð fram 187. fundargerð skóla- og fræðslunefndar.

Lögð fram fundargerð 902. fundar stjórnar Sambands íslenskra sveitarfélaga, sem haldinn var föstudaginn 29. október sl.

Lagðar fram fundargerðir hlutahafafunda Jeratúns ehf. frá ágúst og september sl.

Lagt fram erindi frá Brunabótafélagi Íslands þar sem fram kemur að á síðasta aðalfundi fulltrúaráðs EBÍ hafi verið samþykkt að áfram muni hluti hagnaðar af starfsemi félagsins vera greiddur út til aðildarsveitarfélaganna í formi ágóðahlutar.

Lögð fram fundargerð Haustþings SSV 2021 var haldið í Árbliki í miðvikudaginn 10. nóvember.

Þar voru m.a. saman komnir fulltrúar sveitarfélaganna á Vesturlandi, starfsfólk SSV, Þórdís KolbrúnR. Gylfadóttir, ferðamála, iðnaðar og nýsköpunarráðherra, Bjarni Júlíusson fyrir hönd IceFuel, Einar Mathiesen framkvæmdastjóri vindorku og jarðvarmasviðs hjá Landsvirkjun og Gnýr Guðmundsson, verkefnisstjóri hjá Landsneti.

Hrafnhildur Hallvarðsdóttir, Lárus Ástmar Hannesson, Jakob Björgvin Jakobsson og Erla Friðriksdóttir sóttu fundinn fyrir hönd Stykkishólmsbæjar. Þema fundarins voru orkumál.

Lögð fram 123. fundargerð stjórnar Félags- og skólaþjónustu Snæfellinga.

Lagt fram starfsleyfi sem Umhverfisstofnun veitir Stykkishólmsbæ vegna móttöku og meðhöndlunar úrgangs í landi við Ögursveg. Leyfið gildir til 11. nóvember 2037.

Kristín Þorleifsdóttir, sviðsstjóri umhverfis- og skipulagssviðs, gerir grein fyrir stöðu máls, þeirri vinnu sem innt hefur verið af hendi og næstu skrefum í samræmi við fyrirliggjandi gögn.

Lögð er fram umsókn um framkvæmdarleyfi vegna útlistbreytingar á húsi við Aðalgötu 7, Hótel Fransiskus. Útlitsbreytingin fel í skiptingu á klæðningu á turni kapellunnar og efri hæð á suðurhluta byggingarinnar sbr. meðfylgjandi teikningu. Klætt verður með 2mm þykkum PVDF húðuðum álplötum í ljósum lit svipuðum þeim lit sem er á núverandi veggjum hússins.

Skipulags- og byggingarnefnd taldi, á 255. fundi sínum, að um sé að ræða óverulegar breytingar sbr. 2.3.4. gr. í byggingarreglugerð nr. 112/2012 og gerir ekki athugasemdir við fyrirhugaða framkvæmd með fyrirvara um jákvæða umsögn Minjastofnunar vegna hugsanlegs minjagildis byggingarlistar.

Lögð er fram umsókn Jóns Sævars Baldurssonar um leyfi fyrir byggingu bílskúrs við
Sjávarflöt 6, sem verður samtengdur núverandi einbýlishúsi. Auk nýs bílskúrs hyggst
eigandi einnig breyta núverandi útliti hússins með því að klæða það með báru og breyta jafnframt útliti glugga. Skipulagi innanhúss verður einnig breytt.

Þar sem ekki er til deiliskipulag fyrir svæðið, vísaði byggingarfulltrúi erindinu til
afgreiðslu í Skipulags- og byggingarnefnd.

Skipulags- og byggingarnefnd samþykkti, á 255. fundi sínum, að grenndarkynna fyrirhuguð áform fyrir eigendum Vallarflatar 3 og 5 of Sjávarflatar 4,5,7 og 8 í samræmi við 44. gr. skipulagslagna nrþ 132/2010.

