Fara í efni

Safna- og menningarmálanefnd

8. fundur 11. nóvember 2026 kl. 16:15 í fundarsal á 3. hæð
Nefndarmenn
  • Jón Ragnar Daðason formaður
  • Dagný Ósk Hermannsdóttir aðalmaður
  • Marteinn Óli Þorgrímsson aðalmaður
  • Halldóra Margrét Pálsdóttir aðalmaður
  • Sólrún Ösp Jóhannsdóttir aðalmaður
Starfsmenn
  • Jakob Björgvin Jakobsson bæjarstjóri
  • Nanna Guðmundsdóttir forstöðumaður amtsbókasafns
  • Hjördís Pálsdóttir forstöðumaður Norska hússins BSH
  • Hjördís Pálsdóttir (HP)
Fundargerð ritaði: Jón Ragnar Daðason formaður
Dagskrá

1.Erindisbréf safna- og menningarmálanefndar

Málsnúmer 1909026Vakta málsnúmer

Lagt fram erindisbréf safna- og mennignarmálanefndar.
Bæjarstjóri gerir grein fyrir erindisbréfinu.

2.Norska Húsið - Yfirlit yfir faglegan rekstur

Málsnúmer 1905061Vakta málsnúmer

Forstöðumaður safna gerir grein fyrir rekstir Norska hússins.
Safna- og menningarmálanefnd þakkar forstöðumanni safna fyrir kynningu á starfsemi og rekstri Norska hússins.

3.Ársskýrlsa Norska hússins

Málsnúmer 2511014Vakta málsnúmer

Lögð fram ársskýrsla Norska hússins 2025.
Lagt fram til kynningar.

4.Starfsemi Amtsbókasafnsins í Stykkishólmi - skýrsla og yfirferð

Málsnúmer 1910042Vakta málsnúmer

Forstöðumaður Amtsbókasafnsin geirir grein fyrir starfsemi bókasafnsins.
Safna- og menningarmálanefnd þakkar forstöðumanni Amtsbókasafnsins fyrir kynninguna og leggur áherslu á hlutverk bókasafnsins sem aðgengilegs menningar- og samkomustaðar fyrir alla aldurshópa og mikilvægi samstarfs við skóla og aðrar stofnanir sveitarfélagsins.

Safna- og menningarmálanefnd óskar jafnframt eftir að á næsta fundi verði sérstaklega farið yfir stöðu Ljósmyndasafnsins, skráningu og varðveislu mynda, rafrænt aðgengi og möguleika á aukinni miðlun safnkostsins.

5.Ársskýrsla Amtsbókasafnsins í Stykkishólmi

Málsnúmer 2411012Vakta málsnúmer

Lögð fram ársskýsla Amtsbókasafnsins í Stykkishólmi 2025.
Forstöðumaður gerir grein fyrir ársskýrslunni.

Lagt fram til kynningar.

6.Framtíðaráform Vatnasafns

Málsnúmer 2010035Vakta málsnúmer

Lögð fram gögn varðandi framtíðarform og þróun Vatnasafns. Jafnframt er lagt fram minnisblað bæjarstjóra, unnið að beiðni formanns nefndarinnar, um fund bæjarstjóra og forsætisráðherra vegna málsins, ásamt öðrum minnisblöðum og gögnum sem tengjast málinu.



Safna- og menningarmálanefnd lýsti, á 4. fundi sínum, skýrum vilja til að ná samningi um framtíð Vatnasafns í Stykkishólmi. Í því samhengi lagði nefndin ríka áherslu á mikilvægi þess að sveitarfélagið fái viðeigandi stuðning til uppbyggingar menningarinnviða í samræmi við fyrirliggjandi gögn, enda sé slíkur stuðningur lykilatriði í ljósi umfangsmikilla og langtímasamninga sem nú liggja fyrir um rekstur safnsins. Nefndin tók jafnframt undir efni minnisblaðs bæjarstjóra, minnisblað verkefnastjóra menningarmála á Vesturlandi og fundargerð vinnuhóps um framtíðarfyrirkomulag safnsins.



