Fréttir

Vegna sveitarstjórnarkosninga um helgina vill kjörstjórn minn á að kjörfundur stendur frá kl 10 til 22 og er í Grunnskólanum við Borgarbraut laugardaginn 16.maí . Einnig bendum við á skyldu til að hafa við höndina persónuskilríki þegar mætt er á kjörstað og viljum nefna að eftir kjörfund hefst flokkun og talning atkvæða en þar sem almenning heimill aðgangur til að fylgjast með.

Sameiginlegur framboðsfundur beggja lista sem bjóða fram til sveitarstjórnarkosninga í Stykkishólmi 2026 fer fram í sal Tónlistarskóla Stykkishólms fimmtudaginn 14. maí kl. 17:00. Á fundinum ávarpa frambjóðendur viðstadda og taka svo við spurningum úr sal. Íbúar eru hvattir til að mæta og hlýða á frambjóðendur. Fyrirspurnir skulu vera hnitmiðaðar og beint til lista, ekki frambjóðenda. Ekki er ætlast til að fyrirspyrjandi flytji ræður.

Myndlistasýningin Ryðverk opnar í Norska húsinu kl. 14:00 laugardaginn 16. maí 2026. Ryðverk Írisar Maríu Leifsdóttur eru samvinna listamanns, veðurs og tíma. Einkasýningin hennar, Ryðverk, opnar í Byggðasafni Snæfellinga og Hnappdæla þann 16. maí kl. 14:00. Járnplöturnar standa undir berum himni þar sem úrkoma og önnur veðurskilyrði vinna á málminum, og þannig er hvert verk bundið þeim tíma og stað þar sem eyðingarmáttur náttúrinnar hefur mótað það. Útkoman er því jafn ófyrirsjáanleg og tíðarfarið sem hún endurspeglar.

Helstu fréttir eru komnar út. Blaðinu er ætlað að bæta upplýsingaflæði frá sveitarfélaginu og ná m.a. betur til eldra fólks og þeirra sem nota tölvur í minna mæli. Blaðið er gefið út mánaðarlega og liggur m.a. frammi á Höfðaborg, Í Bónus og Ráðhúsinu þar sem hægt er að nálgast eintak. Þá liggur blaðið einnig frammi á Systraskjóli.

Kosning til sveitarstjórnar fer fram laugardaginn 16.maí 2026. Kjörfundur verður opinn frá kl 10 til kl 22 og verður í Grunnskólanum, Borgarbraut 6. Eftirfarandi listar eru í framboði:

Þriðjudaginn 12. maí verður Optical Studio með gleraugnaverslun í Samkomuhúsinu Grundarfirði, Sólvöllum 3. Verslunin verður opin frá 09:00-19:00 þann eina dag. 20% afsláttur verður af öllum vörum. Hægt er að bóka tíma í sjónmælingar í síma 511-5800 og á opticalstudio.is/noona.is. 

Sveitarfélagið Stykkishólmur býður ungmennum með lögheimili í sveitarfélaginu sumarvinnu í Vinnuskólanum og Samfélagsflokknum. Opið er nú fyrir skráningar í vinnuskólann og Samfélagsflokkinn sumarið 2026. Vinnuskólinn er fyrir ungmenni fædd árin 2008, 2009, 2010, 2011, 2012 og 2013. Hægt er að skrá sig í vinnuskólann á íbúagáttinni. Skráningu skal skilað fyrir mánudaginn 1. júní 2026. Mikilvægt er að fylla skráningarformin út samviskusamlega.

Innritun í Fjölbrautaskóla Snæfellinga er opin fyrir nemendur sem eru að útskrifast úr grunnskóla 24. apríl - 10. júní 2026. Hægt er að hafa samband við skirfstofu skólans fyrir nánari upplýsingar eða aðstoð, fsn@fsn.is, agnes@fsn.is, s. 430-8400. Þá má einnig kynna sér starfsemi skólans á fsn.is

Atvinnuráðgjafar SSV bjóða uppá samtal og ráðgjöf tengdum atvinnu- og nýsköpunarverkefnum á hinum ýmsu stigum. Helga Guðjónsdóttir, atvinnuráðgjafi verður með viðveru í Grundarfirði og Stykkishólmi 13. maí á eftirfarandi tímum: Grundarfjörður, samvinnurýmið Grundargötu 39 - kl. 10:00 - 12:00, Stykkishólmur, Ráðhús Stykkishólms - kl. 13:00 - 15:00

48. fundur bæjarstjórnar Stykkishólms fer fram fimmtudaginn 7. maí kl. 17:00 á Amtsbókasafninu í Stykkishólmi. Tvö mál eru á dagskrá fundar en það síðara er Ársreikningur sveitarfélagsins fyrir árið 2025.  Venju samkvæmt verður bæjarstjórnarfundi streymt í beinni útsendingu en að lokinni kynningu á ársreikning, umræðum og afgreiðslu hans  verður bæjarstjórnarfundi slitið og útsendingu fundar hætt. Þá gefst íbúum kostur á því að spyrja eða leggja til athugasemdir vegna ársreikningsins.