Bæjarráð Stykkishólmsbæjar og Helgafellssveitar

Lögð fram fundargerð 4. fundar skóla- og fræðslunefndar.

Lögð fram 6. fundargerð skipulagsnefndar.

Lögð fram fundargerð 26. afgreiðslufundar byggingafulltrúa.

Bárður Eyþórsson sækir um lóðina Laufásvegur 19.

Sigubjartur Loftsson kemur til fundar við bæjarráð til að ræða hugmyndir sínar um lóðarframboð og framtíðaruppbyggingu í Stykkishólmi.

Lagt fram erindi Atvinnuveganefndar Alþingis sem sendir til umsagnar frumvarp til laga um breytingu á lögum um stjórn fiskveiða, nr. 116/2006 (orkuskipti), 537. mál.

Þess er óskað að undirrituð umsögn berist eigi síðar en 10. janúar nk.

Lagt fram erindi Atvinnuveganefndar Alþingis sem sendir til umsagnar frumvarp til laga um breytingu á lögum um veiðar á fiskveiðilandhelgi Íslands, nr. 79/1997 (aflvísir).

Þess er óskað að undirrituð umsögn berist eigi síðar en 10. janúar nk.

Lagt fram fjárhagsyfirlit vegna framkvæmda við færslu hjúkrunarheimilis í Stykkishólmi ásamt samantekt á áföllnum kostnaði miðað við áramót, en upplýsingarnar voru sendar sveitarfélaginu 30. desember 2022. Endurskoðandi sveitarfélagsins mælist til þess að kostnaðarhlutdeild sveitarfélagsins samkvæmt upplýsingum frá framkvæmdasýslunni í lok árs 2022 verði færð til bókar í ársreikningi 2022.

Lagt fram bréf frá Innviðaráðuneytinu vegna umsóknar um framlag úr Fasteignasjóði Jöfnunarsjóðs vegna aðgengismála við Íþróttamiðstöðina á Stykkishólmi, en fjármagnið var nýtt til uppsetningar stólalyftu í Íþróttamiðstöð Stykkishólms til móts við framlag sveitarfélagsins.

Lagt fram til kynningar undirritað kjarasamningsumboð.

Lögð fram fundargerð stjórnar lista- og menningarsjóðs sem fundaði 10. janúar sl.

Lögð fram fyrirspurn frá Mennta- og barnamálaráðuneyti til sveitarfélagsins um stöðu barns, skv. 4. gr. grunnskólalaga, ásamt svarbréfi sveitarfélagsins og fylgigögnum.

Málið var tekið til umfjöllunar á 4. fundi skóla- og fræðslunefndar.

Lögð fram samantekt á athugasemdum foreldra vegna lokunar leikskólans í dymbilviku 2023. Einnig er lagt fram fylgiskjal frá foreldri sem lýsir fyrirkomulagi leikskóla í Uppsölum í Svíþjóð þar sem vísað er sérstaklega til bls. 4. Þar að auki eru viðbrögð leikskólastjórnenda við athugasemdum lögð fram.

Málið var tekið til umfjöllunar á 4. fundi skóla- og fræðslunefndar og er bókun nefndarinnar jafnframt lögð fram.

Lagðar eru fram til kynningar umsagnir og athugasemdir sem borist hafa við skipulagslýsingu fyrir Skipavíkursvæðið.

Lagðar eru fram til kynningar umsagnir sem borist hafa við skipulagslýsingu vegna athafnasvæða við Kallhamar og Hamraenda. Engar athugasemdir bárust frá íbúum eða öðrum hagsmunaaðilum.

Lögð fram umsagnarbeiðni vegna umsóknar Magnúsar Inga Bæringssonar f.h. Þorrablótsnefndar 2023 um tækifærisleyfi til áfengisveitinga vegna Þorrablóts sem halda á í Íþróttamiðstö Stykkishólms, Borgarbraut, 340 Stykkishólmi 4. febrúar 2023.

Lagt fram sýnishorn af samning um Heilsueflandi samfélag ásamt samstarfsyfislýsingu sveitarfélagsins og Embætti landlæknis. Heilsueflandi samfélag er samfélag þar sem tekið er mið af heilsu og vellíðan allra íbúa í stefnumótun og aðgerðum á öllum sviðum.

Fulltrúar golfklúbbsins Mostra komu til fundar við bæjarráð, á 6. fundi ráðsins, og ræddu stækkun á húsi Golfklúbbsins Mostra m.a. með það fyrir augum að bæta aðstöðu fyrir tjaldgesti.

Fulltrúar Golfklúbbsins Mostra gerðu grein fyrir hugmyndum sínum. Bæjarráð tók jákvætt í hugmyndir félagsins um aðkomu sveitarfélagsins að stækkun húsnæðis og fól bæjarstjóra að leggja drög að samkomulagi um framkvæmdina fyrir bæjarráð til 3ja-4ja ára.

Bæjarstjóri gerir grein fyrir stöðu málsins.

Bæjarstjóri leggur til að Aðalgata 5A og Austurgata 6A verði auglýstar lausar til úthlutunar í samræmi við reglur um úthlutun á lóðum fyrir íbúðar- og atvinnuhúsnæði.

