Fréttir

Síðustu vikur hafa verið annasamar hjá elstu nemendum leikskólans. Vorskóli, útskrift og útskriftarferð.

Þjóðhátíðardagurinn verður haldinn hátíðlegur um land allt næstkomandi föstudag, 17. júní. Hátíðardagskráin í Stykkishólmi er ekki af verri endanum en hægt er að kynna sér hana hér að neðan.

Lausar stöður við Grunnskólann í Stykkishólmi

Miðvikudaginn 8. júní kom bæjarstjórn sameinaðs sveitarfélags Helgafellssveitar og Stykkishólmsbæjar saman í fyrsta sinn. Bæjarstjórn skipa nú Hrafnhildur Hallvarðsdóttir, Steinunn I. Magnúsdóttir, Ragnar Ingi Sigurðsson, Þórhildur Eyþórsdóttir, Haukur Garðarsson, Ragnheiður Harpa Sveinsdóttir og Ragnar Már Ragnarsson.

Skeljahátíð fer fram í Stykkishólmi um næstu helgi, dagana 11. og 12. júní, er það í annað sinn sem hátíðin er haldin. Á hátíðinni leikur matarkistan Breiðafjörður lykihlutverk og vel við hæfi að halda slíka hátíð um sjómannadagshelgina, en sjómannadagurinn er haldinn hátíðlegur um land allt á sunnudeginum.

?ATH: Sýningum hefur verið aflýst vegna veikinda í leikarahóp. Brúðuleiksýningin Heimferð er nú á ferð um landið. Farandsýningin verður í Stykkishólmi föstudaginn, 10. júní nk. Brúðuleikhúsið Handbendi stendur fyrir sýningunni en Heimferð er ör-leikhússupplifun í húsbíl fyrir lítinn áhorfendahóp í senn en aðeins átta áhorfendur komast inn á hverja sýningu.

14. Landsmót Sambands íslenskra harmonikuunnenda fer fram í Stykkishólmi dagana 30. júní til 3. júlí nk. í boði Félags harmonikuunnenda í Reykjavík. Mótið, sem verður tileinkað minningu Hafsteins Sigurðssonar harmonikuleikara og tónlistarkennara í Hólminum, verður formlega sett í íþróttahúsinu í Stykkishólmi klukkan 13:30 föstudaginn 1. júlí.

Samkvæmt samkomulagi Stykkishólmsbæjar og heilbrigðisráðuneytisins frá 8. febrúar sl. mun Heilbrigðisstofnun Vesturlands taka við rekstri 15 hjúkrunarýma dvalarheimilisins þann 1. júní n.k. og annast rekstur þeirra í húsnæðinu að Skólastíg 14a uns flutt verður í endurgert húsnæði HVE að Austurgötu 7.

Sameiningin tók formlega gildi sunnudaginn 29. maí sl. en þá tók jafnframt nýkjörin sveitarstjórn við sameinuðu sveitarfélagi Stykkishólmsbæjar og Helgafellssveitar. Samþykkt um stjórn og fundarsköp Stykkishólmsbæjar mun gilda fyrir hið nýja sveitarfélag þar til því hefur verið sett ný samþykkt. Heiti hins sameinaða sveitarfélags verður auglýst sérstaklega en hugmyndasöfnun fyrir val á nafni sveitarfélagsins er opin til 1. júní nk.

Í sumar verður boðið upp á leikjanámskeið fyrir 1.-3. bekk og ævintýranámskeið fyrir 4.-7. bekk líkt og undanfarin ár. Á námskeiðunum er lögð áhersla á gleði og hreyfingu