Bæjarráð

Lögð fram 3. fundargerð Hafnarstjórnar.

Lögð fram fundargerð 8. fundar skipulagsnefndar.

Lögð fram 5. fundargerð skóla- og fræðslunefndar.

Lögð fram 3. fundargerð stjórnar Náttúrustofu Vesturlands.

Lögð fram fundargerð 27. afgreiðslufundar byggingarfulltrúa.

Lögð fram fundargerð 202. fundar félagsmálanefndar Snæfellinga sem fram fór þriðjudaginn 14. mars sl.

Lögð fram fundargerð 919. fundar stjórnar Sambands íslenskra sveitarfélaga, sem haldinn var þriðjudaginn 28. febrúar sl.

Lagt fram fundarboð á aðalfund Lánasjóðs sveitarfélaga sem fram fer föstudaginn 31. mars 2023.

Lagt fram staðfesting á jafnlaunavottun Svf. Stykkishólms.

Lagður fram listi yfir styrki til félagasamtaka vegna fasteignagjalda 2023.

Lögð fram Grænbók um húsnæðis- og mannvirkjamál.

Lagt fram frumvarp til laga um breytingu á ýmsum lögum í þágu barna (samþætting þjónustu, snemmtækur stuðningur o.fl.)

Lögð fram drög að fumvarpi um breyting á raforkulögum (raforkuöryggi).

Lögð fram skýrsla Boston Consulting Group um stöðu og framtíð lagareldis á Íslandi

Lögð fram drög að hvítbók um samgöngumál og umhverfismatsskýrsla.

Lögð fram drög að skýrslu um aðgerðaáætlun lýðheilsustefnu.

Velferðarnefnd Alþingis sendir til umsagnar tillögu til þingsályktunar um innleiðingu lýðheilsumats í íslenska löggjöf.

Þess er óskað að undirrituð umsögn berist eigi síðar en 14. mars nk.

Allsherjar- og menntamálanefnd Alþingis sendir til umsagnar tillögu til þingsályktunar um upplýsingamiðlun um heimilisofbeldismál, 126. mál.

Þess er óskað að undirrituð umsögn berist eigi síðar en 23. mars nk

Allsherjar- og menntamálanefnd Alþingis sendir til umsagnar frumvarp til laga um grunnskóla (framlög til sjálfstætt rekinna grunnskóla), 128. mál.

Þess er óskað að undirrituð umsögn berist eigi síðar en 23. mars nk

Allsherjar- og menntamálanefnd Alþingis sendir til umsagnar tillögu til þingsályktunar um aðgerðaráætlun gegn hatursorðræðu fyrir árin 2023-2026, 795. mál.

Þess er óskað að undirrituð umsögn berist eigi síðar en 23. mars nk.

Lögð fram drög að stefnu í málefnum sveitarfélaga (hvítbók).

Lögð fram þingsályktun Kirkjuþings 2022-2023 um sölu fasteigna kirkjunnar, sem samþykkt var á Kirkjuþingi 11. mars 2023, þar sem gengið er út frá því að fasteignir í tilteknum prestaköllum verði ekki hluti fríðinda framtíðarpresta, þ.m.t. fasteign kirkjunnar í Stykkishólmsprestakalli að Lágholti 9 í Stykkishólmi.

Á 8. fundi bæjarráðs var lagt fram álit umboðsmanns Alþingis í máli nr. 11167/2021 og úrskurður dómsmálaráðuneytisins í máli nr. DMR21080053 vegna þeirrar réttaróvissu sem uppi hefur verið um ágang búfjár í ljósi leiðbeiningar og álits samgöngu- og sveitarstjórnarráðuneytisins í máli nr. SRN2007003 þar sem tekin var efnisleg afstaða til ágreiningsefnisins sem álit, en vegna álits ráðuneytisins taldi sveitarfélagið að ekki hafi verið fyrir hendi forsendur til þess að sveitarfélagið gangi gegn fyrirliggjandi leiðbeiningum og áliti ráðuneytisins í þessum efnum. Í áliti umboðsmanns er mælst er til þess að innviðaráðuneytið taki leiðbeiningar, sem samgöngu- og sveitarstjórnarráðuneytið veitti vegna ágangsfjár, í heild sinni til endurskoðunar þar sem þær samrýmist ekki lögum. Vísaði bæjarráð málinu til umfjöllunar í landbúnaðarnefnd.

Málið er lagt að nýju fyrir bæjarráð þar sem lögð er fram bókun 919. fundar stjórnar Sambands íslenskra sveitarfélaga þar sem samþykkt var að sambandið eigi frumkvæðið að því að koma á fundi milli fulltrúa innviðaráðuneytis, dómsmálaráðuneytis, matvælaráðuneytis, bændasamtakanna og Sambands íslenskra sveitarfélaga til þess að koma á samráðshópi um heildarendurskoðun á lögum um fjallskil, afréttarmálefni og tengdri löggjöf. Þá er lögð fram bókun 173. fundar stjórnar Samtaka sveitarfélaga á Vesturlandi þar sem stjórn skorar á matvælaráðuneytið að hefja nú þegar endurskoðun á lögum um afréttarmálefni, fjallskil o.fl. til að eyða þeirri óvissu sem er varðandi framkvæmd smölunar ágangsfjár.

Benedikt Benediktsson óskar eftir leyfi fyrir uppskiptingu á landi Saura. Með uppskiptingunni verður til spildan Saurar 9. Einnig er skógræktin staðfest með hnitum.

