Bæjarráð

Lögð fram 6. fundargerð stjórnar Náttúrustofu Vesturlands.

Lögð fram 6. fundargerð æskulýðs- og íþróttanefndar.

Lögð fram 28. fundargerð skóla- og fræðslunefndar.

Lögð fram 45. fundargerð skipulagsnefndar.

Lögð fram nýjasta fundargerð Sambands íslenskra sveitarfélaga.

Lagt fram erindi frá Golfklúbb Grundarfjaðar þar sem óskað er eftir samstarfi við markaðsetningu golfvalla á öllu Snæfellsnesi.

Lagt fram minnisblað mannauðs- og launafulltrúa Sveitarfélagsins Stykkishólms varðandi úthlutunarreglur búseturéttaríbúða.

Lagðar fram styrkumsóknir sem bárust á auglýstum umsóknartíma fá 16. september til 8. október.

Lögð farm umsókn um námsstyrk í samræmi við reglur sveitarfélagsins þar um.

Lagður fram uppdráttur sem sýnir staðsetningu fyrir listaverk til heiðurs Júlíönu skáldkonu sem fyrirhugað er að setja upp á næsta ári.

Lögð fram deiliskipulagsbreyting fyrir Reitarveg 10-12 þar sem óskað er eftir að auglýsa breytingu á deiliskipulagi Reitarvegar vegna nr. 10-12, skv. 1. mgr. 43. gr. skipulagslaga nr. 123/2010.



Skipulagsnefnd samþykkti, á 45. fundi sínum, að auglýsa breytingu á deiliskipulagi Reitarvegar 10-12 skv. 1. mgr. 43. gr. skipulagslaga nr. 123/2010 með fyrirvara um að aðrir lóðarhafar hafi ekki áhuga á að taka þátt í breytingum.

Lögð fram merkjalýsing að uppskiptingu landeignar. Skipt er út einni landspildu úr landi Saura L136954 og fær hún nafnið Kjarrhólmar. Ekki er til deiliskipulag af svæðinu. Merkjalýsingin er unnin skv. aðalskipulagi Helgafellssveitar 2012-2022. Stærð spildunar er 42.322,4 fermetrar (4,23 ha). Stærð Saura er 136,6 ha og minnkar um 4,23 ha eftir uppskiptingu og verður 132,37 ha.



Skipulagsnefnd samþykkti erindið á 45. fundi sínum.

Tekin til umræðu endurskoðun á deiliskipulagi Víkurhverfis. Á 44. fundi nefndarinnar gerði skipulagshöfundur Víkurhverfis grein fyrir núgildandi deiliskipulagi Víkurhverfis og aðra þéttingarreiti í sveitarfélaginu. Skipulagsfulltrúa var falið að vinna málið áfram með skipulagshönnuði.



Skipulagsfulltrúi óskaði á 45. fundi skipulagsnefndar eftir hugmyndum frá nefndinni um breytinguna.



Skipulagsnefnd fól skipulagsfulltrúa til að koma hugmyndum áleiðis til skipulagshöfundar og vinna málið áfram með honum.

Á 45. fundi skipulagsnefndar var lagt fram til afgreiðslu umferðaröryggismál við Borgarbraut.



Skipulagsfulltrúi lagði fram til umræðu umferðaröryggismál við Borgarbraut við Flata- og Víkurhverfi. Enn fremur voru kynnt önnur svæði þar sem tillögur frá VSÓ um hraðatakmarkandi aðgerðir liggja fyrir. Skipulagsnefnd fór yfir málið og fól skipulagsfulltrúa að vinna nánar með umferðaröryggismál almennt í sveitarfélaginu. Samhliða verði útfærsla við Nesveg skoðuð.

Lagður fram ársreikningur Náttúrustofu Vesturlands 2025.

Stjórn Náttúrustofu Vesturlands samþykkti ársreikninginn á 6. fundi sínum.

Sturtuklefar á neðri hæð Íþróttamiðstöðvar Stykkishólms voru til umræðu á 3. fundi bæjarstjórnar unga fólksins.



Bæjarstjórn unga fólksins lagði til að laga vatnsþrýsting og sturtuaðstöðu á neðri hæð íþróttahússins, þar sem vatn dreyfist illa og með litlum þrýstingi.



Bæjarráð tók, á 43. fundi sínum, undir afgreiðslu 3. fundar bæjarstjórnar unga fólksins og benti á að í fjárhagsáætlun 2026 er gert ráð fyrir endurbótum á sturtuklefum á neðri hæð. Að öðru leyti vísaði bæjarráð málinu til umfjöllunar í æskulýðs- og íþróttanefnd.



