Fréttir

Sveitarfélagið Stykkishólmur hyggst bjóða íbúum að rækta kartöflur í kartöflugörðum við Heljarmýri í sumar. Til að hægt sé að undirbúa svæðið og plægja garða eftir þörfum eru áhugasamir beðnir um að láta vita ef þeir hafa hug á að nýta sér garðana. Áhugasamir geta látið vita af sér með því að senda póst á stykkishomur@stykkisholmur.is eða hafa samband við Ráðhúsið í síma 433-8100.

Kjörskrá Sveitarfélagsins Stykkishólms vegna sveitarstjórnarkosninga 16. maí 2026 liggur frammi til sýnis í Ráðhúsinu í Stykkishólmi. Hægt er að skoða hana á almennum opnunartíma Ráðhússins.

Leikskólinn í Stykkishólmi auglýsir lausar stöður: 100% stöðu deildarstjóra. 100% stöðu leikskólakennara. Tæplega 60% stöðu við ræstingar. Allar nánari upplýsingar gefa Sigrún Þórsteinsdóttir leikskólastjóri og Elísabet Lára Björgvinsdóttir aðstoðarleikskólastjóri á netfanginu leikskoli@stykkisholmur.is og í síma 4338128 og 8664535.

Stóri plokkdagurinn fer fram sunnudaginn 26. apríl 2026. Sveitarfélagið stendur fyrir plokkviðburði sem hefst kl 11:00 við Kakkelovnsholt í Vík (við innkomuna í Víkurhverfi) á sunnudaginn kemur. Í ár verður áhersla lög á að plokka í Vík, en þar hefur víða safnast rusl í skurðum og fjörunni. Sveitarfélagið útvegar poka en þeir sem eiga plokkstangir eru hvattir til að mæta með þær. Að verki loknu verður duglegum plokkurum boðið uppá grillaðar pylsur. 

Atvinnuráðgjafar SSV bjóða uppá samtal og ráðgjöf tengdum atvinnu- og nýsköpunarverkefnum á hinum ýmsu stigum. Ráðgjafi verður með viðveru í Grundarfirði og Stykkishólmi 21. apríl á eftirfarandi tímum: Grundarfjörður, samvinnurýmið Grundargötu 39 - kl. 10:00 - 12:00 Stykkishólmur, Ráðhús Stykkishólms - kl. 13:00 - 15:00

Sumardagurinn fyrsti verður haldin hátíðlegur um land allt fimmtudaginn 23. apríl. Foreldrafélag Grunnskólans í Stykkishólmi stendur fyrir fjölskylduskemmtun í tilefni dagsins. Fjörið hefst kl. 11:00 á íþróttavellinum þar sem byrjað verður á léttu hlaupi áður en farið verður í leiki. Að loknum leikjum verður boðið upp á grillaðar pylsur.

Samtök sveitarfélaga á Vesturlandi boða til opins fundar í verkefninu Gott að eldast. Á fundinum verða kynntar niðurstöður nýrrar könnunar um virkni, þátttöku og líðan íbúa eldri en 80 ára í Stykkishólmi. Niðurstöður varpa ljósi á stöðu og upplifun hópsins og skapa mikilvægan grunn fyrir áframhaldandi þróun þjónustu. Fundurinn er opinn öllum áhugasömum og er kjörið tækifæri til að fræðast, ræða málin og taka þátt í samtali um það hvernig við getum best stutt við gott líf á efri árum.

Á milli staða í nátttúru Grænlands - Ljósmyndasýning eftir Jóhönnu Ómarsdóttur áhugaljósmyndara, opnar laugardaginn 18. apríl kl. 13:00 í Byggðasafni Snæfellinga og Hnappdæla. Ljósmyndirnar voru teknar við Qooroq ísfjörð á suðurströnd Grænlands 2006. Til að komast á milli þeirra bæja sem eru við fjörðinn þarf að ferðast með bát eða þyrlu. Myndirnar voru teknar í einni slíkri bátsferð á milli stærstu bæja strandarinnar Qaqortoq og Narsaq. Við fjöruborð þeirra og einnig í ferð upp á Grænlandsjökul.

Sveitarfélagið Stykkishólmur auglýsir laust til umsóknar starf aðstoðarmanneskju í eldhúsi í Höfðaborg. Starfið felst í aðstoð við matráð eldhússins, þrifum og öðrum tilheyrandi verkefnum sem fylgja rekstri mötuneytis. Umsóknarfrestur er til 4. maí 2026 og æskilegt er að viðkomandi geti hafið störf sem fyrst

Mánudaginn 13. apríl sl. var ritað undir viljayfirlýsingu um uppbyggingu í Víkurhverfi. Samkvæmt fyrirliggjandi áformum er gert er ráð fyrir að Skipavík ehf. komi til með að byggja upp 14-28 íbúðareiningar í nýjum hluta hverfisins vestur af Borgarbraut, en í gildandi deiliskipulagi er heimild til að byggja 21-32 íbúðir. Í áformum Skipavíkur er lagt til að byggja parhús, einbýli og raðhús. Gert er ráð fyrir að uppbyggingu ljúki innan átta ára fá gildistöku deiliskipulags en deiliskipulag skal hafa tekið gildi fyrir apríl 2027.