Lagðar fram upplýsingar og gögn í tengslum við refa- og minkaveiðar í sveitarfélaginu.

Lögð fram drög að skýrslu Haraldar Líndal Haraldssonar um vinnufyrirkomulag við Stykkishólmshöfn og tillögur, en skýrslan hefur verið í vinnslu frá apríl 2022 eða áður en nýr hafnarvörður tók til starfa í maí 2022.

Enn á ný er lögð fram umsögn Örnefnanefndar um þær átta tillögur að nafni á hið sameinaða sveitarfélag sem bæjarstjórn samþykkti að senda til umsagnar nefnarinnar á 2. fundi sínum 30. júní 2022. Bæjarráð samþykkti á 3. fundi sínum að boða til íbúafundar vegna nafns á nýja sveitarfélaginu. Íbúafundurinn fór fram 5. desember sl.

Forseti bæjarstjórnar gerði, á 7. fundi bæjarstjórnar, grein fyrir að bæjarfulltrúar væru sammála því að tvö nöfn kæmu til greina: Sveitarfélagið Stykkishólmur eða Stykkishólmsbær. Málinu var vísað til næsta bæjarstjórnarfundar.

Lögð fram umsókn Eggerts og Sigga ehf. um breytingu á notkun eignarhluta á Aðalgötu 20 úr skrifstofu í íbúð ásamt minnisblaði skipulagsfulltrúa um túlkun á skipulagsskilmálum fyrir lóðina og frekari gögn.

Skipulagsnefnd hafnaði, á 6. fundi sínum, umsókn Eggerts og Sigga ehf. um breytingu á skilgreiningu í deilskipulagi úr "þjónusta" í íbúðarhúsnæði. Jafnframt hafnar nefndin fyrir sitt leiti að gerð verði breyting á deiliskipulagi.

Lögð er fram umsókn Rerum ehf., f.h. Helga Björgvins Haraldssonar, um leyfi fyrir svölum á suðvesturhlið Austurgötu 6 ásamt frekari gögnum. Þar sem umrædd breyting er ekki í samræmi við deiliskipulagsskilmála, vísar byggingarfulltrúi erindinu til skipulagsnefndar.

Skipulagsnefnd gat ekki, á 6. fundi sínum, fallist á umsókn Rerum ehf. um byggingu svala þar sem fjarlægð þeirra út frá húsinu var ekki í samræmi við skipulagsskilmála í gildandi deiliskipulagi. Óski umsækjandi eftir að vinna óverulega breytingu á deiliskipulagi skv. 2. mgr. 43. gr. skipulagslaga nr. 123/2010, með hliðsjón af framlögðum uppdráttum, tekur nefndin fyrir sitt leyti jákvætt í það og felur skipulagsfulltrúa að grenndarkynna skipulagsbreytinguna fyrir lóðarhöfum Austurgötu 4, Skúlagötu 2 og Skúlagötu 4 í samræmi við 44 gr. skipulagslaga nr. 123/2010. Berist athugasemdir úr grenndarkynningu skal taka málið aftur fyrir í skipulagsnefnd. Berist engar athugasemdir, felur nefndin byggingarfulltrúa að gefa út byggingarheimild skv. að uppfylltum skilyrðum 2.4.3. gr. byggingarreglugerðar.

Lögð fram umsókn Hafnargata ehf. fyrir stækkun á frístundarhúsi við Birkilund 27 ásamt innanhúss breytingum skv. aðaluppdrætti dags. 18.12.2022. Húsið er skráð 33,m2 og verður eftir stækkun 68,4m2. Stækkunin er á steyptum staurum og meginburðarvirki hússins er timbur. Þar sem ekkert er kveðið á um byggingarmagn í gildandi deiliskipulagi frá 1984, vísaði byggingarfulltrúi erindinu til skipulagsnefndar.

Skipulagsnefnd hafnaði, á 6. fundi sínum, umsókn Hafnargötu ehf. um stækkun á frístundahúsi þar sem staðsetning hússins er ekki í samræmi við gildandi deiliskipulag og gr. 5.3.2.12 í skipulagsreglugerð nr. 90/2013.

Einnig eru lagðar fram frekari upplýsingar um málið.

Lögð fram athugasemd úr grenndarkynningu vegna byggingaráforma og byggingarleyfis fyrir Hamraenda 4 ásamt forsögu máls.

Skipulagsnefnd samþykkti, á 6. Fundi sínum, fyrir sitt leyti að fyrirhuguð bygging verði færð nær spennistöð á lóð Rarik en þó ekki nær en 2 metrum frá lóðarmörkum. Nefndin gerði kröfu um að langveggur byggingarinnar sem snýr að lóð Rarik verði steyptur sem nemur hæðarmörkum lóðar Rarik og gengið frá lóð með fyllingu að byggingu.

Lögð fram fyrirspurn Erlu Friðriksdóttur til byggingarfulltrúa frá 14. nóvember 2022 um breytingu á skipulagsskilmálum fyrir Áskinn 6 úr einnar hæðar einbýli, tvíbýli eða þríbýli í raðhús með fjórum íbúðareiningum. Einnig er lögð fram saga málsins til frekari upplýsinga.