Á 630. fundi bæjarráðs vísaði bæjarráð umsögnum fastanefnda Stykkishólmsbæjar vegna umferðaröryggisáætlunar ásamt breytingartillögu frá umhverfis- og náttúruverndarnefnd til meðferðar í skipulags- og byggingarnefnd.

Umsagnir fastanefnda Stykkishólmsbæjar vegna umferðaröryggisáætlunar ásamt breytingartillögu frá umhverfis- og náttúruverndarnefnd voru lagðar fyrir 255. fund skipulags- og bygginganefndar.

Skipulags og byggingarnefnd tók undir breytingartillögu umhverfis- og
náttureverndarnefndar, en benti á að hraðatakmarkandi aðgerðir sem hafa nú þegar verið gerðar, sýni góðan árangur og því sé ekki þörf á að lækka hámarkshraða fyrir utan Frúarstíg og Skólastíg að Hafnagötu, sem nefndin leggur til að verði breytt í 15km vistgötu.

Skipulags- og byggingarnefnd lagði einnig til breytingu á umferðaröryggisáætlun sem felur í sér að koma fyrir gangstíg úr timbri meðfram smábátabryggju til móts við Súgandisey í stað gangstéttar. Nefndin felur skipulagsfulltrúa að koma þeim breytingum á framfæri við VSÓ.

Í kafla 3.6 í Umferðaröryggisáætlun Stykkishólmsbæjar er fjallað um að víða sé hættuástand meðfram Súgandiseyjargötu og sérstaklega bent á hættur meðfram Baldursbryggju.

Lo¨gð eru fram dro¨g að tveimur u´tfærslum að sti´g meðfram Baldursbryggju sunnan Su´gandiseyjar. Um er að ræða samstarfsverkefni Stykkisho´lmsbæjar og Vegagerðarinnar.

Skipulags- og byggingarnefnd tók, á 255. fundi sínum, vel í hugmyndir að stíg meðfram Baldursbryggju og vísar þeim til umfjöllunar í Hafnarstjórn.

Lögð er fram til afgreiðslu tillaga að deiliskipulagi miðbæjar austan Aðalgötu.

Reiturinn afmarkast af Aðalgötu og Víkurgötu til vesturs, Austurgötu til norðurs og lóðarmörk húsa við Skúlagötu til austurs. Svæðið er um 1,7 ha að stærð og að mestu fullbyggt. Markmið tillögunnar að skilgreina nýjar lóðir og byggingarreiti sem styrkja gömlu byggðina sem fyrir og einstaka bæjarmynd.

Deiliskipulagstillagan var auglýst frá 19. maí sl. með athugasemdafrest til og með 30. júní, samkvæmt 41. gr. skipulagslaga nr. 123/2010. Athugasemdir bárust frá eftirtöldum aðilum: Heimi Laxdal Jóhannssyni; Mílu ehf./Svanur Baldursson og Marz Sjávarafurðum/Erlu Björg Guðrúnardóttur; Hjalta Steinþórssyni; Sigurbjarti Loftssyni; og Y´suheiði ehf./Gesti Hólm.

Á fundi skipulags- og byggingarnefndar 19. júlí s.l. var farið yfir athugasemdirnar og tekin afstaða til þeirra. Málinu var síðan vísað til frekari úrvinnslu. Á fundinum var einnig lögð fram tillaga að breytingu á gildandi deiliskipulagi fyrir miðbæinn þar sem að gamla kirkjan er felld út og hún færð innan marka þessarar skipulagstillögu (sbr. uppdrætti, skilmála og greinagerð frá Bæring Bjarnari Jónssyni, arkitekt).

Á 254. fundi 13. september sl. lagði skipulags- og byggingarnefnd til við bæjarstjórn að deiliskipulagstillagan verði samþykkt með breytingum vegna athugasemda sem bárust á innan athugasemdafrests:

- Byggingarreitur á lóð merkt Víkurgata 1a er færður til á lóð.
- Byggingarreitur fyrir bílskúr á lóð Víkurgötu 5 er færður aftar á lóð.
- Kvaðir verða á lóðum vegna lagnaleiða.
- Gönguleið upp á Sýslumannshól færist yfir á lóð Aðalgötu 7a, í stað áður á lóð Austurgötu 4a.
- Lóðin Víkurgata 7 breytist og stækkar og snúningsstæði við götu fellur út.
- Bætt verði við bílastæði við Aðalgötu 7.