Bæjarráð samþykkti á 24. fundi sínum afgreiðslu nefndarinnar og vísaði málinu áfram til frekari vinnu í vinnuhópi um framtíð Vatnasafns.



Safna- og menningarmálanefnd þakkaði, á 6. fundi sínum, fyrir framlagðar upplýsingar, þar á meðal minnisblað bæjarstjóra, drög að nýjum samningi um Vatnasafnið og minnisblað verkefnastjóra menningarmála á Vesturlandi. Nefndin taldi að framangreind gögn varpi skýru ljósi á bæði menningarlegt gildi Vatnasafnsins og þau umfangsmiklu fjárhagslegu og rekstrarlegu verkefni sem tengjast framtíð safnsins. Nefndin ítrekaði fyrri afstöðu sína, líkt og fram kom á 4. fundi nefndarinnar, um að mikilvægt sé að ná samningi um framtíð Vatnasafnsins í Stykkishólmi. Í því samhengi lagði nefndin þunga áherslu á að sveitarfélagið fái viðeigandi stuðning til uppbyggingar menningarinnviða og til að mæta þeim langtímasamningsskuldbindingum sem fram koma í nýjum samningsdrögum. Nefndin tók undir þau sjónarmið sem fram koma í minnisblaði bæjarstjóra um að utanaðkomandi fjármögnun sé nauðsynleg forsenda þess að unnt sé að gera bindandi samning til lengri tíma. Nefndin tók jafnframt undir að tækifæri til að efla menningartengda ferðaþjónustu og samfélagslega virkni safnsins séu veruleg og vægi þess innan samtímalistar er ómetanlegt, en að viðhaldsþörf húseignarinnar og listaverksins kalli á aðkomu ríkisins, líkt og rakið er í framlögðum gögnum.



Safna- og menningarmálanefnd hvatti til þess að vinnuhópur um framtíð Vatnasafns fundi með annars vegar fulltrúum ríkisins og hins vegar fulltrúum listamannsins til að fara yfir stöðu málsins. Með vísan til framangreinds samþykkti nefndin að vísa málinu áfram til frekari vinnu í vinnuhópi um framtíð Vatnasafns og óskaði eftir að næstu skref í samningsgerð verði lögð fyrir nefndina þegar þau liggja fyrir.



Bæjarráð þakkaði, á 39. fundi sínum, fyrir framlagðar upplýsingar og ítarlega umfjöllun safna- og menningarmálanefndar um framtíðaráform Vatnasafnsins. Bæjarráð tók undir afstöðu nefndarinnar um að utanaðkomandi fjármögnun sé lykilforsenda þess að unnt sé að gera langtímasamning um rekstur safnsins. Bæjarráð staðfesti að öðru leyti afgreiðslu nefndarinnar. Bæjarráð samþykki að vísa málinu áfram til áframhaldandi vinnu starfshóps um framtíð Vatnasafnsins og fól bæjarstjóra jafnframt að fylgja málinu eftir gagnvart ríkinu. Bæjarráð óskaði einnig eftir að starfshópurinn leggi fram tillögur um næstu skref í samningsgerð og aðkomu ríkisins þegar þær liggja fyrir.



Bæjarstjórn staðfesti afgreiðslu bæjarráðs og safna- og menningarmálanefndar á 43. fundi sínum.



Á 40. fundi bæjarráðs var málið tekið up upp að nýju í kjölfar samskipta milli sveitarfélagsins og fulltrúa listamannsins varðandi næstu skref málsins með áherslu farsæla lausn á húsnæðisþætti málsins. Fulltrúi Roni Horn mætti til fundar við bæjarráð.



Bæjarráð fól bæjarstjóra að vinna áfram að málinu með áherslu farsæla lausn á húsnæðisþætti málsins.



