Fréttir

Rokkviðburðavika fyrir krakka á öllum aldri stendur nú yfir í Grundarfirði. Um helgina verða tónleikar í Samkomuhúsi Grundarfjarðar og því tilvalið fyrir Hólmara að gera sé ferð út á nes og heilsa upp á nágrannana. Dagskráin er hluti af barnamenningarhátíðinni Barnó Best Mest Vest á Vesturlandi og Rökkurdögum Grundarfjarðarbæjar.

Bæjarstjórn Stykkishólms samþykkti á fundi sínum 1. október að hækkanir almennra gjaldskráa sveitarfélagsins verði að hámarki 2,5% árið 2027. Verður það lagt til grundvallar við gerð fjárhagsáætlunar fyrir árið 2027 í samræmi við forsendur fjárhagsáætlunar sem lágu til afgreiðslu á fundinum.

Á 47. fundi bæjarstjórnar þann 30. apríl 2026 var samþykkt að auglýsa eftirfarandi deiliskipulagsbreytingar, skv. 1. mgr. 41. gr. skipulagslaga nr. 123/2010. Vatnsás í Víkurhverfi. Breytingin nær til svæðis syðst í Víkurhverfi. Skipulagssvæðið minnkar þar sem stór hluti svæðisins er illbyggilegur, göturnar Móvík og Sundvík falla út, fjöldi íbúða fer úr 21-32 í 14-28 og heimilt er að byggja parhús og einbýli. Lóðin R1 helst óbreytt í stærð en fer úr 2-4 íbúðir í 3-6. (Mál nr. 1120/2026 í Skipulagsgátt).

52. fundur bæjarstjórnar Stykkishólms fer fram fimmtudaginn 1. október 2026 kl. 17:00 í bæjarstjórnarsal. Smelltu á hnappinn hér að neðan til að kynna þér dagská fundar.

Ungmennaþing Vesturlands verður haldið á Hótel Borgarnesi helgina 25.-27.september 2026. Um er að ræða samstarfsverkefni sveitarfélaga á Vesturlandi, Ungmennaráðs Vesturlands og Samtaka sveitarfélaga á Vesturlandi (SSV) og er fjármagnað af Sóknaráætlun Vesturlands.

Tónlistarskóli Stykkishólms auglýsir eftir nemendum. Nokkur laus pláss eru í söngnám, trommu- og slagverksnám, kornett-, trompet-, horn- og básúnunám. Áhugasamir eru hvattir til að kynna sér námið og sækja um á vefsíðu skólanns.

Heilsudagar í Hólminum eru haldnir dagana 23. - 30. september í tilefni af íþróttaviku Evrópu. Markmið vikunnar er að kynna íþróttir og hreyfingu fyrir almenningi sem getur hentað öllum óháð aldri, bakgrunni eða líkamlegu ástandi og sporna þannig við auknu hreyfingarleysi meðal almennings.

Hannesarsteinn, sem staðið hefur við Stykkishólmsveg við afleggjarann að kirkjugarði og Nýrækt, var færður nú í morgun, miðvikudaginn 17. september. Eins og fram hefur komið á vef sveitarfélagsins þurfti steininn að víkja vegna framkvæmda sem nú standa yfir við Stykkishólmsveg.

Föstudaginn 18. september verður Litahlaup Grunnskólans í Stykkishólmi haldið í fyrsta sinn. Dagurinn er fyrsti uppbrotsdagur skólaársins en undanfarin ár hefur verið skólahlaup á þessum degi, en nú í ár verður litahlaup í fyrsta sinn. Hlaupið verður ræst kl. 11:30 við Grunnskólann í Stykkishólmi eftir létta upphitun. Reiknað er með að hlaupinu ljúki svo um 12:30 á sama stað. Að hlaupi loknu verður nemendum boðið upp á hádegishressingu við skólann. Hringurinn er 1,6 km.

Bæjarstjórn Stykkishólms auglýsir eftir styrkumsóknum frá einstaklingum og fyrirtækjum í samræmi við reglur um styrkveitingar. Markmiðið með styrkjum bæjarstjórnar Stykkishólms er að styðja við sjálfsprottið starf, starfsemi frjálsra félagasamtaka og framtak einstaklinga sem stuðla að farsælli þróun samfélagsins, menningarlífs, lífsgæðum og fjölbreytilegu mannlífi og öflugu íþrótta- og æskulýðsstarfi.