Á 631. fundi bæjarráðs fól ráðið skipulagsfulltrúa að kanna frekar möguleika á minniháttar breytingum vegna athugasemda sem borist höfðu á auglýsingartímanum og vísaði nefndin erindinu til næsta bæjarráðfundar.

Lögð er fram uppfærð tillaga að deiliskipulagi miðbæjar austan Aðalgötu þar sem gerðar eru eftirfarandi minniháttar breytingar:

- Byggingarreit við Aðalgötu 5a er snúið og hluti hans sem áður var á lóð Aðalgötu 5 er aflagður.
- Bílskúrsreitur við Víkurgötu 3 er færðar ofar í lóð.
- Innkeyrsla að Víkurgötu 5 og Víkurgötu 1a er þrengd og einu bílastæði bætt við á bæjarlandi.
- Bílskúrsreitur við Víkurgötu 3 er færður örlítið aftar í lóð.
- Lóðarmörk milli Víkurgötu 3 og 5 eru færð örlítið til.
- Lóðarmörk milli Austurgötu 6 og Skúlagötu 2 eru færð örlítið til.

Skipulags- og byggingarnefnd telur að tillagan sé óbreytt í grundvallaratriðum og þarfnist ekki auglýsingar á nýjan leik, sbr. 4. mgr. 41. gr. skipulagslaga. Skipulags- og byggingarnefnd leggur til við bæjarstjórn að deiliskipulag miðbæjar austan við Aðalgötu verði samþykkt með þeim minniháttar breytingum sem gerðar hafa verið til þess að koma til móts við athugasemdir og ábendingar sem bárust á kynningartíma og felur skipulagsfulltrúa að senda viðeigandi gögn til yfirferðar Skipulagsstofnunar skv. 42. gr. skipulagslaga nr. 123/2010 og birta í framhaldinu auglýsingu um samþykkt deiliskipulagsins í B-deild Stjórnartíðinda. Jafnframt leggur skipulags- og byggingarnefnd til við bæjarstjórn að svör við efni athugasemda og umsagna verði staðfest.

Anna Sigríður Gunnarsdóttir og Anna Ingibjörg Hallgrímsdóttir óska eftir leyfi fyrir uppsetningu saunatunnu við bráðabirgðaaðstöðu Sjósundfélags Stykkishólms sem liggur í landi Stykkishólmsbæjar við Móvík.

Skipulags- og byggingarnefnd samþykkti, á 255. fundi sínum, fyrir sitt leyti að veita tímabundið leyfi fyrir saunatunnu við aðstöðu sjósundsfélagsins í Móvík með fyrirvara um athugasemdir byggingarfulltrúa og samþykki bæjarráðs.

Fulltrúar frá Bríet ehf. koma til fundar við bæjarráð.

Lögð fram ástandsskýrsla fyrir Samkomuhúsið, Aðalgötu 6. Skýrslan er unnin af Verksýn að beiðni Stykkishólmsbæjar og gefin út 22. október 2021.

Skv. skýrslu er ljóst að ástand hússins er mjög slæmt og margir óvissuþættir varðandi hvernig ástand byggingarhluta er og einnig hvernig framtíðar- innra skipulag hússins á að vera m.t.t. notkunar og því er ógjörningur að vita kostnað við t.d. raflagnir, pípulagnir, tæki eða önnur frágangsefni s.s. gólfa, veggja og lofta.

Niðurstaða Verksýnar, sem sérhæfir sig í ráðgjöf vegna viðhalds og endurbóta á mannvirkjun, er að heppilegast sé að rífa húsið, byggja upp nýja sökkla og botnplötu og byggja nýtt hús í upprunalegri mynd.