Bæjarstjóri gerði grein fyrir málinu á 7. fundi safna- og menningarmálanefndar. Nefndin taldi mikilvægt að skoða alla möguleika í stöðunni en vísaði frekari umræðu til næsta fundar sem stefnt er að halda fljótlega.



Bæjarráð staðfestir, á 42. fundi sínum,, afgreiðslu safna- og menningarmálanefndar.
Safna- og menningarmálanefnd ítrekar vilja sinn til að tryggja framtíð Vatnasafnsins í Stykkishólmi og leggur áherslu á menningarlegt gildi þess fyrir sveitarfélagið og íslenskt menningarlíf.

Safna- og menningarmálanefnd tekur undir fyrri afgreiðslur bæjarráðs um áframhaldandi vinnu að farsælli lausn á húsnæðis- og rekstrarfyrirkomulagi safnsins. Nefndin ítrekar að utanaðkomandi fjármögnun sé nauðsynleg forsenda langtímaskuldbindinga sveitarfélagsins.

7.Miðbæjarskipulag Stykkishólms

Málsnúmer 2609013Vakta málsnúmer

Lögð fram afgreiðsla 46. fundar bæjarráðs þar sem skipaður var starfshópur sem hefur það markmið að þróa áfram miðbæ Stykkishólms, með sérstakri áherslu á túnið við Laxárstíg og möguleika til uppbyggingar á og við það svæði. Við vinnuna verði lögð áhersla á uppbyggingu sem fellur vel að yfirbragði gömlu húsanna og byggðamynstri gamla bæjarins, styður við þéttingu byggðar og nýtir tækifæri til að efla mannlíf, þjónustu og gæði almenningsrýma í miðbænum.
Safna- og menningarmálanefnd fagnar því að unnið sé að framtíðarsýn fyrir miðbæ Stykkishólms og leggur áherslu á að menningarsögulegt gildi gamla bæjarins verði haft að leiðarljósi.

8.Búðanes og Hjallatangi - göngustígar og skilti

Málsnúmer 1904035Vakta málsnúmer

Lögð fram greinargerð ásamt öðrum gögnum tengdri vinnu í tengslum við göngustíga og skilti við Búðarnes og Hjallatanga.
Safna- og menningarmálanefnd ítrekar stuðning sinn við uppbyggingu sögu- og gönguleiðar um Búðarnes og Hjallatanga.

Safna- og menningarmálanefnd leggur áherslu á að Minjastofnun Ísland óski eftir því að verkefnið verði fært á verkefnaáætlun landsáætlunar um uppbyggingu innviða.

9.Skýrsla um Svæðisgarðinn Snæfellsnes

Málsnúmer 2204002Vakta málsnúmer

Lögð fram skýrsla um Svæðisgarðinn Snæfellsnes.
Safna- og menningarmálanefnd óskar eftir kynningu á Svæðisgarðinum og hvaða hlutverki hann getur gengt í miðlun menningararfs og þróun menningartengdrar ferðaþjónustu.

10.Kosning varaformanns og ritara

Málsnúmer 2211039Vakta málsnúmer

Samkvæmt erindisbréfi skal nefndin kjósa varaformann og ritara á fyrsta fundi sínum.
Safna- og menningarmálanefnd kýs Marteinn Óla Þorgrímsson sem varaformann nefndarinnar og Dagný Hermannsdóttur sem ritara.

11.Upplýsingaskilti um Walter Mitty á hafnarsvæði

Málsnúmer 1905066Vakta málsnúmer

Lögð fram tölvupóstsamskipti vegna upplýsingaskiltis um Watler Mitty.
Safna- og menningarmálanefnd þakkar fyrir umsögn Félags atvinnulífs í Stykkishólmi og fagnar stuðningi félagsins við hugmyndina og vilja þess til samráðs um efnistök og framsetningu.

