Fréttasafn

Félagsmiðstöðin X-ið tekur þátt í félagsmiðstöðva- og ungmennahúsavikunni með því að bjóða foreldrum, systkinum og íbúum að kíkja við í opnanir. Vikan hefur það að markmiði að varpa ljósi á mikilvægi og virði þessa vettvangs fyrir börn og ungmenni. Foreldrar, forráðamenn, systkini, vinir og aðrir aðstandendur eru hvött til að kynna sér starfsemina.

Helstu fréttir eru komnar út. Tilgangur blaðsins er að bæta aðgengi íbúa að tilkynningum og fréttum frá sveitarfélaginu. Í því samhengi er sérstaklega horft til eldra fólks sem notast ekki við tölvur og liggur blaðið því frammi á Höfðaborg og Systraskjóli.

Í nóvember 2025 verða 180 ár liðin frá því að Árni Thorlacius hóf samfelldar veðurfarsmælingar í Stykkishólmi sem hafa staðið óslitið síðan. Í tilefni þessa afmælis verður efnt til málþings sem verður haldið í Vatnasafninu í Stykkishólmi 11. október næstkomandi. Hera Guðlaugsdóttir á veg og vanda að viðburðinum en verkefnið er meðal annars styrkt af Safnaráði, Uppbyggingarsjóði Vesturlands og Sveitarfélaginu Stykkishólmi. Malþingið ber tiltilinn Andvarinn í himinsfari og er dagskráin eftirfarandi:

Bæjarstjórn Sveitarfélagsins Stykkishólms samþykkti í lok janúar nýjan samstarfssamning við aðalstjórn Ungmennafélagsins Snæfells um eflingu íþróttastarfs í sveitarfélaginu, að undangenginni mikilli vinnu og samráði. Samningurinn var undirritaður í hálfleik á fyrsta heimaleik meistaraflokks karla Snæfells á nýju keppnistímabili, fimmtudaginn 9. október, þegar liðið mætti Fylki. Snæfell vann öruggan sigur í gær og voru lokatölur leiksins 90-78.

Mánudaginn 6. október lokar Sundlaugin í Stykkishólmi kl. 18:00 vegna viðhalds Veitna á kerfinu. Íbúar í Stykkishólmi hafa fengið tilkynningu frá Veitum um að búast megi við lægri þrýstingi á köldu vatni í Stykkishólmi þann 06.október næstkomandi frá kl. 20:00 til miðnættis. Vakin er sérstaklega athygli á því að lægri þrýstingur á köldu vatni getur valdið því að aðeins renni heitt vatn úr blöndunartækjum sem getur valdið bruna.

Sveitarfélagið Stykkishólmur óskar eftir að ráða í starf í íþróttamiðstöð og við sundlaugavörslu, (karl) í íþróttamiðstöð Stykkishólms. Um er að ræða framtíðarstarf í 100% vaktavinnu. Æskilegt að umsækjandi geti hafið störf í byrjun janúar 2026.

Bæjarstjórn Stykkishólms auglýsir eftir styrkumsóknum frá einstaklingum og fyrirtækjum í samræmi við reglur um styrkveitingar. Markmiðið með styrkjum bæjarstjórnar Stykkishólms er að styðja við sjálfsprottið starf, starfsemi frjálsra félagasamtaka og framtak einstaklinga sem stuðla að farsælli þróun samfélagsins, menningarlífs, lífsgæðum og fjölbreytilegu mannlífi og öflugu íþrótta- og æskulýðsstarfi.

Starfamessa er viðburður þar sem fyrirtæki, stofnanir og menntastofnanir kynna störf, starfsgreinar og menntunartækifæri fyrir nemendum grunn- og framhaldsskóla og öðrum áhugasömum. Slíkar messur hafa verið vinsælar meðal grunn- og framhaldsskólanema sem vilja kynna sér framtíðarmöguleika betur, bæði varðandi nám og störf.  Starfamessa verður haldin í Fjölbrautaskóla Snæfellinga þriðjudaginn 30. september. Almenninguri er boðin velkomin á viðburðinn frá 12:00 - 13:30.

Menningarmálastofnun Sameinuðu þjóðanna (UNESCO) staðfesti í dag, laugardaginn 27. september 2025, umsókn Íslands um að gera Snæfellsnes að vistvangi. Er þetta fyrsta svæðið á Íslandi sem hlýtur þessa alþjóðlegu viðurkenningu.

Bæjarstjórn Sveitarfélagsins Stykkishólms samþykkti á 36. fundi sínum 8. maí 2025 að auglýsa tillögu að breytingu á Aðalskipulagi Stykkishólms 2002-2022 vegna breytinga á landnotkun á svokölluðum Agustsonreit, við Aðalgötu 1, Austurgötu 1 og 2. Breytingin felur í sér að landnotkun breytist úr athafnasvæði í verslun- og þjónustu og íbúðarsvæði. (Mál nr. 40/2024)