Skipulagsnefnd tók, á 6. fundi sínum, jákvætt í fyrirspurn lóðarhafa. Sækir lóðarhafi um breytingu á notkun lóðar, samkvæmt framlögðum gögnum, felur nefndin skipulagsfulltrúa að grenndarkynna fyrirhugaða breytingu fyrir lóðarhöfum Áskinn 3,4,5 og 7 og Ásklif 5, 7 og 9 skv. 1. mgr. 44. gr. skipulagslaga nr. 123/2010. Berist ekki athugasemdir úr grenndarkynningu, felur nefndin umhverfis- og skipulagssviði að útbúa nýtt lóðarblað og byggingarfulltrúa að veita byggingarleyfi að uppfylltum skilyrðum gr.2.4.4. byggingarreglugerðar 112/2012 m.s.br.

Lögð fram áform Matvælaráðuneytisins um breyting á lögum um stjórn fiskveiða og lögum um veiðar í fiskveiðilandhelgi Íslands (veiðistjórn grásleppu) ásamt frummati á áhrifum lagasetningarinnar.

Lagt fram minnisblað Verkís um hönnun á fráveitukerfi fyrir nýtt Víkurhverfi í Stykkishólmi og þá valkosti sem fyrir liggja.

Fyrir liggur að byggingarfulltrúi hefur sagt upp störfum og hefur störf hjá verkfræðistofu um næstu mánaðarmót. Lagt er til að fela bæjarstjóra að gera verktakasamning í gegnum verkfræðistofu við núverandi byggingarfulltrúa um að sinna áfram lögbundnum störfum byggingarfulltrúa eða eftir atvikum aðra verkfræðistofu, en framvegis í verktakavinnu þar til ráðið verður í stöðu byggingarfulltrúa hjá sameiginlegu sviði umhverfis- og skipulagsmála.

Lögð fram drög að húsnæðisáætlun fyrir árið 2023.

Bæjarstjóri gerir grein fyrir vinnu sem fram hefur farið að stofnun Miðstöðvar öldrunarþjónustu, sem gert er ráð fyrir að verði sett á fót á árinu 2023 í fjárhagsáætlun sveitarfélagsins á grunni stefnumörkunar í málefnum einstaklinga 60 ára og eldri í sveitarfélaginu. Þá eru lögð fram drög að auglýsing um stöðu forstöðumanns Miðstöðvar öldrunarþjónustu í sveitarfélaginu.

Lögðar fram verklagsreglur um snjómokstur í sveitarfélaginu, en það liggur fyrir bæjarráði að ákveða og útfæra nánar þjónustu á snjómokstri í dreifbýli.

Lagt fram minnisblað bæjarstjóra, dags. 12. júní 2020, um stöðu Samkomuhússins í Stykkishólmi, endurgerð og framtíðarsýn, ásamt öðrum gögnum. Bæjarstjóri leggur til, sem næsta skref við mótun framtíðarsýnar fyrir húsnæðið, við bæjarráð fundi með Jóni Ragnari Daðasyni í Samkomuhúsinu vegna hugmynda sem bæjarstjóri hefur rætt við Jón Ragnar um og tengjast hugmyndum að endurgerð og uppbyggingu hússins ásamt framtíðarnotkun þess.

Lögð fram drög að samningi um afnot af landi við Hólm ehf. vegna landeldis á grunni viljayfirlýsingar um landeldi og sjálfbæra framleiðslu matvæla á grunni grænna iðngarða, dags. 28. apríl 2022, sem samþykkt var af hálfu bæjarstjórnar Stykkishólmsbæjar á 411. fundi bæjarstjórnar sveitarfélagsins.

Lagt fram erindi frá Matvælaráðuneytinu vegna úthlutunar byggðakvóta á fiskveiðiárinu 2022/2023, ásamt sérreglum sem samþykktar hafa verið af háflu sveitarfélagsins.

Skólastjóri Grunnskólans í Stykkishólmi hefur sagt starfi sinu lausu. Vegna þess er þörf á að hefja undirbúning ráðningar í starf skólastjóra.

Ráðning skólastjóra og starfsfólks í leik- og grunnskóla fer eftir ákvæðum sveitarstjórnarlaga og nánari fyrirmælum í samþykkt um stjórn sveitarfélagsins. Með vísan til 56. gr. sveitarstjórnarlaga og 50. gr. reglna um stjórn sveitarfélagsins kemur það í hlut sveitarstjórnar að ráða skólastjóra grunnskólans.

Lögð er fram áætlun um ráðninguna. Áætlunin gerir ráð fyrir að sveitarstjórn taki ákvörðun um ráðningu en að forseti bæjarstjórnar og bæjarstjóra sé í sameiningu í samvinnu við hæfninefnd sem skipuð er aðalmönnum í bæjarráði falinn undirbúningur ákvörðunar með aðstoð ráðgjafa frá Attentus.

Fundaráætlun bæjarstjórnar og bæjarráðs frá janúar til júní 2023 framlögð.