Safna- og menningarmálanefnd tekur undir að skýra þurfi ábyrgð á uppsetningu, uppfærslu og viðhaldi þeirrar vefsíðu sem QR-kóði á skiltinu myndi vísa á. Nefndin telur að annað hvort yrði hún vistuð á vefsíðu sveitarfélagsins eða Félags atvinnulífs í Stykkishólmi (visitstykkisholmur.is).

Safna- og menningarmálanefnd leggur til að skipaður verði vinnuhópur sem falið verði að vinna tillöguna áfram.

12.Sátan - Rokkhátíð í Stykkishólmi

Málsnúmer 2305023Vakta málsnúmer

Lagður fram samningur sveitarfélagsins við Glapræði ehf. vegna Sátunnar árin 2025 og 2026.



Bæjarráð lýsti, á 44. fundi sínum, ánægju með hvernig til tókst með hátíðina í ár og lýsir fyrir sitt leyti yfir vilja til áframhaldandi samstarfs. Bæjarráð lagði þó áherslu á mikilvægi þess að undirbúningur og samskipti við forstöðumenn þeirra stofnana sveitarfélagsins sem tengjast þeim mannvirkjum sem nýtt eru vegna hátíðarinnar fari fram með góðum fyrirvara. Bæjarráð óskaði eftir umsögn safna- og menningarmálanefndar um áframhaldandi samstarf sveitarfélagsins við forsvarsmenn hátíðarinnar vegna tónlistarhátíðarinnar Sátunnar.
Safna- og menningarmálanefnd tekur undir ánægju bæjarráðs með framkvæmd Sátunnar og mælir með áframhaldandi samstarfi sveitarfélagsins við forsvarsmenn hátíðarinnar.

Safna- og menningarmálanefnd telur að við gerð nýs samnings verði kveðið á um kostnað og ábyrgð á frágangi, en færa þurfi fyrir því sérstök rök ef niðurgreiðsla sveitarfélagsins ætti að koma til. Þá leggur nefndin áherslu á að dagsetningar og fyrirkomulag liggi fyrir með góðum fyrirvara og að undirbúningur fari fram í nánu samráði við forstöðumann íþróttamiðstöðvar.

13.Minnisvarði um Júlíönu Jónsdóttur

Málsnúmer 2610021Vakta málsnúmer

Lagður fram uppdráttur sem sýnir staðsetningu fyrir listaverk til heiðurs Júlíönu skáldkonu sem fyrirhugað er að setja upp á næsta ári.



Bæjarráð fagnaði, á 47. fundi sínum, fyrirliggjandi hugmynd að uppsetningu listaverks til heiðurs Júlíönu Jónsdóttur og óskaði eftir umsögn safna- og menningarmálanefndar og skipulagsnefndar um málið.
Safna- og menningarmálanefnd fagnar fyrirhugaðri uppsetningu listaverks til heiðurs Júlíönu Jónsdóttur og telur verkefnið mikilvægt framlag til sýnileika bókmennta- og menningarsögu sveitarfélagsins og hlut kvenna í henni.

14.Samkomuhúsið í Stykkishólmi við Aðalgötu 6

Málsnúmer 2006020Vakta málsnúmer

Málefni samkomuhússins í Stykkishólmi tekin til umræðu í safna- og menningarmálanefnd.
Safna- og menningarmálanefnd ítrekar mikilvægi þess að varðveita Samkomuhúsið og tryggja því framtíðarhlutverk í samfélags- og menningarlífi sveitarfélagsins. Nefndir telur að núverandi notkun falli vel að því hlutverki, þar til uppbygging þess hefur farið fram.

15.Menningarstefna Stykkishólmsbæjar

Málsnúmer 1610018Vakta málsnúmer

Menningarstefna sveitarfélagsins lögð fram til umfjöllunar.
Safna- og menningarmálanefnd tekur stefnuna til umfjöllunar og kallar eftir aðgerðum í aðgerðaráætlun frá nefndarmönnum.