Ráðist var í endurbætur á sturtuaðstöðunni sl. sumar.



Íþrótta- og tómstundafulltrúi, fór yfir framkvæmdir á neðri hæð íþróttamiðstöðvar á 6. fundi íþrótta- og æskulýðsnefndar. Búið er að laga sturtuaðstöðuna að hluta en þó vantar að laga hirslur og uppsetningu á handklæðarekkum ásamt fleiru. Einnig var rætt um sturtuklefana uppi þar sem gera þarf breytingar á handklæðahirslum. Nefndin skoraði á bæjarstjórn að handklæðahirslur verði settar upp og endurnýjaðar í klefum.

Á 25. fundi skóla- og fræðslunefndar var tekið til umfjöllunar nýting á tómstundarhúsnæði við Íþróttamiðstöð (Regnbogaland) m.t.t. notkunar fyrir eldri nemendur og X-ið.



Rætt var um nýtingu tómstundarhúsnæðisins við Íþróttamiðstöð. Forskóli Tónlistarskóla Stykkishólms nýtir húsnæðið nú til kennslu. Einnig var rætt um mögulega nýtingu húsnæðisins að lokinni starfsemi Regnbogalands, meðal annars fyrir dagopnun félagsmiðstöðvar og/eða starfsemi píludeildar Snæfells.



Skóla- og fræðslunefnd vísaði áframhaldandi umræðu um notkun húsnæðisins til æskulýðs- og íþróttanefndar.



Bæjarráð staðfesti, á 43. fundi sínum, afgreiðslu skóla- og fræðslunefndar.



Íþrótta- og tómstundafulltrúi gerði grein fyrir málinu á 6. fundi æskulýðs- og íþróttanefndar. Ýmsar hugmyndir hafa komið upp varðandi nýtingu á húsnæðinu eftir lokun Regnbogalands. Að mati nefndarinnar yrði þaðfrábær viðbót við annað tómstundastarf ef hægt væri að bjóða upp á dagopnun í X-inu frá 16 - 18 og nýta þar Regnbogaland. Með því væru meiri líkur á því að iðkendur Snæfells komi inn á milli æfinga o.þ.h. Góð mæting hefur verið í félagsmiðstöðina hingað til en alltaf hægt að gera betur.



Nefndin vill vísa hugmyndinni áfram til forsvarsmanna Regnbogalands hvort möguleiki sé á því að samnýta húsið m.t.t. búnaðar sem þarf að forfæra. Möguleiki væri að hafa lágmarksbúnað í Regnbogalandi fyrir félagsmiðstöðina. Ef þetta yrði að veruleika þarf að hafa í huga að Sveitarfélagið þyrfti að ráða tvo starfsmenn í starfið.

Málefni knattspyrnuvallar og stúku voru tekin til umræðu á 3. fundi bæjarstjórnar unga fólksins.



Bæjarstjórn unga fólksins hvatti bæjaryfirvöld til þess að auka viðhald á knattspyrnuvelli sveitarfélagsins og einnig að auka viðhald á stúkunni sem stendur við völlinn.



Bæjarráð tók, á 43. fundi sínum, undir afgreiðslu 3. fundar bæjarstjórnar unga fólksins og vísaði málinu til umfjöllunar í æskulýðs- og íþróttanefnd.



Íþrótta- og æskulýðsfulltrúi fór yfir stöðuna á knattspyrnuvellinum á 6. fundi æskulýðs- og íþróttanefndar. Starfsmenn bæjarins hafa sinnt vellinum vel í sumar en mikilvægt er að sanda og stinga völlinn til þess að halda honum við. Langstökksgryfjur þarf að passa betur þar sem þær hafa verið nýttar sem sandkassar í sumar. Kaupa þarf læst lok á gryfjurnar til að hlýfa þeim. Þá þyrfti að skoða að setja tartanbraut í fjárhagsáætlun.



Nefndin ræddi um girðinguna sem sett hefur verið í kringum íþróttavöllinn. Að mati nefndar er mikilvægt er að klára að girða frá stúkunni að Aðalgötunni og finna lausn á girðingarmálum við bókasafnið.



Kominn er tími á að huga að stúkunni, gera hana upp og klæða hana. Stúkan er eitt það fyrsta sem blasir við fólki sem keyrir inn í bæinn. Nefndin vill þrýsta á bæjarstjórn að taka upp samtalið við Veitur á ný í sambandi við lagfæringar á stúkunni.

