Fréttasafn

Sveitarfélagið Stykkishólmur býður nemendum í 7. - 10. bekk með lögheimili í Stykkishólmi sumarvinnu í vinnuskólanum. Vinnuskólinn er oftast fyrsta launaða vinna unglinganna og því mikilvægur grunnur til að byggja á. Vinnuskólinn hefst mánudaginn 16. júní næstkomandi en nú þegar hafa nokkrir sumarstarfsmenn tekið til starfa í Þjónustumiðstöð sem vinna nú að því að slá og snyrta bæinn.

Helstu fréttir eru komnar út. Tilgangur blaðsins er að bæta aðgengi íbúa að tilkynningum og fréttum frá sveitarfélaginu. Í því samhengi er sérstaklega horft til eldra fólks sem notast ekki við tölvur og liggur blaðið því frammi á Höfðaborg og Systraskjóli.

Foreldrar og forráðamenn eru minntir á að ganga frá skráningu fyrir námskeið næstu viku fyrir hádegi á föstudags, 13. júní. Skráning í leikjanámskeið fyrir 1.-3. bekk er í netfangið klaudia@stykk.is. Skráning í námskeið fyrir 4.-6. bekk er í netfangið ragnaringi@stykk.is

Tónlistarhátíðin Sátan fór fram dagana 5.-7. júní í Stykkishólmi og setti hún sannarlega svip sinn á bæinn. Hátíðin var fyrst haldin í fyrrasumar og tókst vel til en sama má segja um hátíðina nú í ár sem fór friðsamlega og vel fram.

Aflraunakeppnin Fjallkonan fer fram 14. og 15. júní næstkomandi. Um er að ræða kraftakeppni kvenna sem fram fer í Snæfellsbæ og Stykkishólmi. Seinni keppnisdagur fer fram í Stykkishólmi þann 15. júní og hefst keppni kl. 12:00 við Stykkishólmskirkju. Þrjár greinar verða á dagská í Stykkishólmi en sú fyrsta fer fram við Stykkishólmskirkju, önnur á túninu við Hótel Egilsen og sú þriðja uppi í Súgandisey.

Sundlaug Stykkishólms verður lokuð mánudaginn 9. júní vegna námskeiðs sem starfsfólk sækir, sama gildir um líkamsræktarstöðina Átak. Opnað verður aftur þriðjudaginn 10. júní kl. 07:00, með vaska endurþjálfaða starfsmenn.

Fimmtudaginn 5. júní opnaði útisvæðið við Sundlaug Stykkishólms á ný eftir lokun vegna framkvæmda. Búið er að leggja nýtt snjóbræðsukerfi undir hellulögn, frá klefum að vaðlaug en unnið er nú að þvi að standsetja nýju heitu pottana. Sem fyrr er allt kapp lagt á að klára framkvæmdina sem fyrst.

Lóðin Nesvegur 12 er hér með auglýst til úthlutunar í samræmi við reglur sveitarfélagsins um úthlutun á lóðum fyrir íbúðar- og atvinnuhúsnæði og bætist þar með á úthlutunarlista yfir lausar lóðir í Stykkishólmi. Umsóknarfrestur er til og með 20. júní 2025.

Sátan er þriggja daga rokkhátíð sem haldin er í íþróttamiðstöðinni í Stykkishólmi dagana 5. - 7. júní. Hátíðin var fyrst haldin í fyrrasumar og tókst vel til. Hátíðin leggur áherslu á að bjóða upp á fjölbreytt úrval af fremstu rokkhljómsveitum Íslands. Tónleikar hefjast í íþróttamiðstöðinni kl. 16:00 dagana þrjá og standa fram yfir miðnætti. Óhætt er því að gera ráð fyrir blómlegu mannlífi í Stykkishólmi næstu daga. Meðal hljómsveita sem koma fram á hátíðinni í ár eru Sororicide, Brain Police, The vintage caravan og Skálmöld.

Kynningarfundur vegna tillögu að breytingu á deiliskipulagi fyrir Víkurhverfi verður haldin miðvikudaginn 4. júní, kl. 16:30 - 17:30, á Amtsbókasafninu í Stykkishólmi. Skipulagsbreyting nær til lóðar D þar sem íbúðum fjölgar úr 4-6 í 10 íbúðir, byggingarreitur breytist þannig að 10 íbúðir passi betur á reitina og bílastæðum fjölgar úr 7 í 10.