16.Söguskilti um miðbæ Stykkishólms við Bókhlöðuhöfða

Málsnúmer 2603012Vakta málsnúmer

Lögð er fram tillaga Önnu Melsteð að söguskilti um gamla miðbæinn sem óskar eftir að fá að setja það upp á Bókhlöðuhöfða. Skipulagsnefnd samþykkti, á 40. fundi sínum, fyrir sitt leyti að setja upp söguskilti við Bókhlöðuhöfða, en gerir ráð fyrir að efnisatriði skiltisins fái umfjöllun í safna- og menningarmálanefnd eða bæjarstjórn. Nákvæm staðsetning skiltis skal vera í samráði við skipulagsfulltrúa. Bæjarstjórn staðfesti afgreiðslu skipulagsnefndar á 46. fundi sínum.
Safna- og menningarmálanefnd tekur jákvætt í uppsetningu söguskiltis um gamla miðbæinn við Bókhlöðuhöfða og að staðsetning verði ákveðin í samráði við skipulagsfulltrúa í samræmi við afgreiðslu skipulagsnefndar.

17.Gönguferðabók um Stykkishólm

Málsnúmer 2402003Vakta málsnúmer

Lagt fram að nýju erindi frá Guðjóni Friðrikssyni um gönguferðabók um Stykkishólm. Bæjarráð samþykkti, á 19. fundi sínum, að taka þátt í verkefninu. Málið er tekið til umræðu á ný í safna- og menningarmálanefnd.
Safna- og menningarmálanefnd ítrekar jákvæða afstöðu til útgáfu gönguferðabókar um Stykkishólm og telur hana geta nýst vel við miðlun sögu sveitarfélagsins til íbúa og gesta. Með vísan til fyrri samþykktar bæjarráðs um þátttöku í verkefninu óskar nefndin eftir að aflað verði upplýsinga frá Guðjóni Friðrikssyni um stöðu verkefnisins.

18.Hafmeyjan - Varðveisla, endurgerð, staðsetning

Málsnúmer 1905063Vakta málsnúmer

Á 109. fundi Safna- og menningarmálanefndar tók nefndin vel í þær hugmyndir sem uppi eru um að setja á ný upp styttuna af Hafmeyjunni sem var hluti af gosbrunni sem áður var í Kvenfélagsgarðinum. Nefndin lagði til að málið yrði unnið áfram og tekið aftur til umfjöllunar í þegar frekari upplýsingar og gögn liggja fyrir, en lagði áherslu á að afla þurfi kostnaðarmats við lagfæringu styttunnar. Jafnframt taldi nefndin að afla mætti frekari upplýsinga og gagna um fyrrum staðsetningu hennar og eignarhald, sögu verksins og hugmyndir að staðsetningu hennar í Hólmgarðinum frá Kvenfélaginu Hringnum Stykkishólmi.



Málefni hafmeyjunar tekin til umræðu í nefndinni á ný.
Safna- og menningarmálanefnd telur mikilvægt að vinna málið áfram og felur formanni að óska eftir upplýsingum um ástand styttunnar.

Safna- og menningarmálanefnd telur jafnframt mikilvægt að unnið verði að hönnun Hólmgarðsins með tilliti til mögulegrar staðsetningar Hafmeyjunnar og umhverfis í kringum hana. Í þeirri vinnu verði haft samráð við Kvenfélagið Hringinn, meðal annars um sögu styttunnar, staðsetningu og umhverfi.

19.Heildarskipulag áningastaðar og útsýnissvæðis á Súgandisey

Málsnúmer 2004031Vakta málsnúmer

Bæjarráð samþykkti, á 46. fundi sínum, að skipaður verði þriggja manna vinnuhópur, einskonar spretthópur, til að vinna málefni Fjöreggsins áfram undir stjórn formanns bæjarráðs. Formanni bæjarráðs var falið að ljúka við skipun vinnuhópinn í samráði við oddvita beggja lista.



