Fréttasafn

Framboðsfresti til sveitarstjórnarkosninga þann 16.maí 2026 lýkur 10.apríl kl.12 á hádegi. Tekið verður á móti framboðum á Amtsbókasafninu í Stykkishólmi föstudaginn 10. apríl n.k. milli kl 11 og 12. Kjörstjórn

Félags- og skólaþjónusta Snæfellinga auglýsir eftir starfsmanni við félagslega heimaþjónustu (þrif, innlit og leiðsögn) í 50 % stöðu. Um er að ræða þjónustu við heimili í Stykkishólmi. Viðkomandi þarf að geta hafið störf sem fyrst.

Bæjarstjórn Stykkishólms hefur lýst yfir þungum áhyggjum af fyrirliggjandi frumvarpi innviðaráðherra þar sem lagt er til að fella niður skelbætur. Bæjarstjórn leggst eindregið og hart gegn frumvarpinu og skorar á ríkisstjórn og Alþingi að falla frá því í núverandi mynd. Bæjarstjórn varar við því að fyrirliggjandi frumvarp um afnám skelbóta geti haft grafalvarleg áhrif á atvinnulíf og byggðafestu í sveitarfélaginu. Að mati bæjarstjórnar eru allt að 100 störf í húfi, auk verulegra áhrifa á fjölskyldur og tekjustofna sveitarfélagsins.

Samkvæmt sorphirðudagatali ætti að losa almennt og lífrænt sorp miðvikudaginn 1. apríl nk. Starfsmenn Gámafélagsins verða hins vegar snemma á ferðinni í dymbilviku og ætla að byrja að losa íbúa við almennt og lífrænt sorp deginum áður, þriðjudaginn 31. mars. Íbúum sem sníða venjur sínar eftir sorphiðudagatali Gámafélagsins er því bent á að snjallt væri að tæma lífrænu- og almennuílátin innanhús út í tunnu að kveldi mánudags eða snemma á þriðjudeginum.

Íbúafundur, í tengslum við birtingu verkefnislýsingar fyrir mótun nýs aðalskipulags, fór fram þann 12. mars síðastliðinn í Félagsheimilinu Skildi. Fundurinn var vel sóttur og voru umræður líflegar og fróðlegar. Sveitarfélagið þakkar þátttakendum fyrir þeirra framlag. Fulltrúar Alta, sem leiða verkefnið,  hafa tekið saman punkta frá fundinum en þá má nálgast hér.

46. fundur bæjarstjórnar Stykkishólms fer fram fimmtudaginn 26. mars 2026 kl. 16:00 í bæjarstjórnarsal. Smelltu á hnappinn hér að neðan til að kynna þér dagská fundar.

Vilt þú vinna úti í fallegu umhverfi og góðu veðri? Sveitarfélagið Stykkishólmur auglýsir eftir kraftmiklu fólki í skemmtileg störf sumarið 2026. Leitað er eftir flokkstjórum, aðastoð við vinnuskóla, hraustum einstaklingum í samfélagsflokkinn, starfsmönnum í slátturgengi o.fl.

Loftgæðamælingar voru framkvæmdar í Samkomuhúsinu 12. mars síðastliðinn og sýna að loftgæði þar eru góð og innan eðlilegra marka. Mælingarnar voru framkvæmdar af fyrirtækinu Disact með svokallaðri Mycometer-aðferð, sem metur magn sveppaagna og annarra ofnæmisvalda í innilofti. Niðurstöður mælinga eru túlkaðar samkvæmt viðmiðunarkerfi sem flokkar þær í flokka A+ til D eftir magni sveppaagna og ofnæmisvalda í lofti. Reyndust niðurstöður úr Samkomuhúsi falla í flokka A og A+, sem samkvæmt viðmiðum þýðir að magn sveppaagna og ofnæmisvalda sé eðlilegt eða mjög lágt.

Á Snæfellsnesi hefur verið samþykkt ný og uppfærð sjálfbærnistefna sem markar næsta skref í sameiginlegri vegferð sveitarfélaganna í loftslags- og umhverfismálum. Stefnan byggir á þeirri vinnu sem þegar hefur átt sér stað á svæðinu, en felur í sér skýrari og markvissari markmiðasetningu – sérstaklega þegar kemur að beinni losun gróðurhúsalofttegunda vegna starfsemi sveitarfélaganna sjálfra.

Júlíana – hátíð sögu og bóka er haldin í þrettánda sinn dagana 19.–21. mars 2026. Hátíðin var fyrst sett á laggirnar árið 2013 og hefur síðan fest sig í sessi sem mikilvægur þáttur í lista- og menningarlífi Hólmara. Að venju verður boðið upp á fjölbreytta og metnaðarfulla dagskrá þar sem rithöfundar, ljóðskáld og aðrir listamenn stíga á svið. Í ár er sérstök ástæða til að fagna, þar sem verk Júlíönu Jónsdóttur, sem hátíðin dregur nafn sitt af, eiga merkisafmæli. Bókin Stúlka kom út árið 1876, fyrir 150 árum, og árið 1916, eftir að Júlíana fluttist til Vesturheims, kom út bókin Hagalagðar í Winnipeg í Kanada, fyrir 110 árum.