Leikvellir og leiktæki í Stykkishólmi voru tekin til umræðu á 3. fundi bæjarstjórnar unga fólksins.



Bæjarstjórn unga fólksins hvatti bæjaryfirvöld til þess að fara í úrbætur á leikvöllum í sveitarfélaginu, með það að leiðarljósi að hafa leikvellina fjölbreytta og aðgengilega.



Bæjarráð tók, á 43. fundi sínum, undir afgreiðslu 3. fundar bæjarstjórnar unga fólksins og vísaði málinu til umfjöllunar í æskulýðs- og íþróttanefnd.



Æskulýðs- og íþróttanefnda vildi, á 6. fundi sínum, þrýsta á bæjarstjórn að hefja uppbyggingu og viðhalda leikvöllum betur í samræmi við þá grunnvinnu sem hefur átt sér stað varðandi þetta mál. Lagt er til að rýnt verði í skýrslu sem unnin var í samráði við íbúasamráðsverkefnið varðandi leikvelli og æfingastöðvar á Grensásnum.

Lögð fram samantekt sem unnin var af Landmótun varðandi staðsetningu núverandi bekkja og tillögur að nýjum bekkjum í bænum. Mælst er til þess að fínni bekkir verði í miðbænum og með u.þ.b. 150 metra millibili.



Íþrótta- og tómstundafulltrúi gerði grein fyrir málinu á 6. fundi æskulýðs- og íþróttanefndar. Nefndin fór yfir samantekt Landmótunar. Heiðrún Edda, nefndarmaður æskulýðs- og íþróttanefndar, kynnti hugmyndir sínar um staðsetningar bekkja í bænum. Nefndin tók vel í hugmyndir Heiðrúnar og vill koma fyrirliggjandi ábendingum á framfæri til bæjarstjórnar.

Lagt fram erindi til skóla- og fræðslunefndar þar sem óskað er eftir umfjöllun nefndarinnar og endurskoðun ákvörðunar Tónlistarskóla Stykkishólms um synjun á námsumsókn.



Skóla- og fræðslunefnd tók málið til umfjöllunar á 28. fundi sínum og tók undir að markmið Tónlistarskóla Stykkishólms skuli ávallt vera að bjóða eins mörgum nemendum og unnt er hverju sinni upp á tónlistarnám.



Að fengnum útskýringum skólastjórnenda hvatti nefndin stjórnendur til að leita allra leiða til að vinna á biðlista fyrir forskóla 1.



Einnig ítrekaði skóla- og fræðslunefnd mikilvægi þess að umsóknargögn séu skýr og umsóknarfrestur tilgreindur í auglýsingum skólans.



Lögð er einnig fram greinargerð skólastjóra vegna málsins.

Lögð fram kjörskrá vegna kosninga í dreifbýlisráð sem fram fara laugardaginn 7. nóvember nk.

Lögð fram drög að nýjum reglum fyrir geymslusvæði sveitarfélagsins.

Lagt fram að nýju erindi frá Aftanskin, félagi eldri borgara í Stykkishólmi, þar sem félagið lýsir áhyggjum vegna stöðu húsnæðismála aldraðara í sveitarfélaginu.



Bæjarstjórn þakkaði, á 52. fundi sínum Aftanskin, félagi eldri borgara í Stykkishólmi, fyrir erindið. Bæjarstjórn benti á mikilvægi áframhaldandi uppbyggingar og þróunar Höfðaborgar í samræmi við stefnumörkun sveitarfélagsins, meðal annars með fjölgun íbúða fyrir eldra fólk. Jafnframt lagði bæjarstjórn áherslu á að húsnæðisúrræði mæti fjölbreyttum þörfum eldra fólks og stuðli að öryggi, félagslegum tengslum og virkni. Bæjarstjórn vísaði málinu til nánari umfjöllunar í bæjarráði og eftir atvikum öðrum fastanefndum sveitarfélagsins.

Tekið til umræðu í bæjarráði staða lögheimilisskráningar í íbúðarhúsnæði í sveitarfélaginu þar sem enginn einstaklingur er skráður með lögheimili og möguleikar á að hvetja viðkomandi fasteignaeigendur til að skrá lögheimili sitt í sveitarfélaginu, enda megi ætla að framangreindir eigendur íbúðarhúsnæðis í sveitarfélaginu nýti með ýmsum hætti þá innviði og þjónustu sem sveitarfélagið stendur að og vilji leggja sitt af mörkum til að standa undir þeirri þjónustu og viðhalda góðu þjónustustigi í samfélaginu. Áður hefur sveitarfélagið beint sambærilegri hvatningu til eigenda íbúðarhúsnæðis í Stykkishólmi sem ekki áttu þar lögheimili.