Fjöregg í Súgandisey er tekið til umræðu á ný í safna- og menningarmálanefnd.
Safna- og menningarmálanefnd ítrekar stuðning sinn við uppbyggingu áningar- og útsýnissvæðis í Súgandisey á grundvelli fyrirliggjandi vinningstillögu og samþykkts deiliskipulags. Nefndir telur að komi til skoðunar breytingar á fyrirliggjandi útfærslu eða staðsetningu verði þær metnar í samráði við hönnuði verkefnisins og í því sambandi verði gerð grein fyrir áhrifum breytinganna á listræna heild verksins, hvort fyrirliggjandi hönnun nýtist, áhrif á kostnað og síðast en ekki síst hvort líkar breytingar hefðu áhrif á forsendur styrkveitinga sem er grundvallaratriði hvað þetta varðar.

20.Saga Stykkishólms

Málsnúmer 2611004Vakta málsnúmer

Saga Stykkishólms frá 1596-1892 hefur verið rituð í tveimur bindum. Vinna við 3. bindi sögunnar hefur sitið á hakanum undanfarin ár. Bæjarstjóri gerir grein fyrir málinu.
Safna- og menningarmálanefnd telur mikilvægt að vinna við þriðja bindi Sögu Stykkishólms verði tekin upp að nýju, ef nokkur möguleiki er á því, og að tryggt verði að þegar unnin gögn og/eða handrit nýtist áfram.

Safna- og menningarmálanefnd leggur til tekin verði saman staða verkefnisins og hvort möguleiki sé á því að ljúka við vinnu þriðja bindis af þeim aðila sem áður var með verkið áður en næstu skref verði tekin.

21.Gömlu húsin í Stykkishólmi

Málsnúmer 2611003Vakta málsnúmer

Umræður um varðveislu sögu gömlu húsana í Stykkishólmi út frá hlið iðnaðarmanna.
Safna- og menningarmálanefnd tekur jákvætt í að varðveita sögu gömlu húsanna í Stykkishólmi út frá reynslu og þekkingu iðnaðarmanna sem komið hafa að byggingu, viðhaldi og endurgerð þeirra.

Safna- og menningarmálanefnd telur mikilvægt að skrá frásagnir af vinnubrögðum, efnisnotkun, breytingum og viðgerðum og tengja þær ljósmyndum, teikningum og öðrum heimildum. Sérstaklega verði hugað að því að varðveita þekkingu sem annars gæti glatast.

Safna- og menningarmálanefnd felur formanni nefndarinnar og forstöðumönnum safna að móta tillögu að afmörkuðum fyrsta áfanga verkefnisins.

22.Gjaldskrár 2027

Málsnúmer 2610027Vakta málsnúmer

Lögð fram drög að gjaldskrám sveitarfélagsins fyrir árið 2027.



Bæjarstjórn samþykkti, á 53. fundi sínum, gjaldskrár fyrir Sveitarfélagið Stykkishólms fyrir árið 2027 og vísaði þeim til frekari umfjöllunar í bæjarráði, umsagnar í fastanefndum og til síðari umræðu í bæjarstjórn.
Safna- og menningarmálanefnd gerir ekki athugsemd við fyrirliggjandi gjaldskrár.

23.Fjárhagsáætlun 2027 og til þriggja ára 2028-2030

Málsnúmer 2609021Vakta málsnúmer

Lögð fram fjárhagsáætlun sveitarfélagsins 2027 og til þriggja ára 2028-2030.



Bæjarstjórn samþykkti, á 53. fundi sínum, að vísa fyrirliggjandi fjárhagsáætlun Sveitarfélagsins Stykkishólms 2027-2030, með áorðnum breytingum, til síðari umræðu í bæjarstjórn og vísar henni jafnframt til frekari umfjöllunar í bæjarráði og til umsagnar í öðrum fastanefndum sveitarfélagsins.
Safna- og menningarmálanefnd gerir ekki athugasemd við fyrirliggjandi fjárhagsáætlun.

Fundi slitið.

Getum við bætt efni síðunnar?