Skólastjóri Gunnskólans í Stykkishólmi, Berglind Axelsdóttir, og Ragnar Ingi kynntu fyrir skóla- og fræðslunefnd, á 187. fundi nefndarinnar, tillögur húsnæðisnefndar sem skólastjóri skipaði.

Var það mat húsnæðisnefndar að alltaf myndi vanta eina stofu þó svo að allar framkomnar lausnir innanhúss væru teknar til greina, auk kennslurýmis í bókasafni (sem er núna nýtt til bráðabirgða). Slíkt myndi ekki leysa húsnæðisvanda skólans til framtíðar. Kennsluhættir eru orðnir fjölbreyttari en áður var og það kallar á meira rými en áður.

Sigrún, leikskólastjóri, gerði á 187. fundi skóla- og fræðslunefndar grein fyrir umsókn um ytra mat á leikskólanum í Stykkishólmi.

Skóla- og fræðslunefndi samþykkti að Leikskólinn í Stykkishólmi sæki um þátttöku í ytra mati Menntamálastofnunar árið 2022, sbr. Lög nr. 910/2008 um leikskóla og gildandi reglur um mat og eftirlit.

Lögð eru fram drög að umsókn ásamt auglýsingu menntamálastofnunnar varðandi málið.

Lögð fram tillaga um samþykki Stykkishólmsbæjar um einfalda ábyrgð sveitarfélagsins á lántöku Félags- og skólaþjónustu Snæfellinga bs. þar sem sveitarfélagið skuldbindur sig til þess að taka að sér þær skuldbindingar sem greinir í lánsamningi vegna láns Félags og skólaþjónustu Snæfellinga frá Lánasjóði sveitarfélaga í samræmi við bókun 123. fundar stjórnar Félags- og skólaþjónustu Snæfellinga bs., ásamt undirritaðri yfirlýsingu Stykkishólmsbæjar og fundargerð 123. fundar stjórnar Félags- og skólaþjónustu Snæfellinga bs.

Lögð fram umsögn Stykkishólmsbæjar, dags. 28. júlí 2021, sem send var í opið umsagnarferli Landsnets vegna kerfisáætlunar 2021-2030, ásamt viðbrögðum Landsnets við umsögn Stykkishólmsbæjar.

Bæjarstjórn samþykkti, á 402. fundi sínum, tillögur leikskólastjórnenda um opnanir milli jóla og nýárs, dimbilviku og aðdraganda sumarleyfa.

Lagt er fram bréf leikskólastjóra til bæjarráðs.

Auglýst var eftir styrkumsóknum frá einstaklingum og fyrirtækjum í samræmi við reglur Stykkishólmsbæjar um styrkveitingar frá 27. september til 4. október sl. Alls bárust 11 umsóknir sem lagðar eru fram.

Lagðar eru fram gjaldskrár Stykkishólmsbæjar 2022, eins og þær voru samþykktar á 403. fundi bæjarstjórnar þar sem þeim var vísað til síðari umræðu í bæjarstjórn. Gjaldskrár taka mið af fyrirliggjandi forsendum og markmiðum við gerð fjárhagsáætlunar sem samþykkt voru á 402. fundi bæjarstjórnar.

Lögð fram til seinni umræðu fjárhagsáætlun ársins 2022 ásamt þriggja ára áætlun áranna 2023-2025.

Bæjarráð samþykkti, á 632. fundi sínum, fjárhagsáætlun Stykkishólmsbæjar ársins 2022 ásmat þriggja ára áætlun árana 2023-2025. Bæjarráð vísaði fjárhagsáætlun til fyrri umræðu í bæjarstjórn.

Bæjarstjórn samþykkti framlagða fjárhagsáætlun fyrir árið 2022 og þriggja ára áætlun fyrir tímabilið 2023-2025 og vísaði henni til frekari umfjöllunar í bæjarráði og til síðari umræðu í bæjarstjórn.

Lögð fram beiðni Ingveldar Eyþórsdóttur um framlengda úthlutun lóðar, Móholt 14-16, á grundvelli formsgalla og skorts á upplýsingagjöf við lóðarúthlutun.