Bæjarráð fól bæjarstjóra, á 46. fundi sínum, að láta taka saman uppfærðar upplýsingar um fjölda íbúðarhúsnæða í sveitarfélaginu þar sem enginn einstaklingur er skráður með lögheimili og vinna drög að bréfi til viðkomandi fasteignaeigenda sem og atvinnurekenda. Bæjarráð lagði til við bæjarstjórn að hún hvetji þá fasteignaeigendur sem eiga sitt annað heimili í Sveitarfélaginu Stykkishólmi, en eru skráðir með lögheimili annars staðar, til að skrá lögheimili sitt í sveitarfélaginu, en með því leggi þeir sitt af mörkum til að standa undir þeim innviðum og þeirri þjónustu sveitarfélagsins sem þeir nýta ásamt öðrum íbúum sveitarfélagsins og taki þannig virkari þátt í að viðhalda góðu þjónustustigi í samfélaginu.

Tekin er til umræðu á vettvangi bæjarráðs staða refa- og minkaveiða í sveitarfélaginu og fyrirkomulag veiðanna. Málið hefur áður verið til umfjöllunar í dreifbýlisráði og bæjarráði, m.a. með tilliti til samninga við veiðimenn og mögulegrar setningar reglna um refa- og minkaveiðar innan sveitarfélagsmarka. Óskar Hjartarson, sem komið hefur að refa- og minkaveiðum í sveitarfélaginu, kemur til fundarins og gerir grein fyrir stöðu mála og reynslu af framkvæmd veiðanna.

Lagt fram frumvarp til laga um stórþörungarækt í sjó, mál nr. S-172/2026, sem birt hafa verið í samráðsgátt stjórnvalda.



Bæjarráð lagði, á 46. fundi sínum, áherslu á að við áframhaldandi vinnslu málsins verði horft sérstaklega til sérstöðu Breiðafjarðar, þeirrar þekkingar og atvinnustarfsemi sem þegar er til staðar á svæðinu og þeirra tækifæra sem felast í frekari rannsóknum, nýsköpun og verðmætasköpun. Bæjarráð taldi mikilvægt að skoðað verði hvernig ný lagaumgjörð um stórþörungarækt geti stutt við frekari atvinnu- og þekkingaruppbyggingu við Breiðafjörð, samhliða því að hugað verði að samspili lagasetningar og strandsvæðisskipulags. Jafnframt verði sérstaklega horft til þess hvort Breiðafjörður geti nýst sem tilrauna- og þekkingarsvæði við fyrstu innleiðingu laganna. Bæjarráð fól bæjarstjóra að ljúka við umsögn sveitarfélagsins, í samráði við oddvita, á grundvelli framangreindra áherslna og umræðna á fundinum og senda hana til Atvinnuvegaráðuneytisins.

Lögð fram umsókn um námsvist utan lögheimilissveitarfélags ásamt fylgiskjölum.



Á 28. fundi sínum hvatti skóla- og fræðslunefnd bæjarráð til að afla umsagna frá skólastjóra og Félags-og skólaþjónustu Snæfellinga, vegna málsins og samþykkja fyrirliggjandi umsókn styðji umsagnir málið.

Á 28. fundi skóla- og fræðslunefndar gerði formaður grein fyrir málefni er varðar Grunnskólann í Stykkishólmi.



Skóla- og fræðslunefnd tók málið til umfjöllunar. Formaður gerði grein fyrir þeim upplýsingum sem hún hafði fengið vegna málsins. Vegna þeirra takmörkuðu upplýsinga sem lágu fyrir hjá nefndinni þótti nefndinni a.m.k. ljóst að taka þarf málið alvarlega og taldi brýnt að skólinn vinni hratt og örugglega að viðeigandi lausnum.

Lagður fram viðauki 3 við fjárhagsáætlun 2026-2029.

Lögð fram fjárhagsáætlun sveitarfélagsins 2027 og til þriggja ára 2028-2030.



Bæjarráð vísaði, á 43. fundi sínum, forsendum til samþykktar í bæjarstjórn. Bæjarstjórn samþykkti, á 51. fundi sínum, fyrirliggjandi forsendur fjárhagsáætlunar 2027 og til þriggja ára 2028-2030.

Lögð fram drög að gjaldskrám sveitarfélagsins fyrir árið 2027.