Fréttasafn

Helgina 16. - 17. maí verður haldinn loppumarkaður í Norska húsinu.

Stykkishólmsbær auglýsir laus sumarstörf fyrir námsmenn 18 ára og eldri. Um er að ræða þátttöku Stykkishólmsbæjar í átaksverkefni á vegum vinnumálastofnunar til að fjölga tímabundnum störfum fyrir námsmenn nú í sumar í ljósi aðstæðna af völdum COVID-19. Meðal starfa eru fjölbreytt umhverfisstöf, störf sem snúa að stjórnsýslu og þjónustu við bæjarbúa, störf sem tengjast atvinnumálum og ýmis skráningarvinna.

Sjávarútvegsráðherra boðar grásleppusjómenn sem hafa leyfi til grásleppuveiða við innanverðan Breiðafjörð í sumar til fundar í kvöld kl. 20:00 í Amtsbókasafninu í Stykkishólmi. Vegna sóttvarnafyrirmæla takmarkast fjöldi við einn einstakling frá hverri útgerð (bát) svo hægt sé virða 2 metra regluna og fjöldamörk á fundum.

Starfsfólk Markaðsstofu Vesturlands leggur land undir fót næstu daga og heimsækir ferðaþjónustuaðila á Vesturlandi til að eiga við þá samtal. Fundað verður á Amtsbókasafninu í Stykkishólmi kl. 17 í dag og eru ferðaþjónustuaðilar í Stykkishólmi hvattir til að mæta.

Grunnskólinn í Stykkishólmi auglýsir eftirfarandi stöður lausar frá 1. ágúst 2020.

Verkís hf., fyrir hönd Félags- og skólaþjónustu Snæfellinga, óskar eftir tilboðum í framkvæmdir vegna byggingar 5 íbúða, ásamt starfsmannaaðstöðu, búsetuþjónustukjarna fatlaðs fólks við Ólafsbraut 62-64, Ólafsvík. Tilboðum skal skila rafrænt á netfangið anmt@verkis.is fyrir kl.13.00, 15. maí 2020. Tilboð verða opnuð á fjarfundi kl. 13.30, sama dag, 15. maí 2020.

Trjágróður sem vex út fyrir lóðarmörk getur skapað óþægindi og jafnvel hættu fyrir gangandi og akandi vegfarendur. Stykkishólmsbær hvetur garðeigendur til að klippa tré sín svo þau hvorki hindri vegfarendur, hylji umferðarskilti, götumerkingar né dragi úr götulýsingu. Einnig þarf að hugsa fyrir aðgengi vegna snjóhreinsunar.

Í undirbúningi eru umsóknir Stykkishólmsbær í aðgerðarpakka tvö frá ríkisstjórninni þar sem gert er ráð fyrir framlagi til úrræða í atvinnu fyrir námsmenn á aldrinum 18-25 ára.

Bæjarstjórn Stykkishólmsbæjar mótmælti kröftuglega, á fundi sínum nú í morgun, ákvörðun sjávarútvegs- og landbúnaðarráðherra um að stöðva fyrirvaralaust grásleppuveiðar við landið.

Af gefnu tilefni minnir Stykkishólmsbær á að lausaganga hunda í bæjarlandinu er með öllu óheimil skv. 15. gr. samþykktar um hundahald í Stykkishólmsbæ. Þá er eigendur og umráðamönnum hunda einnig skylt að gæta þess vel að hundar þeirra valdi ekki hættu, óþægindum, óþrifnaði eða raski ró manna, svo sem með stöðugu eða ítrekuðu ýlfri eða gelti. Eigendum og umráðamönnum hunda er ávallt skylt að fjarlægja saur eftir hunda sína.