Fréttasafn

Helga Guðjónsdóttir, atvinnuráðgjafi SSV, og Sigursteinn Sigurðsson, menningarráðgjafi SSV, verða í Ráðhúsinu í Stykkishólmi þriðjudaginn 10. ferbrúar frá kl. 13:00 - 15:00. Verkefni atvinnuráðgjafa felast í að vera einstaklingum, fyrirtækjum og sveitarstjórnum til aðstoðar á sviði atvinnumála. m.a. er veitt:

Helstu fréttir eru komnar út. Blaðinu er ætlað að bæta upplýsingaflæði frá sveitarfélaginu og ná m.a. betur til eldra fólks og þeirra sem nota tölvur í minna mæli. Blaðið er gefið út mánaðarlega og liggur m.a. frammi á Höfðaborg, Í Bónus og  Ráðhúsinu þar sem hægt er að nálgast eintak. Þá liggur blaðið einnig frammi á Systraskjóli.

Vegna þorrafagnaðar sem haldinn verður í íþróttamiðstöðinni 7. febrúar nk., lokar íþróttamiðstöðin og sundlaugin í Stykkishólmi fyrr en vant er eftirtalda daga. Fimmtudaginn 5. febrúar lokar kl. 18:00. Föstudaginn 6. febrúar lokar kl. 18:00. Laugardaginn 7. febrúar lokar kl. 14:00

Brák íbúðafélag hses. auglýsir íbúðir lausar til leigu að Bauluvík 2 , Stykkishólmi. Íbúðirnar verða til sýnist miðvikudaginn 4. febrúar milli 16:30 og 17:30. Brák íbúðafélag á 12 íbúðir í Víkurhverfi. Þær standa við Bauluvík 2 í gula-, rauða- og bláa húsinu. Í hverju húsi eru fjórar íbúðir, 2ja herbergja, 3ja herbergja og 4ra herbergja. Brák auglýsir nú eftir umsóknum um leigu á íbúðum að Bauluvík 2. Um er að ræða samtals níu íbúðir en búið er að ganga frá útleigu á 3 - 5 íbúðum. Stærð, tegund og leiguverð íbúða er eftirfarandi:

Bæjarstjórn Stykkishólms auglýsir eftir styrkumsóknum frá einstaklingum og fyrirtækjum í samræmi við reglur um styrkveitingar. Markmiðið með styrkjum bæjarstjórnar Stykkishólms er að styðja við sjálfsprottið starf, starfsemi frjálsra félagasamtaka og framtak einstaklinga sem stuðla að farsælli þróun samfélagsins, menningarlífs, lífsgæðum og fjölbreyti-legu mannlífi og öflugu íþrótta- og æskulýðsstarfi. Umsóknarfrestur er til og með 18. febrúar 2026

Þorrablót verður haldið í Íþróttamiðstöð Stykkishólms þann 7. febrúar næstkomandi. Formenn nefndarinnar í ár eru þau Páll Vignir Þorbergsson og Steinunn I. Magnúsdóttir. Nefndin æfir stíft þessa dagana og er óhætt að gera ráð fyrir miklum dýrðum þegar stóra stundin rennur upp, enda af nægu efni að taka. Miðasala fer fram í Íþróttamiðstöð Stykkishólms sunnudaginn 1. febrúar, kl. 14:00-16:00 og mánudaginn 2. febrúar, kl. 17:00-19:00. Miðaverð er 15.000 kr. Enginn posi verður á staðnum en hægt er að greiða með millifærslu.

43. fundur bæjarstjórnar Stykkishólms fer fram fimmtudaginn 29. janúar 2026 kl. 17:00 í bæjarstjórnarsal. Smelltu á hnappinn hér að neðan til að kynna þér dagská fundar.

Félags- og skólaþjónusta Snæfellinga auglýsir eftir starfsfólki í tilsjón á heimilum á Snæfellsnesi. Tilsjónaraðili leiðbeinir og styður foreldra við að sinna forsjár- og uppeldisskyldu sinni. Stuðningurinn fer fram á heimili fjölskyldunnar þar sem foreldri fær persónulegan stuðning og leiðbeiningar í uppeldi og umönnun barna sinna.

Unnsteinn Logi Eggertsson hefur verið ráðinn í stöðu launafulltrúa hjá Sveitarfélaginu Stykkishólmi. Staðan var auglýst í desember síðastliðinn. Alls sóttu sex manns um stöðuna. Unnsteinn Logi lauk háskólaprófi frá Tækniskólanum sem iðnrekstrarfræðingur í desember 1997. Lengst af hefur Unnsteinn sinnt rekstri í ferðaþjónustu með gistingu, golfvallar- og veitingarekstri og býr að reynslu sem nýtist vel í nýju starfi. Í dag sinnir Unnsteinn stöðu framkvæmdastjóra hjá GF (Golfklúbburinn Flúðir) og fer með yfirumsjón með daglegum rekstri klúbbsins, sinnir launamálum, gerð ráðningasamninga ofl.

Krabbameinsfélag Snæfellsness og Kraftur standa fyrir perlustund í Fjölbrautaskóla Snæfellinga miðvikudaginn 28. janúar 2026 kl. 17:00 - 19:00. Tilefnið er 40 ára afmæli Berglindar Rósu Jósepsdóttur (28.01.1986 - 30.12.2019) sem kvaddi langt fyrir aldur fram. Ein helsta fjáröflunarleið Krafts er sala perluarmbanda með áletruninni „Lífið er núna“. Armböndin eru eingöngu framleidd af sjálfboðaliðum sem leggja félaginu lið með því að bjóða fram krafta sína. Perlustund er tilvalið tækifæri til að eiga skemmtilega stund með fjölskyldu og vinum og um leið leggja góðu málefni lið.