Sótt er um að skrá eina nýja landeign, Saura 9, úr landi Saura (L-136854). Samkvæmt 48. gr. skipulagslaga nr.123/2010 þarf samþykki sveitarstjórnar þegar skipta á upp jörðum, löndum eða lóðum eða breyta landamerkjum og lóðamörkum. Í gildandi Aðalskipulagi Helgfellsveitar 2012-2024 er umrætt svæðið að mestu skilgreint sem afþreyingar- og ferðamannasvæði. Skipulagsnefnd samþykkti, á 8. fundi sínum, fyrir sitt leiti umsókn um uppskiptingu jarðarinnar Saura í Saura 9.

Afgreiðsla skipulagsnefndar er lögð fram til staðfestingar í bæjarráði.

Hesteigendafélag Stykkishólms fer þess á leit við sveitarfélagið að gerð verði breiting á 2. gr. samnings sveitarfélagsins við félagið sem varðar nýtingu á beitilandi í Landey. Lagt fram erindi frá félaginu ásamt svari bæjarstjóra.

Umhverfis- og samgöngunefnd Alþingis sendir til umsagnar frumvarp til laga um samvinnuverkefni um samgönguframkvæmdir (samfélagsvegir), 485. mál.

Þess er óskað að undirrituð umsögn berist eigi síðar en 15. mars nk.

Lagt fram erindi frá Eyja- og Miklaholtshrepp varðandi leik- og grunnskólamál. Í erindinu er þess farið á leit að Svf. Stykkishólmur veiti leik- og grunnskólaþjónustu fyrir Eyja- og Miklaholtshrepp.

Lagt fram minnisblað, sem unnið er af Stefáni Gíslasyni, framkvæmdastjóra Umhverfisráðgjafar Íslands ehf., fyrir Samtök sveitarfélaga á Vesturlandi og Samband íslenskra sveitarfélaga og er ætlað að varpa ljósi á skyldur sveitarfélaga hvað varðar ráðstöfun dýraleifa, svo og helstu ráðstöfunarleiðir sem nú eru tiltækar eða til greina kæmi að byggja upp. Í minnisblaðinu er m.a. lag til að gripið verði til aðgerða til að tryggja að í stað urðunar verði öllum dýraleifum komið í vinnslu sem uppfyllir lagakröfur og er í anda hringrásarhagkerfisins.

Lagðar fram styrkumsóknir til bæjarstjórnar. Bæjarstjórn Sveitarfélagsins Stykkishólms auglýsti eftir styrkumsóknum frá einstaklingum og fyrirtækjum í samræmi við reglur um styrkveitingar 21. febrúar sl.

Tíu umsóknir bárust en umsóknarfrestur var til og með 14. mars.

Lagt fram erindi frá Húsnæðis- og mannvirkjastofnun (HMS) þar sem óskað er eftir upplýsingum um stöðu slökkviliðsins.

Lögð fram gögn í tengslum við uppbyggingu við íþróttavöll, tengingu við íþróttahús og frágang á skólalóð. Elízabet Guðný Tómasdóttir, landslagsarkitekt, kemur til fundar við bæjarráð og gerir grein fyrir stöðu málsins.

Lagt fram að nýju til umfjöllunar í bæjarráði verkefni í tengslum við styrkingu leikskólastarfs.

Lögð fram gögn í tengslum við fyrirhugað útboð á gatnagerð í Víkurhverfi (1. áfangi).

Lagt fram erindi til sveitarfélagsins frá Snæhopp ehf. ásamt samstarfsyfirlýsingu og minnisblaði bæjarstjóra.

Lögð fram gögn vegna vinnu við deiliskipulag Skipavíkur, ásamt afgreiðslu 8. fundar skipulagsnefndar varðandi áherslur nefndarinnar við að fullvinna tillögu að tillögu að deiliskipulagi og afgreiðsla 3. fundar hafnarstjórnar þar sem hafnarstjórn staðfesti umboð til handa skipulasnefnd eða bæjarráði, til að vinna frekar að og gera fyrir sína hönd formlega tillögu um deiliskipulag hafnarsvæðis til bæjarstjórnar í samræmi við fyrirliggjandi gögn.

Afgreiðslur skipulagsnefndar og hafnarstjórnar eru lagðar fram til staðfestingar.

Lögð fram verkefnatillaga KPMG fyrir mótun græns iðngarðs í Stykkishólmi í tengslum við vinnu við skipulag svæðisins.

Mennta- og barnamálaráðherra hefur ákveðið í samstarfi við Samband íslenskra sveitarfélaga, Skólastjórafélag Íslands og Grunn, félag stjórnenda á skólaskrifstofum að efna til fundarraðar í mars til maí 2023 um áframhaldandi vinnu um úthlutun og ráðstöfun fjármuna til grunnskóla. Tilgangur fundanna er að styðja betur við stefnumótun og starfshætti sem stuðla að menntun fyrir alla. Tveir fundir verða haldnir á hverjum stað með um tveggja mánaða millibili. Gert er ráð fyrir að sveitarfélög/skólar vinni ákveðið verkefni milli funda. Fyrri fundurinn á Vesturlandi var haldinn mánudaginn 20. mars sl. og sátu fyrir hönd sveitarfélagsins þann fund forseti bæjarstjórnar, formaður bæjarráðs, bæjarstjóri og aðstoðarskólastjóri Grunnskólans í Stykkishólmi. Fyrir bæjarráð eru lögð fram gögn fundarins ásamt sjálfsmat fyrir stefnumótun um úthlutun og ráðstöfun fjármuna í grunnskóla fyrir alla sem liggur fyrir að vinna þurfi af hálfu sveitarfélagsins í tengslum við verkefnið og kynna þarf á seinni fundi verkefnisins í maí nk.