Fréttir

Í tilefni af alþjóðlegum degi jökla, sem er þann 21. mars ár hvert, opnar ljósmyndasýningin The Glacier Project þann 13. mars í þjóðgarðsmiðstöð Snæfellsjökulsþjóðgarðs. Dagurinn er tileinkaður vitundarvakningu um mikilvægi jökla fyrir umhverfið, ferskvatnsbirgðir jarðar og áhrif loftslagsbreytinga á þá. Markmiðið með deginum er að hvetja einstaklinga, stjórnvöld og vísindasamfélagið til að grípa til aðgerða til að vernda þessa viðkvæmu náttúruauðlind.

Sveitarfélagið Stykkishólmur hefur til leigu tvær íbúðir að Skúlagötu 9. Íbúðirnar eru báðar á fyrstu hæð en alls eru átta íbúðir í húsinu. Íbúð 101 er 81,9 fm að stærð og skiptist í gang, eldhús, tvö svefnherbergi, baðherbergi og stofu. Út af stofu eru svalir með fallegu útsýni yfir Maðkavíkina. Íbúð 103 er 82,4 fm að stærð og skiptist í gang, eldhús, tvö svefnherbergi, baðherbergi og stofu. Út af stofu eru svalir með fallegu útsýni yfir Maðkavíkina.

Líkt og kynnt var á íbúafundi 8. desember 2025 er nú unnið að nýju aðalskipulagi fyrir Sveitarfélagið Stykkishólm, það fyrsta fyrir sameinað sveitarfélag. Í aðalskipulaginu verður mörkuð framtíðarstefna sveitarfélagsins í þróun þéttbýlis og dreifbýlis. Á íbúafundinum, sem fram fór á Höfðaborg þann 8. desember sl., kynnti fulltrúi Alta, fyrirtækisins sem leiðir vinnuna, vinnuferla við mótun nýs aðalskipulags og nálgun við stefnumótun.

Helstu fréttir eru komnar út. Blaðinu er ætlað að bæta upplýsingaflæði frá sveitarfélaginu og ná m.a. betur til eldra fólks og þeirra sem nota tölvur í minna mæli. Blaðið er gefið út mánaðarlega og liggur m.a. frammi á Höfðaborg, Í Bónus og Ráðhúsinu þar sem hægt er að nálgast eintak. Þá liggur blaðið einnig frammi á Systraskjóli.

Sveitarfélagið Stykkishólmur og Aftanskin, félag eldri borgara í Stykkishólmi, undirrituðu í dag, mánudaginn 2. mars 2026, samning um afnot Samkomuhússins við Aðalgötu 6. Bæjarstjórn samþykkti samninginn á 45. fundi sínum, fimmtudaginn 26. febrúar. Í afgreiðslu bæjarstjórnar er kveðið á um að óháð og fagleg úttekt fari fram áður en starfsemi hefst og að staðfest verði að loftgæði séu ekki heilsuspillandi, ásamt reglulegri eftirfylgni. Unnið er nú að aðgerðum sem tryggja góð loftgæði í húsnæðinu, m.a. með öflugu loftskiptakerfi með varmaendurvinnslu í almannarýmum og útsogi í kjallara með röraviftu. Því til viðbótar verða nýttar lausnir frá fyrirtæki sem sérhæfir sig í sótthreinsun og lofthreinsilausnum, m.a. með aðferðum sem miða að því að drepa örverur í lofti og á yfirborðum. Sveitarfélagið hefur áður nýtt slíka þjónustu með góðum árangri í öðrum mannvirkjum.

Sveitarfélagið Stykkishólmur stendur nú fyrir hreinsunarátaki og hvetur eigendur lausamuna á Reitarvegi til að taka þátt í hreinsun á svæðinu. Búið er að koma fyrir gám á svæðinu þar sem hægt er að henda járni. Gámurinn er eingöngu ætlaður undir járn og verður fjarlægður af svæðinu mánudaginn 9. mars.

Nemendafélag Fjölbrautaskóla Snæfellinga stendur fyrir bingó til styrktar Lilju Dögg, nemanda við FSN. En Lilja Dögg greindist með bráðahvítblæði í lok síðasta árs. Nemendur hafa undanfarið staðið í ströngu við að undirbúa bingóið og safna góðum styrkjum og hvetja því alla að mæta í dag, miðvikudaginn 25.febrúar kl. 17:30, og taka þátt í Styrktarbingó Lilju. 

45. fundur bæjarstjórnar Stykkishólms fer fram fimmtudaginn 26. febrúar 2026 kl. 17:00 í bæjarstjórnarsal. Smelltu á hnappinn hér að neðan til að kynna þér dagská fundar.

Þriðjudaginn 24. febrúar 2026 verður merkum tímamótum í sögu skólahalds í Stykkishólmi fagnað. Á þessu ári eru liðin 130 ár frá því að rekstur barnaskóla hófst í Stykkishólmi, eftir byggingu fyrsta skólahússins árið 1896. Í fyrra voru liðin 90 ár frá því að Barnaskólinn í Stykkishólmi við Skólastíg var tekinn í notkun (1935), bygging sem í dag hýsir Tónlistarskóla Stykkishólms. Þar að auki voru í fyrra 40 ár frá vígslu núverandi skólabyggingar grunnskólans við Borgarbraut.

Miðvikudaginn 18. febrúar verður öskudagurinn haldinn með hefðbundnu sniði hér í Hólminum. Öskudagsgangan verður á sínum stað en gengið verður frá Tónlistarskóla Stykkishólms kl. 14:00. Magnús Bæringsson og Hafþór Guðmundsson leiða gönguna og lofa miklu fjöri. Seinni partinn verður skemmtun í íþróttahúsinu á vegum foreldrafélags Grunnskólans í Stykkishólmi. Tímanum er skipt svona: